A A A A A

Church: [Womens Roles]

Galatia 3:28
Kuom mano koro onge pogruok e kind ja-Yahudi, kata ja-Yunani; wasumbini kata joma ni thuolo, chwo kata mon. Un duto koro un gimoro achiel ei Kristo Yesu.

1 Timotheo 2:9-15
[9] Adwaro bende ni mon orwakre gi lewni mowinjore ka gibidhore kendo giritore maber, to rwakruokgi kik bed mana mar kado wich kata mar dhahabu kata mar rwako tigo ma nengone tek kata lewni ma nengogi tek,[10] to onego girwakre gi timbe mabeyo mowinjore gi mon mawacho ni oluoro Nyasaye.[11] Mon mondo opuonjre kolingʼ kendo koyie winjo wach.[12] Ok ayie mondo dhako opuonj ji kata obed gi teko ewi ngʼama dichwo; nyaka olingʼ mos,[13] nikech Adam ema nokwong chwe eka bangʼe Hawa.[14] To bende Adam ok ema ne owuondi, to dhako ema ne owuondi, mi odoko jaketho.[15] Kata kamano mon noyud resruok e yor nywolo nyithindo, ka gisiko e yie kod hera gi ngima maler kendo modimbore.

1 Timotheo 2:12
Ok ayie mondo dhako opuonj ji kata obed gi teko ewi ngʼama dichwo; nyaka olingʼ mos,

Chakruok 3:16
Dhako to ne owachone niya, “Anamedni rem malich e kindeni mag nywol; adier ininywol nyithindo gi rem. Dwaroni nobed mana kuom chwori bende enobed gi teko kuomi.”

1 Korintho 11:3
To adwaro mondo ungʼe ni Kristo ewi dichwo ka dichwo, kendo ni dichwo ewi dhako, to Nyasaye ewi Kristo.

Luka 8:1-3
[1] Bangʼ mano, Yesu nowuotho kodhi e dala ka dala kod gwengʼ ka gwengʼ ka olando Injili mar pinyruoth Nyasaye. Jopuonjrene apar gariyo ne ni kode,[2] kaachiel gi mon moko mane osegol kuomgi jochiende kendo ochang tuochegi kaka Maria (mane iluongo ni Magdala) mane jochiende abiriyo osewuok kuome;[3] Joana chi Chuza, mane jatelo e od Herode gi Susana kod mon mamoko mathoth. Mon-gi nekonyogi ka gichiwonegi gigegi giwegi.

Chakruok 2:18
Jehova Nyasaye nowacho niya, “Ok ber mondo Adam obed kende, abiro losone jakony mowinjore kode.”

Efeso 5:22-33
[22] Un mon winjuru chwou mana kaka dine uluoro Ruoth.[23] Nikech dichwo ewi dhako mana kaka Kristo en wi kanisa, ma en ringre to en ema en Jawarne.[24] Mon bende onego owinj chwogi e weche duto, mana kaka kanisa bende winjo Kristo.[25] Un chwo, heruru mondu, mana kaka Kristo bende nohero kanisa, mochiwore nikech en[26] mondo opwodhe maler, koluoke gi pi kuom wach[27] eka ochiw Kanisa ne en owuon ka opichni kendo maonge chilo moro, kata jowruok, kata mbala, to obed maler kendo maonge songa kuome.[28] Kamano bende, chwo onego oher mondgi mana kaka gihero dendgi giwegi. Ngʼat mohero chiege oherore owuon.[29] To bende onge ngʼama ochayo dende owuon. Ngʼato ka ngʼato pidho dende kendo rite maber, mana kaka Kristo bende timo ne Kanisa,[30] nikech wan fuonde mag ringre.[31] “Kuom mano dichwo nowe wuon kod min, kendo nopadre gi chiege, mi ji ariyogo nodok ringruok achiel.”[32] Wachni otingʼo puonj maduongʼ mopondo to kata kamano awuoyo kuom Kristo gi Kanisa.[33] Omiyo ngʼato ka ngʼato kuomu nyaka her chiege mana kaka oherore owuon kendo dhako nyaka luor chwore.

1 Timotheo 2:11-15
[11] Mon mondo opuonjre kolingʼ kendo koyie winjo wach.[12] Ok ayie mondo dhako opuonj ji kata obed gi teko ewi ngʼama dichwo; nyaka olingʼ mos,[13] nikech Adam ema nokwong chwe eka bangʼe Hawa.[14] To bende Adam ok ema ne owuondi, to dhako ema ne owuondi, mi odoko jaketho.[15] Kata kamano mon noyud resruok e yor nywolo nyithindo, ka gisiko e yie kod hera gi ngima maler kendo modimbore.

