A A A A A

Life: [Family]


Johana 15:12-13
[12] Chik ma amiyou ema: Herreuru ngʼato gi ngʼato, mana kaka an bende aseherou.[13] Onge hera maduongʼ ma ngʼato nyalo herogo osiepene moloyo chiwonegi ngimane.

1 Timotheo 5:8
Ka ngʼato ok orito wedene, to moloyo ka ok orito joode owuon, to osekwedo yie marwa, kendo orach moloyo japiny.

Efeso 6:4
Wuone kik umi nyithindu bedo gi mirima; to ritgiuru maber, kurieyogi kendo upuonjogi kuom Ruoth.

Ngeche 27:10
Kik ijwangʼ osiepni kod osiep wuonu, to kik idhi e od owadu ka chandruok omaki, ber dhi ir jabuti machiegni moloyo owadu man mabor.

Mathayo 12:48-50
[48] Nodwoko ngʼatno niya, “Minwa to en ngʼa, koso owetena to gin ngʼa gini?”[49] Eka nosiemone jopuonjrene kowacho niya, “Jogi e minwa gi owetena.[50] Nimar ngʼato angʼata matimo dwaro mar Wuora manie polo e owadwa gi nyaminwa kod minwa.”

Mathayo 19:18-19
[18] Ngʼatno nopenje niya, “Chike mage?” Yesu nodwoko ni, “ ‘Kik ineki, kik iterri, kik ikwal, kik ihang wach,[19] luor wuonu gi minu, kendo her wadu kaka iherori iwuon.’ ”

Kolosai 3:13
Beduru joma oyie kawo nyawo mar jowadgi kendo ka weyo ni nyawadgi kethone. Weneuru ji richogi kaka Ruoth bende noweyonu richou.

Galatia 6:10
Emomiyo, e kinde duto mwayudoe thuolo, to ber mondo watim maber ni ji duto, to moloyo ni kanyakla mar joma oyie.

1 Korintho 15:33-34
[33] Kik ngʼato wuondu. Ngʼeuru niya, “Bedo e lalruok kod joma richo ketho timbe mabeyo.”[34] Dwoguru e pachu maliw, daguru ngima makare kendo weuru timo richo, nikech nitie jomoko kuomu makia Nyasaye. Awacho kamano mondo akuodgo wiu.

Ngeche 18:24
Ngʼat man-gi osiepe mangʼeny nyalo chopo e kethruok to nitie osiep moro masiko buti machiegni maloyo owadu.

Zaburi 133:1
Wer ma ji wero kadhi e hekalu. Mar Daudi. Mano kaka en gima ber kendo malongʼo, ka jowete odak kanyakla gi kwe!

Ngeche 17:17
En adier ni osiepni nyalo heri kinde duto, to owadu ema konyi e chandruok.

Ngeche 22:6
Puonj nyathi e yo monego odhiye, to ka obedo maduongʼ to ok obi baro oa kuome.

Wuok 20:12
Luor wuonu gi minu mondo udagi amingʼa e piny ma Jehova Nyasaye ma Nyasachu miyou.

Joshua 24:15
To ka dipo ni tiyone Jehova Nyasaye ok miu mor, to kawuononi yier aneuru ngʼama ubiro tiyone, kata ka en nyiseche manono mane kwereu tiyone e Aora Yufrate, kata en nyiseche manono mag jo-Amor, modak e pinygi. Makmana an gi jooda duto, wabiro tiyone Jehova Nyasaye.”

Ngeche 12:26
Ngʼat makare dak gi osiepene e yo mowinjore, to yor ngʼat marach terogi kama rach.

Rapar mar Chik 6:6-7
[6] Chike mamiyou kawuono onego bed e chunyu.[7] Ketgi e chuny nyithindu, wuo e wechego ka un e dala, ka uwuotho e bath yo, ka unindo kata ka uchungʼ.

Isaya 49:15-16
[15] “To bende dhako wiye diwil gi nyathi modhodho mi ok obedo gi kech e kothe mane onywolo. Kata ka dipo ni wiye nyalo wil, An to wiya ok nowil kodi.[16] Ne, asendiko nyingi ei lweta kendo isiko ka ineno anena e wangʼa.

Zaburi 103:17-18
[17] Hera ma Jehova Nyasaye oherogo joma omiye luor, to osiko manyaka chiengʼ, kendo osiko otimo maber ne nyithind nyithindgi,[18] ma gin joma orito singruokne kendo jogo maparo mondo orit chikene.

Ngeche 17:6
Nyikwayo gin osimbo ne joma oti, to jonywol e mor mar nyithindgi.

Zaburi 127:3-5
[3] Yawuowi gin gweth moa kuom Jehova Nyasaye, adier, nyithindo gin mich moa kuome.[4] Yawuowi ma ngʼato onywolo kapod otin, chalo gi asere manie lwet jakedo.[5] Ngʼat ma ofukune opongʼ kodgi en ngʼama ogwedhi. Ok ginine wichkuot ka gikedo gi wasikgi e dhorangach.

Ngeche 17:9
Ngʼat ma umo ketho mewo hera, to ngʼat mamedo timo gima kamano pogo osiepe moherore.

Ngeche 6:20
Wuoda, rit chike wuonu kendo kik iwe puonj minu.

Ngeche 27:6
Adhonde moa kuom osiep inyalo geno, to jasigu medo mana nyoth mar masira.

1 Korintho 15:33
Kik ngʼato wuondu. Ngʼeuru niya, “Bedo e lalruok kod joma richo ketho timbe mabeyo.”

Ngeche 23:24
Wuon ngʼat makare nigi mor maduongʼ; ngʼatno man-gi wuowi mariek obedo mamor kode.

1 Ruodhi 8:57
Mad Jehova Nyasaye ma Nyasachwa obed kodwa mana kaka nobedo gi kwerewa, mad kik owewa kata jwangʼowa.

Luka 11:13
Ka un, ma un joricho kamano, ungʼeyo miyo mich mabeyo ne nyithindu, koro Wuonu manie polo donge nyalo chiwo Roho Maler ne joma okwaye.”

Ngeche 23:15
Wuoda, ka chunyi riek, eka chunya biro bedo mamor,

Zaburi 55:12-14
[12] Ka dine ok obedo malichna ka dine ngʼat ma ok dwara ema ogarna, to dine apondone.[13] To en mana in, dichwo kaka an in jawuodha kendo osiepna,[14] mane wan-go gi lalruok matut chon kane wawuotho e dier oganda maduongʼ e od Nyasaye.

Ngeche 27:17
Kaka nyinyo piago nyinyo, e kaka ngʼato piago nyawadgi.

Luo Bible 2020
Copyright © 1980, 2002, 2003, 2020 by Biblica, Inc