|
|
| 2 Korintho 8:21 |
| Nikech watemo matek mondo watim maber, ok e wangʼ Ruoth kende, to e wangʼ dhano bende. |
|
| 2 Timotheo 2:15 |
| Tem matek mondo ichiwri ne Nyasaye kaka jatich molony ma wiye ok kuodi kendo mapuonjo Wach mar adiera e yo makare. |
|
| Kolosai 3:9 |
| Kik ngʼato kuomu wuond wadgi, nikech uselonyo kit dhano machon kod timbene duto, |
|
| Efeso 4:25 |
| Emomiyo, ngʼato ka ngʼato kuomu nyaka we miriambo duto kendo wach adiera ne nyawadgi, nikech wan duto wan fuond ringruok achiel. |
|
| Jakobo 1:26 |
| Ka ngʼato angʼata okawore ni en jalemo, to ok orito lewe motegno to owuondore kende, kendo lemone onge tiende. |
|
| Jakobo 3:17 |
| To rieko moa e polo ok chal kamano. Mokwongo oler, kendo ohero kwe, odembore, owinjo wach, opongʼ gi kech kod olembe mabeyo, ok odew wangʼ, kendo oonge miganga. |
|
| Luka 6:31 |
| Timuru ne ji mamoko mana kaka duher mondo gin bende gitimnu. |
|
| Mathayo 5:8 |
| Jomaler gie chunygi gin joma ogwedhi, nimar ginine Nyasaye. |
|
| Ngeche 10:9 |
| Ngʼat mobidhore wuotho kaonge luoro, to ngʼatno maluwo yore mobam ibiro yudo mapiyo. |
|
| Ngeche 11:3 |
| Bidhruok mar joma kare telonegi, to joma ok jo-adiera kethore gi timbegi mag achach. |
|
| Ngeche 12:17-22 |
| [17] Janeno ma ja-adiera chiwo neno mobidhore, to janeno ma hango wach wacho miriambo.[18] Weche mag muomruok chwoyo chuny mana kaka ligangla, to lew ngʼat mariek kelo ngima.[19] Dhok ma ja-adiera osiko manyaka chiengʼ, to lep mariambo bedo mana kuom kinde machwok.[20] Wuond ni e chuny jogo machano timo marach, to mor en mar jogo mohero kwe.[21] Onge gima rach manyalo biro ni ngʼat makare; to joricho ni kod thagruok mathoth.[22] Jehova Nyasaye mon kod dhok mariambo, to omor gi jogo ma jo-adiera. |
|
| Ngeche 14:5 |
| Janeno ma ja-adiera ok riambi, to janeno ma hango wach wacho mana miriambo. |
|
| Ngeche 21:3 |
| Timo gima kare kod mowinjore ema Jehova Nyasaye oyiego moloyo misango. |
|
| Ngeche 24:26 |
| Dwoko maratiro nyiso ni mano osiepni mar adier. |
|
| Ngeche 28:18 |
| Ngʼatno ma ja-adiera ibiro rito maonge hinyruok, to ngʼatno ma yorene richo biro podho apoya nono. |
|
| Zaburi 112:5 |
| Ngʼama ngʼwon ma holo ji gige gi chuny maler biro neno ber ngʼat matiyo tijene gi adiera. |
|
| 1 Weche mag Ndalo 29:17 |
| Angʼeyo, Nyasacha, ni inono chuny ji kendo imor gi ngʼama timbene beyo. Asechiwo gigi duto gimor kod chuny makare. To bende aseneno kuom mor ma jogi man ka osechiworenigo. |
|
| Johana 1:3 |
| En ema nomiyo gik moko duto ochwe; kendo ka dine onge en, to onge gima dine ochwe mosechwe. |
|
| Johana 3:18 |
| Ngʼato angʼata moyie kuome ok nobed gi bura. To ngʼat ma ok oyie kuome bura oseloyo, nikech pok oyie kuom nying Wuowi ma miderma mar Nyasaye. |
|
| Filipi 4:8-9 |
| [8] To mogik, jowetena, keturu pachu kuom gik moko duto madiera kendo mowinjore kaka: weche malongʼo kod weche maler, weche makare, kod weche mabeyo, weche mangʼwon kod weche mipuoyo.[9] Kik uwe ma ok uparo gigo madiera kod mowinjore gi pak. Gimoro amora mane apuonjou, kendo uyudo kuoma, mane uwinjo kawacho, kata atimo, to tigouru; ka utimo kamano to Nyasach kwe nobed kodu. |
|
| 1 Petro 3:10-12 |
| [10] Mana kaka Muma wacho niya, “Ngʼato angʼata mohero ngima kendo ni gigeno kuom ndalo mabiro mabeyo, nyaka ogengʼ lewe kik wuo marach kendo ogengʼ dhoge kuom wacho miriambo.[11] Nyaka olokre owe timbe maricho mi otim tim maber; nyaka omany kwe kendo oluwe.[12] Nikech wangʼ Jehova Nyasaye ni kuom joma kare kendo ite winjo lamogi, to Jehova Nyasaye mon gi joma timo gik maricho.” |
|
| Ngeche 6:16-20 |
| [16] Nitie gik moko auchiel ma Jehova Nyasaye mon-go, chutho gin gik moko abiriyo ma ok more:[17] wenge mag sunga, lep mariambo, lwedo machwero remo maonge ketho,[18] chuny machano chenro maricho, tiende maringo kadhi e richo,[19] jahang wach mawacho miriambo kendo ngʼatno makelo miero e kind jowete.[20] Wuoda, rit chike wuonu kendo kik iwe puonj minu. |
|
| Luo Bible 2020 |
| Copyright © 1980, 2002, 2003, 2020 by Biblica, Inc |