Luka 10:38-42
[38] Kane oyudo Yesu gi jopuonjrene ni e yo, nochopo gwengʼ kama dhako miluongo ni Maritha norwake e ode.[39] Ne en gi nyamin mane iluongo ni Maria, mane obet piny, e tiend Ruoth kowinjo gima owacho.[40] To Maritha nodich gi tich mangʼeny mane nyaka tim. Nodhi ire mopenjo niya, “Ruoth, ok idewo ni nyaminwa oweya atiyo mana kenda nyise mondo okonya!”[41] Ruoth nodwoke niya, “Maritha, Maritha, iparori kendo ithagori kuom gik mangʼeny kayiem,[42] to gimoro achiel kende ema dwarore. Maria oseyiero gima ber moloyo kendo ok nomaye ngangʼ.”

Tito 2:3-5
[3] Kamano bende puonj mon madongo mondo kit ngimagi obed ranyisi maber, ma ok jokuoth, kata joma ohero madho kongʼo, to nyaka gibed gi puonj mabeyo.[4] Ka gitimo kamano, to ginyalo puonjo mon matindo kaka onego giher chwogi gi nyithindgi;[5] ka giterore mos kendo gidak e ngima maler bende ka girito e utegi. Nyaka gibed mon mangʼwon kendo moluoro chwogi mondo kik ngʼato angʼata yany wach Nyasaye.

1 Korintho 11:2-16
[2] Agoyonu erokamano nikech usiko upara e yore duto, kendo nikech umako puonj duto mane amiyou.[3] To adwaro mondo ungʼe ni Kristo ewi dichwo ka dichwo, kendo ni dichwo ewi dhako, to Nyasaye ewi Kristo.[4] Kuom mano, dichwo malemo kata makoro e chokruok koumo wiye ochayo Kristo.[5] Kamano bende dhako malemo kata makoro e chokruok, ka ok otweyo kitamba okuodo wi chwore, nikech onge pogruok e kinde gi dhako moliel yie wiye.[6] Ka dhako ok dwar tweyo kitamba, to ber kata mondo oliel yie wiye. To kaka en wichkuot ka dhako olielo yie wiye mapoth, to ber otwe kitamba.[7] Dichwo to ok owinjore oum wiye nikech en ranyisi mar Nyasaye gi duongʼne; dhako to en ranyisi mar duongʼ mar dichwo.[8] Dichwo ne ok oa kuom dhako, to dhako ema ne oa kuom dichwo.[9] To bende, dichwo ne ok ochwe ne dhako, to dhako ema ne ochwe ni dichwo.[10] Nikech wachni kendo nikech malaike, dhako mondo oum wiye kaka ranyisi ni en e bwo loch.[11] Kata kamano, kuom Ruoth, dhako ok nyal dak maonge dichwo mana kaka dichwo bende ok nyal dak maonge dhako.[12] Nimar, mana kaka dhako nochwe koa kuom dichwo, e kaka dichwo bende inywolo gi dhako, to gik moko duto oa kuom Nyasaye.[13] Penjreuru un uwegi ni: Bende en gima kare mondo dhako olam Nyasaye ka ok otweyo kitamba e wiye?[14] Donge en gima ongʼere ne ji duto ni wich maboyo en wichkuot ni dichwo?[15] To ka dhako yie wiye boyo, to en duongʼ mare, nikech yie wich maboyo omiye kaka raum.[16] Ka ngʼato kuomu dwaro kwedo ma, to ongʼe ni waonge gi tim mopogore gi mwapuonjoni, kendo kata kanise duto mag Nyasaye ongego.

Tich Joote 18:26
Nochako wuoyo gi chir e sinagogi, to ka Priskila gi Akula nowinje, ne giluonge e dalagi mine gimedo lerone tiend weche moko kuom yor Nyasaye.

1 Korintho 14:33-35
[33] nikech Nyasaye ok en Nyasach koko, to en Nyasach kwe. To mana kaka timore ei kanisa mar jomaler,[34] jomamon onego olingʼ e kanisa. Ok oyienigi wuoyo, nyaka giwinj puonj mana ka gilingʼ kaka chik wacho.[35] Ka gidwaro mondo olernigi tiend wach moro, to gipenj chwogi giwegi dala, nikech en wichkuot ka dhako wuoyo e kanisa.

1 Timotheo 2:11
Mon mondo opuonjre kolingʼ kendo koyie winjo wach.

Efeso 5:22-24
[22] Un mon winjuru chwou mana kaka dine uluoro Ruoth.[23] Nikech dichwo ewi dhako mana kaka Kristo en wi kanisa, ma en ringre to en ema en Jawarne.[24] Mon bende onego owinj chwogi e weche duto, mana kaka kanisa bende winjo Kristo.

