|
|
| 2 Ukorintho 8:21 |
| Nnikwa ihu uri wo ukhalha ni upanga mwo ureraru kuhiwe mmiholho mwa Athithi vekha ayaru, nansho chiicho mmiholho mwa attu. |
|
| 2 Natim 2:15 |
| Mmindeke upanga chinothanana awe Nlhuku, ukhalha namitheko hinoolhiya muru vachulhu ntheko awe, neettuchiha rata nttenga we ikeekhene. |
|
| Ukolosai ൩:൯ |
| Nhithepiane ukhalhawaya mwaattiva nhorulha uttu wo khalhayi ulhe vamoka ni mitheko chaya cho uhilhoka chonkhaye, |
|
| Uefeso 4:25 |
| Nhoothache tho! Kila mmoka olhumacheke ikeekhene wa ntu nanawe, ukhalhawaya hii onkhaye nirii itturi cho iruttu imoka ya Kuristo. |
|
| Nayakhobo 1:26 |
| Ntu echoonaka wiira hochuwelha unthimicha Nlhuku, aahitawareke nlhimi nawe, nothepiacha nrima awe mwanene, uthimicha wawe uwo khunokhalha ittu. Ukhalhawaya khanonthimicha Nlhuku. |
|
| Nayakhobo 3:17 |
| Nansho irusho chinokhuma wiirimu, chiri chorera, tho chinottuna mpuha, tho cho wiitimarikha, tho cho ikiriri ni cho uwiiha mitheko choombone. Khachinanarilhe nrima mena khachiri cho nrima wo unafiki. |
|
| Luka 6:31 |
| Chineera inyu wo uthanana wiira mpangelhiye ni attu, mwaapangelheke ni ayo chiicho.” |
|
| Namatayo 5:8 |
| “Ahoreeriya attu o nrima worera, Ukhalhawaya anowa umwoona Nlhuku!” |
|
| Nayohana 1:3 |
| Nlhuku voopilhe awe chittu chonkhaye ahaawo, khiiwo iriyoothe yoopiye wo uhikhalha yoyo |
|
| Nayohana 3:18 |
| “Attu onkhaye anonrumelhelha Mwaana khanohukumulhiya, ahinonrumelhelha ahomalha uhukumulhiya, ukhalhawaya kharumelhenlhe nchina no Mwaana a Nlhuku o yekha awe. |
|
| Ufilipi 4:8-9 |
| [8] Ashilhoko aka wo umalhihera kineera, nvarechesheke chittu choombone chinothananiya utotopelhiya, nvarechesheke ikeekhene ni mwaha we ikekhiaye, nvarechesheke mwaha uhinanarihiya ni mwaha unorumiha ipilhi.[9] Mpangacheke chittu chiittunche inyu ni upochera ukhuma uwannyaka mii, chiiwilhe inyu ni woona kipangachaka. Nlhuku naavaha attu mpuha nookhalha vamoka ni inyu. |
|
| 1 Napeturo 3:10-12 |
| [10] Ukhalhawaya Malhove Matakatifu aneera, “Ntu nottuna ukumi, Ni woona mahuku o mpuha, Echinanelheke nlhimi nawe chinene, huulhumache malhove o unanara, Huulhumache malhove o woothacha.[11] Ahiyeke uwonya, apangeke moombone, Aavieke mpuha, aavieke chinene.[12] Ukhalhawaya miitho a Athithi anaaweha attu o nrima worera, Anowewelhelha vanolhapelha aya, nansho ikohi ya Athithi inaakhota attu o uwonya.” |
|
| Makhuwa Bible 2015 |
| Makua New Testament © The Word For The World, 2015 |