| Kolosai 3:12 |
| Ziehet nun an, als Auserwählte Gottes, als Heilige und Geliebte: herzliches Erbarmen, Güte, Demut, Milde, Langmut, |
|
| Efeso 4:2 |
| Kinde duto beduru joma muol chutho, modimbore, kendo ma hore mos ka ukawo tingʼ joweteu kuom hera. |
|
| Jakobo 4:6-10 |
| [6] To kata kamano omiyowa ngʼwono maduongʼ moloyo, mano emomiyo Muma wacho niya, “Nyasaye osin gi josunga, to ochiwo ngʼwono ne joma muol.”[7] Omiyo bolreuru e bwo Loch Nyasaye. Kweduru Satan, eka noringu.[8] Suduru but Nyasaye, eka nosud butu. Luokuru lweteu, un jorichogi, kendo pwodhuru chunyu, un joma nigi paro ariyogi.[9] Owinjore ubed gikuyo kendo uywagi, ka ugoyo nduru. Nyiero munyierogo onego olokre ywak, kendo mor mumorgo onego olokre kuyo.[10] Bolreuru e nyim Ruoth Nyasaye eka obiro otingʼou malo. |
|
| 1 Petro 5:5 |
| Un jomatindo bende chiwuru luor ni jomadongo. Rwakreuru gi muolo e kindu ngʼato gi ngʼato, nikech Muma wacho niya, “Nyasaye osin gi josunga to ochiwo ngʼwono ne joma muol.” |
|
| 2 Weche mag Ndalo 7:14 |
| to ka joga miluongo gi nyinga obolore ka lemo kendo manyo wangʼa, ka giweyo yoregi maricho, eka nawinj gie polo, mi nawenegi richogi kendo nares pinygi. |
|
| Luka 14:11 |
| Nimar ngʼato angʼata matingʼore malo nodwok piny, to ngʼat madwokore piny notingʼ malo.” |
|
| Mika 6:8 |
| Osenyisi gima ber yaye dhano. To angʼo ma Jehova Nyasaye dwaro ni itim? Odwaro ni iti gadiera kendo iher kecho ji kendo iwuoth mobolore e nyim Nyasachi. |
|
| Ngeche 3:3-4 |
| [3] Kik iwe hera kod adiera weyi; twegi e ngʼuti, kendo ndikgi e chunyi maiye.[4] Eka iniyud ngʼwono kod nying maber e nyim Nyasaye kod dhano. |
|
| Ngeche 11:2 |
| Ka sunga biro, eka wichkuot bende biro, to muolo biro kod rieko. |
|
| Ngeche 12:15 |
| Yor ngʼat mofuwo nenorene ni nikare, to ngʼat makare chiko ite ne puonj. |
|
| Ngeche 15:33 |
| Luoro Jehova Nyasaye puonjo dhano rieko, to bedo mamuol kelo luor. |
|
| Ngeche 18:12 |
| Kapok ngʼato opodho, to sunga bedo e chunye, to muolo kelo pak. |
|
| Ngeche 22:4 |
| Bolruok kod luoro Jehova Nyasaye kelo mwandu gi luor kod dak amingʼa. |
|
| Ngeche 27:2 |
| We ngʼat moro ema opaki, to ok dhogi iwuon; ngʼato machielo, to ok lewi iwuon. |
|
| Zaburi 25:9 |
| Otelo ni joma muol kuom gima nikare kendo opuonjogi yore. |
|
| Zaburi 149:4 |
| Nimar chuny Jehova Nyasaye mor gi joge kendo osidho joma obolore gi warruok. |
|
| Rumi 12:3 |
| Nimar kuom ngʼwono mosemiya, awacho ni ngʼato ka ngʼato kuomu ni: Kik ipar ni iduongʼ moloyo kaka ichal to ket pachi kare eka ingʼad buchi kaluwore gi kar rom yie ma Nyasaye osepogoni. |
|
| Rumi 12:16 |
| Daguru gi winjruok e kindu. Kik usungru, to beduru gi chuny mohero riwore gi joma ni e ngima mapiny. Kik ngʼato wuondre ni oriek moloyo ji mamoko. |
|
| 2 Korintho 12:9-10 |
| [9] to ne odwoka niya, “Ngʼwonona mamiyi oromi, nikech kama nyawo nitie ema tekona tiyoe moloyo.” Emomiyo, abiro medo pakora gi ilo kuom nyawona, eka teko mar Kristo osik kuoma.[10] Mano emomiyo ayie nyawo, ayany, chandruok, sand, midhiero nikech Kristo, nimar ka anyap eka atek. |
|
| Filipi 2:3-4 |
| [3] Kik utim gimoro amora mondo upiem gi ji kata mondo unyisru ne ji, to beduru joma obolore, ka kinde duto ukwano joma moko kaka joma beyo moloyou.[4] Ngʼato ka ngʼato kuomu kik par mana kuom gik makonye en owuon, to nyaka upar bende kuom gik makonyo jomoko bende. |
|
| Mathayo 23:10-12 |
| [10] Kik luongu kata ni, Japuonj, nimar un gi Japuonj achiel, ma en Kristo.[11] Ngʼama duongʼ mogik e dieru nobed jatichu.[12] Nimar ngʼato ka ngʼato matingʼore malo kende nodwok piny, to ngʼato angʼato madwokore piny notingʼ malo. |
|
| Jakobo 4:14-16 |
| [14] Ere kaka uwuoyo kamano to ukia gima kiny notimre. Uparo ni ngimau en angʼo? Ngimau chalo mana ka ongʼwengʼo mineno sa matin kende to bangʼe lal nono.[15] Kar wacho kamano to onego uwach mana niya, “Ka Ruoth oyie to wabiro bedo mangima mi watim ma kata macha.”[16] Un to usungoru kendo upakoru! Ngʼeuru ni sunga ma kamano en richo. |
|
| Filipi 2:5-8 |
| [5] Paro manie chunyu nyaka bed machal gi paro mane Kristo Yesu nigo.[6] Yesu ne kit Nyasaye nyaka aa chakruok, to ne ok okwano bedo marom gi Nyasaye ka gima nyaka lar,[7] to notimore ka gima nono kodoko misumba, mi nokawo kido machal gi mar dhano.[8] Kendo kane en gi kit dhano kamano, to nobolore, ka owinjo Nyasaye nyaka kar tho, kata mana tho mar msalaba! |
|
| Luo Bible 2020 |
| Copyright © 1980, 2002, 2003, 2020 by Biblica, Inc |