A A A A A

Sins: [Gossip]


2 Korintho 12:20
Aluor ni ka abiro iru kuno to anyalo yudou ka ok uchal kaka adwaro ni uchal, kendo un bende unyalo yudo ka apogora gi kaka udwaro ni abedi. Aluor ni anyalo yudo ka nitie dhawo gi nyiego, gi mirima, gi pogruok, gi ajara, gi kuoth, gi sunga kod koko e dieru.

Efeso 4:29
Kik uyie weche maricho wuogi e dhou, to mana weche mabeyo manyalo konyo kuom gero ji kaluwore gi dwarogi mondo wecheu okony joma winjo.

Wuok 23:1
“Kik iland wach ma ok adiera. Kik ikony ngʼat marach kidoko janeno mar miriambo.

Jakobo 1:26
Ka ngʼato angʼata okawore ni en jalemo, to ok orito lewe motegno to owuondore kende, kendo lemone onge tiende.

Jakobo 4:11
Owetena, kik uketh nying joweteu. Ngʼato angʼata ma wuoyo marach kuom nyawadgi kata mangʼado ni nyawadgi bura nyaka ngʼe ni Chik ema owuoyo kuome marach kendo ongʼadone bura. To ngʼat mangʼado ni Chik bura ok orito Chik nikech osedoko ngʼama ngʼadone bura.

Tim jo-Lawi 19:16
“ ‘Kik iketh nying jowadu koni gi koni e yor kuoth, kendo kik ihangne jowadu wach ma ok nikare. An e Jehova Nyasaye.

Ngeche 10:18-19
[18] Ngʼatno mapando sigu manie chunye, dhoge nigi miriambo, to ngʼatno ma jakwoth ofuwo.[19] Ka weche ngʼeny, to richo ok nyal bare ma ok obetie, to ngʼat marito lewe oriek.

Ngeche 11:9-13
[9] Ngʼat ma ok ja-Nyasaye hinyo jabathe gi dhoge owuon, to rieko miyo ngʼat makare tony.[10] Ka ngʼat makare mewo, dala maduongʼ bedo mamor, ka joricho otho, to nitie koko mar mor.[11] Gweth mar joma kare kelo pak ne dala, to kuom dho joricho dala kethore.[12] Ngʼat maonge gi rieko jaro jabathe, to ngʼat man-gi winjo rito lewe.[13] Kuoth ketho genruok, to ngʼat ma ja-ratiro rito wach malingʼ-lingʼ.

Ngeche 16:28
Ngʼat ma timbene richo kelo mana miero, to jakwoth pogo osiepe moherore.

Ngeche 17:9
Ngʼat ma umo ketho mewo hera, to ngʼat mamedo timo gima kamano pogo osiepe moherore.

Ngeche 18:8-21
[8] Weche mag kuoth chalo gi chiemo mamit; gidhiyo e chuny dhano ma iye.[9] Ngʼat ma jasamuoyo e tich en owadgi ngʼat maketho gik moko.[10] Nying Jehova Nyasaye en ohinga maratego, ngʼat makare ringo ma pond kanyo kendo yud resruok.[11] Mwandu mar jomoko e ohinga mochiel motegno ma gigengʼorego, giparo ni en ohinga maonge ngʼama nyalo muko.[12] Kapok ngʼato opodho, to sunga bedo e chunye, to muolo kelo pak.[13] Chik iti kapok idwoko wach; ka ok itimo kamano to ibedo mofuwo kendo ikelo wichkuot.[14] Chuny ngʼato sire e tuo, to chuny mool, en ngʼa manyalo konyo?[15] Chuny ma weche donjone yudo ngʼeyo; to it mariek dwaro mondo weche odonjne.[16] Chiwo yawo yo ne ngʼat machiwo kendo tere e nyim jomadongo.[17] Ngʼat mokwongo keto wachne nenore ni en kare, nyaka ngʼat machielo bi maket penjo ne wachneno.[18] Goyo ombulu tieko larruok kendo thego joma roteke.[19] Kiketho ne owadu to duoge iri tek mana kadonjo e dala maduongʼ mochiel motegno; to larruok chalo gi dhorangeye mag dala modin gi lodi.[20] Wach mawuok e dho ngʼato ema miyo ngʼato yiengʼ; keyo mar dhoge ema miyo oyiengʼ.[21] Lep nigi teko mar ngima kod tho, to jogo mohere biro chamo olembe.

Ngeche 20:19
Fuongʼo wach ketho genruok; omiyo tangʼ ni ngʼato ma wuoyo mathoth.

Ngeche 26:20
Ka yien onge to mach tho; ka kuoth onge dhawo rumo.

