A A A A A

Bad Character: [Bullying]


1 Johana 2:9
Ngʼato angʼata mawacho niwuotho e ler to mon gi wadgi pod osiko e mudho.

1 Johana 3:15
Ngʼama mon gi owadgi en janek, to ungʼeyo ni janek onge gi ngima mochwere.

2 Timotheo 1:7
Nikech Nyasaye ne ok omiyowa chuny mar bedo ngoche, to nomiyowa chuny mar bedo gi teko, gihera kod ritruok.

Rapar mar Chik 31:6
Beduru gi chir kendo motegno. Kik uluorgi kendo kik gimi chunyu nyosre, nimar Jehova Nyasaye ma Nyasachu biro dhi kodu; ok enoweu kata jwangʼou.”

Efeso 4:29
Kik uyie weche maricho wuogi e dhou, to mana weche mabeyo manyalo konyo kuom gero ji kaluwore gi dwarogi mondo wecheu okony joma winjo.

Efeso 6:12
Nikech wasigu mwakedogo ok gin dhano, to wakedo gi jotelo, kod ruodhi mag piny motimo mudhoni, kaachiel gi lang chuny maricho modak e kor polo.

Tim jo-Lawi 19:18
“ ‘Kik idwar chulo kuor, kendo kik ibed ngʼama mon gi jowadgi, to her wadu kaka iherori iwuon. An e Jehova Nyasaye.

Mathayo 5:11
“Un joma ogwedhi ka ji yanyou kendo sandou kendo hangonu wach ni usetimo kit gik maricho duto nikech an.

Ngeche 17:9
Ngʼat ma umo ketho mewo hera, to ngʼat mamedo timo gima kamano pogo osiepe moherore.

Ngeche 22:10
Riemb ngʼat ma jaro ji, to lweny bende aa, dhawo kod kinyruok rumo.

Ngeche 24:16
kata bedni ngʼat makare ogore piny nyadibiriyo, pod obiro chungo kendo; to joricho igoyo piny gi masira.

Zaburi 138:7
Kata obedo ni awuotho e dier chandruok, to irito ngimana; irieyo lweti kuom mirimb joma kedo koda, kendo iresa gi lweti ma korachwich.

Rumi 2:1
Omiyo in bende ok initony, in mingʼado bura ni ngʼat machielo, nikech gima ingʼadonego ngʼat machielo burano ema bura loyigo iwuon, nikech in mingʼado bura bende itimo gik machalre gi gima otimo.

Rumi 12:18-19
[18] Ka nyalore, to temuru mondo udag gi kwe gi ji duto.[19] Kik uchul kuoro, osiepena, to weuru thuolo ne mirimb Ruoth Nyasaye, nimar ondiki niya, “An ema nachul kuor; abiro chulo,” Jehova Nyasaye owacho.

Rumi 12:20-21
[20] To bende Muma wacho niya, “Ka jasiki odenyo, to miye chiemo; ka riyo oloye, to miye gimoro omodhi, ka itimo kamano, ibiro choko chuk mach maliel e wiye.”[21] Kik uyie richo lou, to louru richo gi tim maber.

Luka 6:27-28
[27] “Anto awachonu un joma winja kama: Heruru wasiku, timuru maber ni jomamon kodu.[28] Gwedhuru joma kwongʼou lamuru ni joma sandou.

Mathayo 5:44-45
[44] Anto awachonu kama: Heruru wasiku kendo lamuru ne joma sandou,[45] mondo eka ubed yawuot Wuonu manie polo. En omiyo chiengʼ mare wuok ni joma richo gi joma beyo machalre, kendo ooro koth ne joma kare gi joma ok kare.

Isaya 41:11-13
[11] “Jogo duto mamon kodi wigi biro kuot ma dhier nono, adier jogo duto makwedi biro lal nono.[12] Ibiro manyo wasikigo to ok iniyudgi. Chutho jogo makedo kodi ok nobed gimoro kata matin.”[13] Nimar an Jehova Nyasaye ma Nyasachi mamako badi ma korachwich, omiyo awachoni niya, “Kik ibed maluor; abiro konyi.

Mathayo 5:38-41
[38] “Usewinjo ni nowachi ni, ‘Wangʼ kar wangʼ kendo lak kar lak.’[39] Anto anyisou ni kik utam ngʼat marach timo gima odwaro timo. Ka ngʼato othalo lembi ma korachwich to lokne komachielo bende,[40] kendo ka ngʼato dwaro yalo kodi mondo okaw lawi mar akor to wene kotini bende.[41] Ka ngʼato ochuni mondo ikowe kilomita achiel gi nus to dhi kode kilomita adek.

Zaburi 34:12-18
[12] Ngʼato angʼata kuomu mohero ngima kendo nigi geno kuom ndalo mabiro mangʼeny mabeyo,[13] nyaka ogengʼ lewe kik wuo marach kendo ogengʼ dhoge kuom wacho miriambo.[14] Lokri iwe timbe maricho kendo itim tim maber; many kwe kendo iluwe.[15] Wangʼ Jehova Nyasaye ni kuom joma kare kendo ite winjo ywakgi;[16] to Jehova Nyasaye mon gi joma timo gik maricho, kendo omiyo wich wil kodgi e piny.[17] Joma kare koywak to Jehova Nyasaye winjogi; oresogi e chandruokgi duto.[18] Jehova Nyasaye chiegni gi joma chunygi otur kendo oreso joma chunygi muol.

Luo Bible 2020
Copyright © 1980, 2002, 2003, 2020 by Biblica, Inc