|
|
| Galatia 6:4 |
| Ngʼato ka ngʼato nyaka non wuodhe owuon eka doyud gima dopakrego kuom tich maber mosetimo kik ipiem gi ngʼat machielo, |
|
| Isaya 2:12 |
| Jehova Nyasaye Maratego owalo odiechiengʼ manokumie josunga, joma kawore gi jogo matingʼore malo duto (mi nodwokgi piny), |
|
| Isaya 23:9 |
| Jehova Nyasaye Maratego osechano tieko sunga duto mar joma nigi duongʼ kendo obiro kuodo wi ji duto moluor ahinya e piny. |
|
| Jakobo 4:6 |
| To kata kamano omiyowa ngʼwono maduongʼ moloyo, mano emomiyo Muma wacho niya, “Nyasaye osin gi josunga, to ochiwo ngʼwono ne joma muol.” |
|
| Jakobo 4:10 |
| Bolreuru e nyim Ruoth Nyasaye eka obiro otingʼou malo. |
|
| Jeremia 9:23 |
| Ma e gima Jehova Nyasaye wacho: “Kik ngʼama riek sungre gi riekone kata ngʼama tek sungre gi tekone, kata ngʼama omewo sungre gi mwandu mage, |
|
| Mathayo 2:3 |
| Kane Ruoth Herode owinjo wachno, chunye nochandore, en kaachiel gi ji duto modak Jerusalem. |
|
| Ngeche 8:13 |
| Luoro Jehova Nyasaye en sin gi richo; amon gi sunga kod ngʼayi, timbe maricho kod wuoyo mochido. |
|
| Ngeche 11:2 |
| Ka sunga biro, eka wichkuot bende biro, to muolo biro kod rieko. |
|
| Ngeche 13:10 |
| Sunga nywolo mana dhawo, to rieko iyudo kuom jogo moyie puonj. |
|
| Ngeche 16:5 |
| Jehova Nyasaye odagi ji duto man-gi sunga e chunygi. Ngʼe ma malongʼo: Ok ginitony ni kum. |
|
| Ngeche 16:18-19 |
| [18] Sunga kelo masira, chuny mar ngʼayi kelo chwanyruok.[19] Ber bedo gi chuny mobolore e dier jochan, moloyo pogo gik moyaki gi josunga. |
|
| Ngeche 18:12 |
| Kapok ngʼato opodho, to sunga bedo e chunye, to muolo kelo pak. |
|
| Ngeche 21:4 |
| Wangʼ teko, chuny mar sunga kod taya mar jo-mahundu, gin richo! |
|
| Ngeche 21:24 |
| Ngʼat ma jasunga kendo jawuorre “Jajaro” e nyinge; otingʼore malo ka osungore malich. |
|
| Ngeche 25:27 |
| Ok ber chamo mor kich mathoth, kata ok en gima longʼo mondo ngʼato odwar luor monego miye owuon. |
|
| Ngeche 26:12 |
| Bende ineno ngʼato ma paro owuon ni oriek? Ngʼat mofuwo nitiere gi geno moloye. |
|
| Ngeche 27:2 |
| We ngʼat moro ema opaki, to ok dhogi iwuon; ngʼato machielo, to ok lewi iwuon. |
|
| Ngeche 29:23 |
| Sunga ngʼato ema miyo opodho, to ngʼat ma chunye muol yudo pak. |
|
| Zaburi 10:4 |
| Sunga omake ma ok onyal manye; onge thuolo kata matin mochiwo ne Nyasaye e chunye. |
|
| Zaburi 138:6 |
| Jehova Nyasaye rango joma obolore kata obedo ni en malo to josunga to ongʼeyo kata kapod gin gichien. |
|
| Rumi 12:3 |
| Nimar kuom ngʼwono mosemiya, awacho ni ngʼato ka ngʼato kuomu ni: Kik ipar ni iduongʼ moloyo kaka ichal to ket pachi kare eka ingʼad buchi kaluwore gi kar rom yie ma Nyasaye osepogoni. |
|
| Rumi 12:16 |
| Daguru gi winjruok e kindu. Kik usungru, to beduru gi chuny mohero riwore gi joma ni e ngima mapiny. Kik ngʼato wuondre ni oriek moloyo ji mamoko. |
|
| 1 Korintho 13:4 |
| Hera timo kinda, kendo ongʼwon, oonge nyiego, ok osungre, bende ok opakre. |
|
| Daniel 5:20 |
| To ka nodoko jasunga ma wiye tek, kendo mopongʼ gi achaya, nogole oko e loch kendo omaye duongʼne. |
|
| Galatia 6:1-3 |
| [1] Jowetena, ka ojuk ngʼato katimo richo, to un joma nigi Roho onego uduoge gi chuny mamuol, kuritoru uwegi mondo kik udonj e tem.[2] Kawuru tingʼ mag jowadu, nikech kutimo kamano eka uchopo chik Kristo.[3] To ka ngʼato okawore moketore e duongʼ ma oongego, to ngʼatno wuondore owuon. |
|
| Luo Bible 2020 |
| Copyright © 1980, 2002, 2003, 2020 by Biblica, Inc |