Rumi 16:1
Apwoyonu nyaminwa Fibi, ma en jatich e kanisa man Kenkrea.

Tito 2:4-5
[4] Ka gitimo kamano, to ginyalo puonjo mon matindo kaka onego giher chwogi gi nyithindgi;[5] ka giterore mos kendo gidak e ngima maler bende ka girito e utegi. Nyaka gibed mon mangʼwon kendo moluoro chwogi mondo kik ngʼato angʼata yany wach Nyasaye.

Efeso 5:22
Un mon winjuru chwou mana kaka dine uluoro Ruoth.

1 Timotheo 5:14
Kuom mano daher mondo mon ma chwogi otho matindo okendi, mondo ginywol nyithindo, kendo girit utegi mondo kik gimi jasigu thuolo mar ketho nying joma oyie.

Mathayo 27:55-56
[55] Mon mangʼeny bende ne ni kanyo, ka ngʼicho gichien. Negisebedo ka giluwo bangʼ Yesu koa Galili ka gichiwone gik monego okonyrego.[56] Moko kuomgi ne gin, Maria ma aa Magdala, Maria min Jakobo gi Joses, kod min yawuot Zebedi.

1 Korintho 14:34-35
[34] jomamon onego olingʼ e kanisa. Ok oyienigi wuoyo, nyaka giwinj puonj mana ka gilingʼ kaka chik wacho.[35] Ka gidwaro mondo olernigi tiend wach moro, to gipenj chwogi giwegi dala, nikech en wichkuot ka dhako wuoyo e kanisa.

Jong’ad Bura 4:4
Debora, janabi madhako, ma chi Lapidoth, notelo ne jo-Israel e kindeno.

Rumi ١٦:٧
Androniko kod Junias, ma wedena, kendo mane ni koda e od twech, bende mosnauru. Ji ariyogi gin joma oluor e kind Joote, kendo ne gikwongona yie kuom Kristo.

Efeso 5:21
Beduru gi winjruok ngʼato gi ngʼato, mondo umi Kristo duongʼ.

Tito ٢:١
Nyaka ipuonj weche mowinjore gi puonj ma adiera.

1 Korintho ١١:٧
Dichwo to ok owinjore oum wiye nikech en ranyisi mar Nyasaye gi duongʼne; dhako to en ranyisi mar duongʼ mar dichwo.

Ngeche 31:10-31
[10] Dhako ma kite longʼo en ngʼa manyalo nwangʼo? Nengone oloyo kite ma nengogi tek.[11] Chwore ogenogo chutho kendo onge gima oreme.[12] Okelone mana ber, ok hinyruok ndalo duto mar ngimane.[13] Oyiero yie rombe kod tworo kendo otiyo matek gi lwete.[14] Ochalo gi yiedhi mag ohala, kokelo chiemo moa kuma bor.[15] Ochiewo aa e nindo ka pod piny mudho, ochiwo chiemo ne joode to moko omiyo nyiri matiyone.[16] Omanyo puodho maber mi ongʼiew, kendo kuom ohala moloko opidhogo puothe mag olembe.[17] Otiyo tijene gi teko duto; kendo oratego e tije motiyo.[18] Oneno ni gik moloso miye ohala to tache ok tho gotieno.[19] Ei lwete otingʼo yie rombe kendo omako gir chwecho gi lith lwetene.[20] Oyawo bade ne joma jochan kendo otero lwete ne jogo mochando.[21] Ka piny ngʼich, oonge luoro ne joode, nikech giduto girwakore gi nengni mapichni.[22] Oloso raum ne kitandane, orwakore gi lewni marep-rep maralik ma nengogi tek.[23] Chwore imiyo luor e dhoranga dala maduongʼ, kama obedoe e dier jodongo mag gwengʼ.[24] Oloso lewni marep-rep mi ousgi, kendo omiyo johala gik moko.[25] Orwakore gi teko kod dimbruok; omiyo onyalo bedo mamor e ndalo mabiro.[26] Owuoyo gi rieko kendo puonj mar adiera ni e lewe.[27] Orito weche mag ode to ok ocham chiemb mifwadhi.[28] Nyithinde chungo kendo luonge ni en ngʼat mogwedhi, chwore bende pake, kawacho niya,[29] “Mon mangʼeny timo gik mabeyo, to in iloyogi duto.”[30] Ber mar wangʼ wuondo ji, to chia bende rumo; to dhako moluoro Jehova Nyasaye yudo pak.[31] Miye pak moromo kode mondo onwangʼ kendo we mondo tijene okelne pak e dhorangach mar dala maduongʼ.

