A A A A A

Life: [Marriage]


Hibrania 13:4
Ji duto nyaka kwan kend kaka gima ler kendo joma okendore nyaka rit singruok mar kend. Nikech Nyasaye biro kumo ngʼato angʼata ma jachode, gi joma timo timbe dwanyruok duto bed ni gin joma nyiri kata yawuowi.

Ngeche 18:22
Ngʼatno moyudo dhako onwangʼo gima ber kendo oyudo ngʼwono moa kuom Jehova Nyasaye.

Chakruok 2:24
Kuom mano, dichwo nowe wuon kod min kendo nopadre gi chiege; mi gidok ringruok achiel.

1 Korintho 13:4-7
[4] Hera timo kinda, kendo ongʼwon, oonge nyiego, ok osungre, bende ok opakre.[5] Wiye ok tek, ok odwar mare kende, iye ok wangʼ piyo kendo ok omak sadha.[6] Hera ok mor gi gik maricho, to omor gi adiera.[7] Hera umo weche duto, osiko oyie ayieya, osiko ogeno agena, kendo osiko odhil adhila.

Johana 14:27
Aweyonu kwe; kwe mara ema amiyou. En kwe ma pinyni ok nyal miyou. Kik chunyu parre kendo kik ubed maluor.

Ngeche 21:9
Ber dak e kona mar wi ot moloyo dak gi dhako maralep.

Ngeche 19:14
Ute kod mwandu gin girkeni miyudo kuom jonywol, to dhako mariek aa kuom Jehova Nyasaye.

1 Petro 3:7
Un chwo bende nyaka udag gi mondeu kuweyonegi korgi. Migiuru luor kaka chwech mangʼaw kendo kaka jouteu muchamogo mich mar ngima momiu kuom ngʼwono. Kutimo kamano to onge gima biro mono lemou chopo e nyim Nyasaye.

2 Korintho 6:14
Kik uriwru gi jopiny. Nimar en winjruok mane ma ber gi rach dibedgo e achiel? Koso ere kaka ler gi mudho didag kaachiel?

Luo Bible 2020
Copyright © 1980, 2002, 2003, 2020 by Biblica, Inc