| Rumi 8:28 |
| Bende wangʼeyo ni Nyasaye tiyo maber ne jogo mohere, jogo moseluongi kaluwore gi dwarone. |
|
| Jeremia 29:11 |
| Nimar Jehova Nyasaye wacho niya, “Angʼeyo chenro ma an-go kodu. Chenro mar dhi maber to ok mar hinyou, chenro mar miyou geno kod ngima mabiro. |
|
| Filipi 4:6-7 |
| [6] Kik uparru kuom gimoro amora, to kwauru Nyasaye gik moko duto muchando, kulamo, kendo kugoyone erokamano, kuketo kwayou mondo ongʼere ni Nyasaye.[7] Eka kwe mar Nyasaye modhiero ji duto ngʼeyo norit chunyu gi pachu ka un kuom Kristo Yesu. |
|
| Luka ๖:๑๖ |
| Juda wuod Jakobo, gi Judas Iskariot, mane olokore obedo jandhok. |
|
| Zaburi 34:18 |
| Jehova Nyasaye chiegni gi joma chunygi otur kendo oreso joma chunygi muol. |
|
| Isaya 40:28-31 |
| [28] Donge ungʼeyo? Koso pok uwinjo? Jehova Nyasaye en Nyasaye manyaka chiengʼ kendo Jachwech mar piny duto. Ok nobed mool bende ok nonyosre, kendo pache onge ngʼama nyalo ngʼeyo.[29] Omiyo joma ool teko kendo omedo joma tekregi orumo bedo motegno.[30] Jomatindo nyalo bedo mool mi nyosre, kendo yawuowi nyalo chwanyore mi podhi,[31] to joma oketo genogi kuom Jehova Nyasaye tekregi nodwogi. Gibiro huyo mana ka ongo mafuyo gi bwombe; gibiro ringo to ok gibi bedo mool, bende gibiro wuotho to tekregi ok norum. |
|
| Ngeche 3:5 |
| Gen kuom Jehova Nyasaye gi chunyi duto, kendo kik igen kuom ngʼeyoni iwuon; |
|
| Zaburi 42:11 |
| Angʼo momiyo ikuyo, yaye chunya? Angʼo momiyo inyosori, yaye chunya? Ket genoni kuom Nyasaye, nikech pod abiro pake, en e Jawarna kendo Nyasacha. |
|
| Kolosai 3:23-25 |
| [23] Gimoro amora ma utimo, to timuru gi chunyu duto ka gima utimo ni Ruoth to ok ni dhano,[24] ka ungʼeyo ni obiro miyou mich chiengʼ ma nobi mondo opog ni joge girkeni kaka pokgi mokano nigi. En Ruoth Kristo ema utiyone.[25] Ngʼeuru ni ngʼato matimo richo, noyud pokne kuom richo mosetimo, kendo onge dewo wangʼ nikech Nyasaye ok dew wangʼ ngʼato. |
|
| Eklesiastes 1:2 |
| Jayalo wacho niya, “Ngima en gima nono! Chutho en gima nono! Gik moko duto onge tiendgi!” |
|
| Eklesiastes 12:8 |
| Emomiyo an jayalo awacho niya, “Ngima en gima nono! Gik moko duto onge tiendgi!” |
|
| Hibrania 11:6 |
| To ngʼat maonge gi yie ok nyal bedo malongʼo ni Nyasaye, nikech ngʼato madwaro sudo ir Nyasaye nyaka yie ni entie kendo ni en-gi mich momiyo joma oketo chunygi ka dware. |
|
| Hibrania 13:5 |
| Kik ubed joma ohero pesa, to gik ma un-go mondo oromu, nikech Nyasaye wacho niya, “Ok anaweu kata jwangʼ ok anajwangʼu” |
|
| Luo Bible 2020 |
| Copyright © 1980, 2002, 2003, 2020 by Biblica, Inc |