Good Character: [Love]

1 Ukorintho 16:14

Kila ittu inopanga inyu mpangeke wo nrima wo uttuna.

1 Nayohana 4:8-18

[8] Ntu hiri ni nrima wo uttunana khanchuwelhaka Nlhuku ukhalhawaya Nlhuku phi uttunana.[9] Nlhuku ahooniha unittuna wawe vanrumilhe awe Mwaana awe o yekha velhaponi, wiira nipatte ukumi wo iphiro awe.[10] Wowo phi uttunana we ikeekhene. Khanihiwe hii naachokhonlhe unttuna Nlhuku, nansho Yoyo phi anittunne hii mpaka nkanruma Mwaana awe akhalhe isadaka yo uniwaananiha wo nlhatu wo unihiyerera uwonya.[11] Ashilhoko aka yakhalhaka etu Nlhuku ahonittuna chinene chommo, paahi etu ni hii nihothananiya uttunana chiicho.[12] Khaawo ntu apantte umwoona Nlhuku ikatema iriyoothe, nansho nattunanaka ashineneru, Nlhuku nookhalha ni hii, ni uttuna wawe wonkhaye unootimira nhina mwihu.[13] Wo nenno nlhove nno nihochuwelha wiira ninokhalha nhina mwawe ni uyo nokhalha nhina mwihu ukhalhawaya honivaha Iphumu awe.[14] Ni hii nihoonechesha ni uhimiechesha wiira, Athithi ahonruma Mwaana aya akhalhe Mwoopolhi o ilhapo.[15] Ntu riyoothe norumelhelha ni uhimiacha mwanene wiira Yesu phi Mwaana a Nlhuku, nookhalha nhina mwawe, ni uyo nookhalha mu ulhutaanani ni Nlhuku.[16] Ni hii nihochuwelha ni urumelhelha wiira Nlhuku noonittuna. Nlhuku phi uttunana. Ni ntu ri ni nrima wo uttunana nokhalha nhina mwawe Nlhuku. Ni Nlhuku nokhalha nhina mwawe ntu uyo.[17] Nikhalheke etu wo uttunana velhaponi va, thoko Kuristo, nrima ihu wo uttunana unootimira nhina mwihu. Wiira niwe neemelha wo uhoova nihuku Nlhuku vanohalha awe waahukumulha attu onkhaye nno.[18] Nrima wo uttunana khunoova, nrima wo uttuna we ikeekhene unookakha woova. Paahi etu, ntu o woova khanatimira mu uttunani, yoyo noova utwarushiya.

Nayohana 3:16

Nlhuku ahaattuna attu o velhaponi chinene, wo chiichammo etu, nkankhumiha Mwaana awe o yekha, riyoothe nonrumelhelha hipotere, nansho akhalhe ni ukumi wo uhimalha.

1 Napeturo 4:8

Upwaha chittu chonkhaye chiyo, nttunaneke wo nrima wonkhaye, ukhalhawaya uttunana phi nokhuneelha uwonya winchi.

Ukolosai 3:14

Uthepa yayo onkhaye ayo, mwiinanelheke uttunana, ukhalhawaya uttunana phi nolhutaaniha kila ittu ukhalha umokaru utiminre.

Nayohana 13:34-35

[34] Kinouvahani malhehero o naanano, nttunaneke mwaashineneru, nttunaneke thoko chuuttunne akani mwaattiva.[35] Mwattunanaka mwaashineneru, attu onkhaye anoochuwelha wiira mwaattiva phi owiittucha aka.”

Nayohana 15:13

Khuuwo uttuna wulhupalhe chinene umpwaha uttuna wo ntu nokumiha ukumi awe wo nlhatu no manyampwana awe.

1 Ukorintho 13:13

Vano kinovarelha alha mararu alha, upisha nrima ni ukhulhuvelha ni uttuna. Nansho nrima wo uttuna phi thepilhe upwaha onkhaye.

1 Nayohana 4:19

Hii nihanaa nrima wo uttunana, ukhalhawaya Nlhuku phi chokhonlhe unittuna.

1 Nayohana 4:7

Ashilhoko aka nittunaneke kila mmoka, ukhalhawaya nrima wo uttunana unokhuma wa Nlhuku. Kila ntu ri ni nrima wo uttunana phi mwaana a Nlhuku ni uyo honchuwelha Nlhuku.

Makhuwa Bible 2015