A A A A A

Life: [Death]


Johana 3:16
“Nikech Nyasaye nohero piny ahinya, omiyo nochiwo Wuode ma miderma, mondo ngʼato angʼata moyie kuome kik lal, to obed gi ngima mochwere.

1 Thesalonika 4:14
Wayie ni Yesu notho mochier oa kuom joma otho, omiyo wayie ni Nyasaye biro chiero jomo oyie duto mosetho kaachiel kode.

Johana 11:26
kendo ngʼama ngima moyie kuoma ok notho ngangʼ. Bende iyie gi wachni?”

Rumi 6:23
Nikech misach richo en tho, to mich mar Nyasaye en ngima mochwere kuom Kristo Yesu Ruodhwa.

Zaburi 23:4
Kata ka obedo ni awuotho e hoho mar tipo mar tho, to ok analuor gimoro marach, nimar in koda; ludhi gi odungani ema hoya.

Fweny 21:4
Enoywe pi wengegi duto. Tho kata ywak gi nduru kod rem ok nochak obedie kendo ngangʼ, nikech gik machon oserumo.”

Rumi 14:8
Ka wangima to wangima ni Ruoth; kendo ka watho to bende watho ne Ruoth.

Eklesiastes 12:7
e kinde ma lowo dok kuom lowo, to chuny dok ir Nyasaye mane ochweye.

Luka 23:43
Yesu nodwoke niya, “Awachoni adiera, tinendeni ibiro bedo koda e Paradiso.”

Luo Bible 2020
Copyright © 1980, 2002, 2003, 2020 by Biblica, Inc