Zaburi 34:13
nyaka ogengʼ lewe kik wuo marach kendo ogengʼ dhoge kuom wacho miriambo.

Zaburi 41:7
Wasika duto kuodho wach kuoma kaachiel kaka ginyalo hinya, chunygi paro gik maricho mogik mondo ohinya, kagiwacho niya,

Zaburi 141:3
Yaye Jehova Nyasaye, ket jarit e dhoga; ketna jarit mondo okonya umo dhoga.

Ngeche 18:6-7
[6] Lew ngʼat mofuwo kelone dhawo, to dhoge luongo goch.[7] Dho ngʼat mofuwo ema tieke, to lewe ema bedo obadho ne ngimane.

1 Timotheo 5:13-14
[13] To bende ewi mano, gibedo jo-samuoyo ma budho abudha, ka gibayo abaya e ute ji koni gi koni. Ok gibed mana jo-samuoyo ma budho abudha kende, to bende gibedo jokuoth ka gichuogore e weche ji mamoko kendo ka giwuoyo e weche ma ok onego giwuoye.[14] Kuom mano daher mondo mon ma chwogi otho matindo okendi, mondo ginywol nyithindo, kendo girit utegi mondo kik gimi jasigu thuolo mar ketho nying joma oyie.

1 Timotheo 3:9-11
[9] Nyaka gimak adiera matut mar yie gi chuny maler maonge richo moro amora.[10] Nyaka temgi mokwongo, to ka oyud ni onge wach moro marach kuomgi eka mondo yienegi bedo jokony.[11] Kamano bende, mondgi nyaka bed joma owinjore mi luor, kik gibed mon mohero kuoth, to owinjore gibed mon moritore kendo ma jo-adiera e weche duto.

Ngeche 26:20-22
[20] Ka yien onge to mach tho; ka kuoth onge dhawo rumo.[21] Kaka makaa miyo mach ngʼangʼni, to yien bende miyo mach liel, e kaka ngʼat makwiny kelo miero.[22] Weche mag kuoth chalo gi chiemo mamit; gidhiyo e chuny dhano ma iye.

Rumi 1:29-32
[29] Gipongʼ gi kit timbe mamono duto, gi richo, gi wuoro kod timbe mobam. Bende gipongʼ gi ich lit, gi nek, gi dhawo, gi wuond kod himruok. Gin jokuoth,[30] joma ketho nying ji, joma ochayo Nyasaye, jokwinyo, joma wigi tek, kendo josunga, jogo mapile fwenyo yore manyien mag timo richo; kendo ok giwinj jonywolgi;[31] gionge paro, gionge yie, gionge hera, kendo gionge kech.[32] Kata obedo ni gingʼeyo chik makare mar Nyasaye ni joma timo gik ma kamago owinjore gi tho, to gidhiyo adhiya nyime gi timogi, kendo bende gipwoyo joma timogi.

Tito 2:2-5
[2] Puonj jodongo mondo obed joma obidhore, ma ok ohero oyuma, kendo moritore, bende man-gi yie mar adier gihera kod kinda.[3] Kamano bende puonj mon madongo mondo kit ngimagi obed ranyisi maber, ma ok jokuoth, kata joma ohero madho kongʼo, to nyaka gibed gi puonj mabeyo.[4] Ka gitimo kamano, to ginyalo puonjo mon matindo kaka onego giher chwogi gi nyithindgi;[5] ka giterore mos kendo gidak e ngima maler bende ka girito e utegi. Nyaka gibed mon mangʼwon kendo moluoro chwogi mondo kik ngʼato angʼata yany wach Nyasaye.

Rumi 1:28-32
[28] To bende, kaka negiparo ni ngʼeyo Nyasaye ok lich, Nyasaye nojwangʼogi mondo gidhi adhiya nyime ka pachgi obam, mondo gitim, gik ma ok onego otim.[29] Gipongʼ gi kit timbe mamono duto, gi richo, gi wuoro kod timbe mobam. Bende gipongʼ gi ich lit, gi nek, gi dhawo, gi wuond kod himruok. Gin jokuoth,[30] joma ketho nying ji, joma ochayo Nyasaye, jokwinyo, joma wigi tek, kendo josunga, jogo mapile fwenyo yore manyien mag timo richo; kendo ok giwinj jonywolgi;[31] gionge paro, gionge yie, gionge hera, kendo gionge kech.[32] Kata obedo ni gingʼeyo chik makare mar Nyasaye ni joma timo gik ma kamago owinjore gi tho, to gidhiyo adhiya nyime gi timogi, kendo bende gipwoyo joma timogi.

Luo Bible 2020
Copyright © 1980, 2002, 2003, 2020 by Biblica, Inc