|
|
| Mathayo ٥:٢٢ |
| Anto anyisou ni ngʼato angʼata ma mirima omako gi nyawadgi ibiro ngʼadne bura. Bende, ngʼato angʼata mowachone nyawadgi ni, ‘Raka,’ ma tiende ni ifuwo, nyaka yal e buch jo-Sanhedrin. To ngʼato angʼata mowacho ni, ‘Ifuwo nade,’ biro neno chandruok mar mach mar Gehena. |
|
| Ngeche 1:7 |
| Luoro Jehova Nyasaye e chakruok mar ngʼeyo to joma ofuwo chayo rieko gi ritruok makare. |
|
| Ngeche ٣:٣٥ |
| Joma riek yudo luor kaka girkeni to joma ofuwo enonyis wichkuotgi ayanga. |
|
| Ngeche 10:8 |
| Ngʼat mariek e chunye rwako chike, to ngʼat mofuwo ma wachne ngʼeny dhi e kethruok. |
|
| Ngeche ١٠:٢٣ |
| Ngʼat mofuwo yudo mor e timbe maricho, to ngʼat man-gi winjo bedo mamor kuom rieko. |
|
| Ngeche 12:16 |
| Ngʼat mofuwo nyiso mirimbe mapiyo, to ngʼat mariek mwonyo ayany. |
|
| Ngeche ١٣:٢٠ |
| Ngʼat mawuotho gi ngʼama riek bedo mariek, to osiep joma ofuwo hinyore. |
|
| Ngeche 17:28 |
| Kata ngʼat mofuwo ikwano ka ngʼat mariek ka olingʼ thi; kendo ka ngʼat mongʼeyo ka orito lewe. |
|
| Ngeche ١٨:٢-٧ |
| [٢] Ngʼat mofuwo ok mor kod winjo wach to omor mana gi wacho paroge owuon.[٣] Ka richo biro, e kaka achaya biro, to wichkuot kelo duwruok.[٤] Weche mag dho ngʼato tut ka nam, to soko mar rieko en aora mabubni kamol.[٥] Ok en gima ber chwako ngʼat ma timbene richo kata ketho buch ngʼato maonge ketho.[٦] Lew ngʼat mofuwo kelone dhawo, to dhoge luongo goch.[٧] Dho ngʼat mofuwo ema tieke, to lewe ema bedo obadho ne ngimane. |
|
| Ngeche 20:3 |
| Enobed luor maduongʼ ne ngʼatno ma dagi dhawo, to joma ofuwo duto ohero dhawo. |
|
| Ngeche ٢٣:٩ |
| Kik iwuo ne ngʼat mofuwo, nikech obiro chayo rieko mag wechegi. |
|
| Ngeche ٢٦:١٩ |
| e kaka ngʼato mawuondo jabute kowacho niya, “Ne angeri angera!” |
|
| Ngeche 28:26 |
| Ngʼat moketo genone kuome owuon ofuwo, to ngʼatno mawuotho e rieko, oritore maonge hinyruok. |
|
| Ngeche 29:9 |
| Ka ngʼat mariek odhiyo gi ngʼat mofuwo e od bura, to ngʼat mofuwo goyo koko kendo jero, kendo kwe bedo maonge. |
|
| Ngeche ٢٩:١١ |
| Ngʼat mofuwo chiwore duto komwomore amwoma e mirimbe, to ngʼat mariek ritore ka ogare. |
|
| Zaburi 14:1 |
| Kuom jatend wer. Zaburi mar Daudi. Ngʼat mofuwo wacho e chunye niya, “Nyasaye onge.” Gin joma okethore, timbegi richo mokalo tongʼ, onge kata ngʼato achiel matimo maber. |
|
| Ngeche ١٤:١٦ |
| Ngʼat mariek oluoro Jehova Nyasaye kendo okwedo richo, to ngʼama ofuwo wiye tek kendo omuomore. |
|
| Ngeche 15:18 |
| Ngʼat ma iye wangʼ piyo medo miero, to ngʼat ma terore mos kweyo dhawo. |
|
| Ngeche ١٥:٢٠-٢١ |
| [٢٠] Wuowi mariek miyo wuon mare mor, to ngʼat mofuwo chayo min mare.[٢١] Fuwo moro ngʼat maonge gi rieko, to ngʼat man-gi winjo wuotho moriere tir. |
|
| Ngeche ١٤:٧-٩ |
| [٧] Bed mabor gi ngʼat mofuwo nimar ok iniyud ngʼeyo tiend wach e dhoge.[٨] Rieko mar jorieko en bedo gi paro ne yoregi, to fup joma ofuwo en wuondruok.[٩] Joma ofuwo jaro kowachnegi mondo giwe richo, to ngʼwono iyudo kuom joma kare. |
|
| Luo Bible 2020 |
| Copyright © 1980, 2002, 2003, 2020 by Biblica, Inc |