|
|
| Hibrania 13:15 |
| Kuom mano watimuru ne Nyasaye misango mar pak ndalo duto ka wan kuom Yesu. Pak makamano en olemo mawuok e dhowa ka hulo nyinge. |
|
| Daniel 2:20 |
| kowacho niya: Nying Nyasaye mondo opaki mochwere manyaka chiengʼ; nikech rieko kod teko gin mage. |
|
| Zaburi 22:3 |
| To eka ibet e kom duongʼ kaka Ngʼama Ler; in e pak mar jo-Israel. |
|
| Zaburi 34:1 |
| Zaburi mar Daudi. Kane owuondore ni in janeko e nyim Abimelek, mane oriembe mi oa odhi. Abiro miyo Jehova Nyasaye duongʼ kinde duto; dhoga biro siko kapake. |
|
| 2 Samuel 22:50 |
| Emomiyo anapaki e kind ogendini, yaye Jehova Nyasaye, kendo anawer wende mapako nyingi. |
|
| Zaburi 100:4 |
| Donjuru e rangeyene kugoyo erokamano bende biuru e laru mare kupake. Goneuru erokamano kendo pakuru nyinge. |
|
| Efeso 1:6 |
| Notimo kamano mondo ngʼwonone man-gi duongʼ mane ochiwo nono oyud pak, ma osemiyowa nono kuom Wuode mohero. |
|
| Efeso 5:19 |
| Wuouru ngʼato gi ngʼato kod weche mag zaburi kwero wende kitabu kod wende chuny. Weruru kendo denduru Ruoth e chunyu |
|
| Zaburi 150:6 |
| Gimoro amora mayweyo mondo opak Jehova Nyasaye. Pakuru Jehova Nyasaye. |
|
| Luo Bible 2020 |
| Copyright © 1980, 2002, 2003, 2020 by Biblica, Inc |