| 1 Natim 2:3-4 |
| [3] Ulha phi mwaha woombone unonteelhiha Nlhuku Moopolhi ihu,[4] nothanana attu onkhaye oopolhiye achuwelhe ikeekhene. |
|
| 1 Uthesalonike 5:18 |
| munshukuruku wo kila ittu. Chechiyo Nlhuku phi nothanana awe muukumini mwinyu wo ulhutaana ni Kuristo Yesu. |
|
| 1 Uthesalonike 4:3 |
| Nlhuku nothanana wiira mwaatti mwiikumiheke nkhalheke atakatifu nhilhuve kabisaa. |
|
| Aebraniya 13:20-21 |
| [20] Nlhuku o mpuha, aahihimushilhe Athithi Yesu Nshunga Mulhupalhe o ikhondoro, wo iphome aya yo malhehano o mahuku o uhimalha,[21] kinonlhapelha otimiriheni mu kila ittu yoombone inopanga inyu, wiira ntimirihe mattunelho awe ni uyo atimirihaka inonteelhiha nhina mwihu wo iphiro ya Yesu Kuristo. Nthimicho ukhalhe wa Yesu Kuristo mahuku o uhimalha. Aye. |
|
| Luka 9:23 |
| Nkeerelha attu onkhaye, “Ntu riyoothe nothanana ukittwara eeruneke mwanene, akusheke nsalaaba awe kila nihuku akittwareke, |
|
| Nayakhobo 1:5 |
| Nansho mmoka inyu awukuwelhiyaka irusho anlhepelheke Nlhuku nommaha, ukhalhawaya Nlhuku phi naavaha attu onkhaye wo winchiva ni wo urera nrima. |
|
| 1 Napeturo 2:15 |
| Ukhalhawaya Nlhuku nothanana wiira mwaamaalhihe attu ahichuwenlhe ittu ni akumbafu vanopanga inyu chittu choombone. |
|
| Namatayo 6:10 |
| Imwene inyu iwe, Chinothanana inyu, chipangieke velhaponi va thoko wiirimu. |
|
| Uefeso 5:15-20 |
| [15] Paahi mmweheke wo ikekhiaye meetelho inyu. Nhikhalhe thoko attu ahiri ni irusho, nansho nkhalheke thoko attu o irusho.[16] Nvarelheke rata ikatema irina inyu, ukhalhawaya alha mahuku alha ari o uhilhoka.[17] Nhiphupuwalhache, nansho nchuwelheke inothanana aya Athithi wiira mpange.[18] Nhihapalhiye idivai ukhalhawaya yeyo inoutanganyani, nansho ncharihiyeke Iphumu ya Nlhuku.[19] Nhimerianeke malhove o izaburi ni ichipo cho untotopelha Iphumu ya Nlhuku. Mwiipeke ichipo cho waatotopelha Athithi ni wiipa ichipo cho izaburi wo nrima winyu wonkhaye.[20] Munshukuruku Nlhuku Athumwanihu wo kila ittu mahuku onkhaye wo nchina na Athithi Yesu Kuristo. |
|
| 2 Napeturo 3:9 |
| Athithi khanopicha utimiriha malhehano aya thoko attu akina chinaanyihera aya wiira anoopicha. Anouvilhelhani mwaatti ukhalhawaya khanottuna wiira mmoka inyu apotere, nansho attu onkhaye awe yaakhoroma. |
|
| 1 Nayohana 1:9 |
| Nansho narumelhelhaka uwonya wihu, Nlhuku ri o ukhulhuvelhiya ni e ikekhiaye. Nonihiyerera uwonya wihu ni unihapiha ukhuma mu uhilhokani mwonkhaye. |
|
| 1 Natim 2:4 |
| nothanana attu onkhaye oopolhiye achuwelhe ikeekhene. |
|
| Aebraniya 10:36 |
| Mvilhelheke, mmwe mwaatimiriha uttuna wa Nlhuku, mmwe mwaavahiya yaalhehiye inyu. |
|
| Makhuwa Bible 2015 |
| Makua New Testament © The Word For The World, 2015 |