A A A A A

Good Character: [Discipline]


2 Timotheo ๑:๗
Nikech Nyasaye ne ok omiyowa chuny mar bedo ngoche, to nomiyowa chuny mar bedo gi teko, gihera kod ritruok.

Efeso 6:4
Wuone kik umi nyithindu bedo gi mirima; to ritgiuru maber, kurieyogi kendo upuonjogi kuom Ruoth.

Ngeche 10:17
Ngʼat mawinjo weche mirieyego wuotho e yo madhiyo e ngima, to ngʼat motamore kethone tero ji mamoko e yor lal.

Ngeche ๑๒:๑
Ngʼat mohero puonj mar rieko ohero ngʼeyo, to ngʼat ma ok winj puonj ofuwo.

Ngeche 13:1
Wuowi mariek winjo puonj wuon mare, to ngʼat ma wangʼe tek ok winj wach kikwere.

Ngeche 13:24
Ngʼat ma ok ti kod kede kuom chwado wuode, omon kod wuode, to ngʼat mohere bedo motangʼ mondo orieye.

Ngeche ๒๒:๖
Puonj nyathi e yo monego odhiye, to ka obedo maduongʼ to ok obi baro oa kuome.

Ngeche 22:15
Fuwo otwere e chuny nyathi, to ludh kum biro riembe mabor kode.

Ngeche 29:15-17
[15] Ka ichwado nyathi kendo ikwere eka ikonye bedo mariek to nyathi ma owe aweya kelo wichkuot ne min mare.[16] Ka jaricho dhiyo nyime maber, e kaka richo bende medore, to joma kare biro neno podho margi.[17] Kum wuodi, to obiro miyi kwe; kendo obiro kelo mor ne chunyi.

Fweny ๓:๑๙
Joma ahero ema akwero kendo akumo. Omiyo bed ja-adiera kendo ilok chunyi iwe timo richo.

Tito 1:8
To nyaka obed ngʼat mohero rwako welo, mohero gigo mabeyo, ngʼat ma terore mos, ma ja-ratiro, moluoro Nyasaye; kendo mawinjo puonj.

Ngeche ๒๓:๑๓-๑๔
[๑๓] Kik itamri kumo nyathi; nimar chwat ok nyal nege.[๑๔] Kikumo nyathi kod kede to obiro reso chunye aa e tho.

Hibrania 12:10-11
[10] Wuonewa mag piny-ka ne kumowa mana kuom kinde matin kaka giparo ni bernegi, to Nyasaye to kumowa mondo okonywa, kodwaro ni mondo wadok maler mana kaka en bende oler.[11] Ka ngʼato yudo kum to ok onyal winjo maber nikech owinjo rem. To bangʼ kosekum ngʼato to opuonjore mi ngimane nyag olemo mar tim makare kod kwe.

Ayub ๕:๑๗-๑๘
[๑๗] “En jahawi ngʼat ma Nyasaye kwero, omiyo kik icha kum mar Jehova Nyasaye Maratego.[๑๘] Nimar kokecho kodi mochwadi to en bende ema ochako othiedho kuonde mohinyorego.

Ngeche 3:11-12
[11] Wuoda, kik icha kum mar Jehova Nyasaye kendo kik ingʼur kokweri kuom gik maricho;[12] nimar Jehova Nyasaye kumo jogo mohero mana kaka wuoro chiko wuode ma omorgo.

Rapar mar Chik 8:5-6
[5] Ngʼeuru e chunyu ni kaka ngʼato kumo wuode, omiyo Jehova Nyasaye ma Nyasachu bende koro kumou.[6] Rituru chike duto mag Jehova Nyasaye ma Nyasachu, kuwuotho e yorene bende ka umiye luor.

1 Korintho ๙:๒๕-๒๗
[๒๕] Jangʼwech ka jangʼwech madhi e piem ritore e yore duto. Gitimo kamano mondo giyud osimbo ma ok siki; wan to waritore mondo wayud osimbo mabiro siko nyaka chiengʼ.[๒๖] Emomiyo an ok aringi ka ngʼama okia kuma itieke ngʼwech, bende ok athor diro ngum adira ka gima agoyo yamo nono.[๒๗] Ooyo, asando ringra mondo owinj wachna, mondo kik yud ni an awuon ok ayudo osimb loch, bangʼ yalo Injili ne ji mamoko.

