Bad Character: [Bitterness]

Tich Joote 8:23

Nikech aneno ka chunyi opongʼ gi nyiego mangʼeny, kendo richo oloki misumbane chuth.”

Kolosai 3:8-13

[8] To koro nyaka ulony oko kit richo duto kaka: ich wangʼ gi mirima gi himruok gi ketho nying ji kod weche mochido.[9] Kik ngʼato kuomu wuond wadgi, nikech uselonyo kit dhano machon kod timbene duto,[10] mi urwako dhano manyien mamedo bedo manyien pile mondo obed machal gi kit jachwechne.[11] E ngima manyien-ni, koro onge pogruok e kind ja-Yunani kod ja-Yahudi, onge ngʼama oter nyangu kata ngʼat ma ok oter nyangu, bende onge ngʼama ok osomo kata jamaranda, misumba kata ngʼama ni thuolo, to Kristo e moromo kendo en duto kuom duto.[12] Kuom mano, kaka un jo-Nyasaye moyiero, maler kendo mogeno, rwakreuru gi kech, gi miwafu, gi bolruok, gi muolo, kod kinda.[13] Beduru joma oyie kawo nyawo mar jowadgi kendo ka weyo ni nyawadgi kethone. Weneuru ji richogi kaka Ruoth bende noweyonu richou.

Eklesiastes 7:9

Kik ibed ngʼama chwanyore piyo e chunye; nikech joma ofuwo ema timo kamano.

Efeso 4:26

“Kaponi iu owangʼ, to kik utim richo.” Kik uwe chiengʼ podhi ka pod un gi ich wangʼ

Ezekiel 3:14

Eka Roho mar Nyasaye koro notingʼa malo mi ogola kanyo, kendo ne adhi ka iya owangʼ kendo chunya opongʼ gi mirima, ka lwedo maratego mar Jehova Nyasaye ne ni kuoma.

Isaya 38:17

Chutho chandruok duto maseyudo okelona mana kony. Nikech herani mogundho iseresa e kethruok; bende isewito richona duto kadiengʼeyi.

Ayub 7:11

“Emomiyo ok anyal lingʼ; abiro wacho lit manie chunya, abiro nyiso pek ma an-go e chunya nikech mirima ma an-go.

Ayub 10:1

“Aol gi ngima; mano emomiyo ok abi lingʼ ma ok awuoyo, to abiro wacho lit duto manie chunya.

Ayub 21:25

To ngʼat machielo to tho ka chunye opongʼ gi lit, ma ok oneno ber moro amora e ngimane duto.

Mariko 11:25

To bende ka ichungʼ ilemo, to in-gi wach moro e kindi gi ngʼato, to nyaka iwene richone, eka mondo Wuonu manie polo bende oyie weyoni richoni. [

Ngeche 10:12

Sigu kelo miero, to hera umo maricho duto.

Ngeche 14:10

Chuny ka chuny ongʼeyo litne owuon, to onge ngʼato machielo manyalo bedo e mor ma en-go.

Ngeche 15:1

Dwoko wach mamuol kweyo mirima, to wach makwiny jimbo ich wangʼ.

Ngeche 17:25

Wuowi mofuwo kelo kuyo ni wuon mare kod chuny lit ne ngʼat mane onywole.

Rumi 3:14

“Dhogi opongʼ gi kwongʼ kod weche makech.”

Mathayo 6:14-15

[14] Nimar ka uweyo ne ji ka gikethonu, eka Wuonu manie polo biro weyonu.[15] To ka ok uwe ni ji richogi to wuonu manie polo ok bi weyonu richou.

Jakobo 1:19-20

[19] Jowetena mageno, winjuru wachni malongʼo ni: Ji duto onego bed mapiyo e winjo wach, kik urikni e wuoyo kendo kik ubed joma igi wangʼ piyo,[20] nikech mirima ok mi wabed joma kare kaka Nyasaye dwaro ni wabedi.

Hibrania 12:14-15

[14] Temuru matek mondo udag gi ji duto gi kwe, kendo mondo ngimau obed maler, nikech ka ngʼato onge gi ngima maler to ok none Ruoth.[15] Ritreuru mondo une ni onge ngʼato kuomu molal kendo oweyo ngʼwono mar Nyasaye, kendo kik uwe sigu moro bedi e kindu manyalo ketho ji mangʼeny.

Efeso 4:31-32

[31] Weuru kecho gi mirima gi ich wangʼ gi gwandruok gi himruok gi ketho nying kod himruok duto.[32] Beduru mangʼwon kendo gi kech ni joweteu, ka ngʼato ka ngʼato weyo ni nyawadgi richone, mana kaka un bende Nyasaye noweyonu richou kuom Kristo.

Luo Bible 2020