1 Timotheo 2:13-14
[13] nikech Adam ema nokwong chwe eka bangʼe Hawa.[14] To bende Adam ok ema ne owuondi, to dhako ema ne owuondi, mi odoko jaketho.

1 Timotheo 3:2
Jatend kanyakla mar jo-Kristo nyaka bed ngʼat ma wach moro amora marach onge kuome, chwor dhako achiel kende, ngʼat mobidhore, moritore, kendo modimbore, ngʼat moluor, mohero rwako welo kendo japuonj molony,

1 Timotheo 3:11
Kamano bende, mondgi nyaka bed joma owinjore mi luor, kik gibed mon mohero kuoth, to owinjore gibed mon moritore kendo ma jo-adiera e weche duto.

Chakruok 1:27
Kuom mano Nyasaye nochweyo dhano e kite owuon, e kit Nyasaye nochweye; nochweyogi dichwo gi dhako.

Efeso 5:23
Nikech dichwo ewi dhako mana kaka Kristo en wi kanisa, ma en ringre to en ema en Jawarne.

Tito 2:3
Kamano bende puonj mon madongo mondo kit ngimagi obed ranyisi maber, ma ok jokuoth, kata joma ohero madho kongʼo, to nyaka gibed gi puonj mabeyo.

1 Petro 3:7
Un chwo bende nyaka udag gi mondeu kuweyonegi korgi. Migiuru luor kaka chwech mangʼaw kendo kaka jouteu muchamogo mich mar ngima momiu kuom ngʼwono. Kutimo kamano to onge gima biro mono lemou chopo e nyim Nyasaye.

Kolosai 3:18-19
[18] Un mon, winjuru chwou, mana kaka owinjore kuom Ruoth.[19] Un chwo, heruru mondu, kendo kik ubednegi mager.

Chakruok 1:26-28
[26] Eka Nyasaye nowacho niya, “We wachwe dhano e kido machal kodwa kendo gibed gi teko ewi rech mae nam kendo gi winy mae kor polo, ewi jamni, ewi piny duto kendo ewi chwech duto mawuotho ewi lowo.”[27] Kuom mano Nyasaye nochweyo dhano e kite owuon, e kit Nyasaye nochweye; nochweyogi dichwo gi dhako.[28] Nyasaye nogwedhogi mi owachonegi niya, “Nywolreuru kendo kwanu omedre; pongʼuru piny kendo urite. Beduru gi teko ewi rech ma e nam kod winy mae kor polo kendo ewi gik mangima duto mawuotho ewi lowo.”

1 Petro 3:1-7
[1] Kamano un bende mon luoruru chwou, mondo ka moko kuomgi pok oyie to gilokre, ok nikech wecheu to nikech timbeu maler,[2] ka gineno bidhruok gi luor mar ngimau.[3] Ber maru ok onego onenre mana kuom gik mulichogo dendu ma oko: kaka kado wich gi rwako bangli mag dhahabu kod lewni ma nengogi tek.[4] To chutho ber maru onego obed mano maiye, ma en ber madier mar chuny mamuol kendo mokwe ma en gima duongʼ moloyo e wangʼ Nyasaye.[5] Nikech kamano e kaka mon maler machon mane oketo genogi kuom Nyasaye ne loso bergi maiye. Ne giwinjo wach chwogi,[6] mana kaka Sara, mane winjo Ibrahim kendo luonge ni ruodhe. Un udoko nyige ka utimo gik mabeyo gi chir ma ok uluoro gimoro.[7] Un chwo bende nyaka udag gi mondeu kuweyonegi korgi. Migiuru luor kaka chwech mangʼaw kendo kaka jouteu muchamogo mich mar ngima momiu kuom ngʼwono. Kutimo kamano to onge gima biro mono lemou chopo e nyim Nyasaye.

Ngeche 12:4
Dhako ma kite longʼo en osimbo mar chwore, to dhako ma timbene richo chalo gi nyamuoda manie choke.

1 Korintho 14:34
jomamon onego olingʼ e kanisa. Ok oyienigi wuoyo, nyaka giwinj puonj mana ka gilingʼ kaka chik wacho.

Kolosai 4:15
Kowuru mosna ni jowete man Laodikia, kendo ni Numfa gi kanisa man e ode.

Filipi 4:2-3
[2] Akwayo Yudia gi Suntuke mondo giwinjre kuom Ruoth.[3] Ee, in bende akwayi, jatich wadwa, mondo ikony mon-go e wachni. Gisetiyo koda ka gikedo matek ne Injili, kaachiel gi Klement kod jotich wetena mamoko ma nying-gi ondiki e kitap ngima.

Luo Bible 2020
Copyright © 1980, 2002, 2003, 2020 by Biblica, Inc