2 Korintho 7:9-11
[9] To koro amor, ok nikech ne amiyo ukuyo, to mana nikech kuyouno nomiyo uyudo lokruok muweyo richo. Nimar ne ukuyo kaka Nyasaye dwaro, omiyo ne ok uyudo chandruok moro amora nikech wan.[10] Kuyo ma ngʼato bedogo e yo ma Nyasaye dwaro kelone lokruok mar weyo richo kod warruok maonge ywago angʼe, to kuyo mar piny kelone mana tho.[11] Neuru gima kit kuyo mar Nyasaye osenyago e ngimau: osemiyo udoko joma otangʼ mak badhre ni loso weche manie dieru. Koro usin gi timbe mamono; uluoro donjo e richo; uhera kendo ugombo mondo amed konyou e wachno kendo uikoru kumo joma oketho. Koro usepwodhoru udoko maler e wach mane otimore e dieru.

Zaburi 94:12-14
[12] Ogwedh ngʼat mikumo, yaye Jehova Nyasaye, ma en ngʼama ipuonjo koa e chikeni;[13] imiyo ngʼama kamano resruok e ndalo chandruok, nyaka chop kuny bur ne joma richo.[14] Nimar Jehova Nyasaye ok bi dagi joge; ok obi jwangʼo girkeni mare.

Hibrania ๑๒:๕-๙
[๕] Koso wiu osewil gi weche mag jip ma Nyasaye wuoyogo kodu kaka nyithinde niya, “Wuoda kik ikaw kum ma Ruoth kumigo ka gima nono, kendo kik chunyi jogi ka okweri,[๖] nimar Jehova Nyasaye kumo ngʼama ohero, kendo nyathine mohero ema ochwado.”[๗] Ka uyudo chandruok to beduru modhil nikech mano e yo ma Nyasaye puonjougo kaka nyithinde. Bende nitie nyathi ma wuon ok nyal kumo?[๘] Kapo ni un ok wuonu kumu kaka okumo nyithinde mamoko duto, to mano nyiso ni un kimirwa kendo ok un nyithinde mahie.[๙] Waduto wan gi wuonewa e piny ka ma kumowa to eka pod wamiyogi mana luor. Koro donge onego wawinj Wuonwa mar chuny moloyo, mondo eka wabed mangima?

Efeso 6:1-9
[1] Nyithindo, winjuru jonywolu kuom Ruoth nikech timo kamano en gima kare.[2] Chik mokwongo man-gi singruok wacho niya, “Luor wuonu gi minu[3] mondo ngimani odhi maber, kendo udag amingʼa e piny.”[4] Wuone kik umi nyithindu bedo gi mirima; to ritgiuru maber, kurieyogi kendo upuonjogi kuom Ruoth.[5] Wasumbini, winjuru ruodhiu mondikou e piny-ka kumiyogi duongʼ gi luor, kendo kutiyo gi chuny ma thuolo, mana ka gima uwinjo Kristo.[6] Kik uwinjgi mana mondo umor wangʼ-gi seche ma ginenou, to mana ka wasumb Kristo, timuru dwaro Nyasaye koa e chunyu.[7] Tiuru gi chunyu duto, mana ka gima utiyo ni Ruoth, to ok ni dhano,[8] nikech ungʼeyo ni Ruoth biro chulo ngʼato ka ngʼato kuom gimoro amora maber ma ngʼato timo, bed ni en misumba kata ngʼama ni thuolo.[9] Un Ruodhi timneuru wasumbiniu machalre. Kik ubwog-gi, nikech ungʼeyo ni Ruoth motelonegi, kaachiel kodu ni e polo, kendo ok odew wangʼ ngʼato.

Luo Bible 2020
Copyright © 1980, 2002, 2003, 2020 by Biblica, Inc