A A A A A

Additional: [Broken Heart]


1 Korintho 13:7
Hera umo weche duto, osiko oyie ayieya, osiko ogeno agena, kendo osiko odhil adhila.

1 Petro ५:७
Keturu parruok duto ma un-go kuome nikech oparou.

1 Samuel 16:7
To Jehova Nyasaye nowachone Samuel niya, “Kik ingʼi ber mar dende kata borne nikech asedage. Jehova Nyasaye ok ngʼi gik ma dhano ngʼiyo. Dhano ngʼiyo ber ma oko, Jehova Nyasaye to ngʼiyo chuny.”

2 Korintho ५:७
Wadak kuom yie to ok kuom gik mwaneno.

2 Korintho 12:9
to ne odwoka niya, “Ngʼwonona mamiyi oromi, nikech kama nyawo nitie ema tekona tiyoe moloyo.” Emomiyo, abiro medo pakora gi ilo kuom nyawona, eka teko mar Kristo osik kuoma.

Hibrania १३:५
Kik ubed joma ohero pesa, to gik ma un-go mondo oromu, nikech Nyasaye wacho niya, “Ok anaweu kata jwangʼ ok anajwangʼu”

Isaya 6:1
E higano mane Ruoth Uzia othoe, naneno Ruoth Nyasaye kobet e kom duongʼ motingʼore malo kendo omi luor, ka tiend lawe opongʼo hekalu.

Isaya 41:10
Omiyo kik ibed maluor, nimar an kodi; bende kik kibaji goyi, nimar an Nyasachi. Abiro miyi teko kendo abiro konyi; bende abiro siri gi bada ma korachwich mar loch.”

Isaya 57:15
Nimar ma e gima Jal Man Malo Moloyo ma en Jal modak nyaka chiengʼ, ma nyinge ler wacho, “Adak kama ler man malo, kaachiel gi ngʼat mofwenyo richone kendo man-gi chuny mobolore, mondo aduog chuny ngʼat moboloreno kendo ajiw chuny ngʼat mofwenyo richone.

Jeremia २९:११
Nimar Jehova Nyasaye wacho niya, “Angʼeyo chenro ma an-go kodu. Chenro mar dhi maber to ok mar hinyou, chenro mar miyou geno kod ngima mabiro.

Johana 3:16
“Nikech Nyasaye nohero piny ahinya, omiyo nochiwo Wuode ma miderma, mondo ngʼato angʼata moyie kuome kik lal, to obed gi ngima mochwere.

Johana १२:४०
“Osedino wengegi kendo osemiyo chunygi odoko matek, mondo kik gine gimoro gi wengegi, kendo kik giwinj tiend weche gi chunygi, mi gilokre gidwog ira mi achang-gi.”

Johana 14:1
“Kik uwe chunyu chandre. Yieuru kuom Nyasaye, to An bende yieuru kuoma.

Johana १४:२७
Aweyonu kwe; kwe mara ema amiyou. En kwe ma pinyni ok nyal miyou. Kik chunyu parre kendo kik ubed maluor.

Johana 16:33
“Asenyisou gigi mondo uyud kwe moa kuoma. E pinyni ubiro neno chandruok, to beduru gi chir nikech aseloyo piny.”

Luka 24:38
Nowachonegi niya, “Angʼo momiyo uchandoru, kendo angʼo momiyo chich ni e parou?

Mariko 11:23
Awachonu adier ni ka ngʼato owacho ne godni ni, ‘Dhiyo mondo inyumri e nam,’ ma ok obedo gi kiawa e chunye kata matin, to oyie ni gima owachono biro timore, to gima odwarono notimre kamano.

Mathayo 5:8
Jomaler gie chunygi gin joma ogwedhi, nimar ginine Nyasaye.

Mathayo 11:28
“Biuru ira, un duto mujony kendo motingʼore mapek, mondo amiu yweyo.

Ngeche 3:5
Gen kuom Jehova Nyasaye gi chunyi duto, kendo kik igen kuom ngʼeyoni iwuon;

Zaburi 34:18
Jehova Nyasaye chiegni gi joma chunygi otur kendo oreso joma chunygi muol.

Zaburi 51:17
Misango mar Nyasaye en chuny motur, chuny motur kendo mamuol, ok itamri, yaye Nyasaye.

Zaburi 55:22
Ket pek manie chunyi ne Jehova Nyasaye to obiro riti; ok obi weyo ngʼat makare podhi.

Zaburi 147:3
Ochango joma chunygi tuo kendo othiedho adhondegi.

Fweny 21:4
Enoywe pi wengegi duto. Tho kata ywak gi nduru kod rem ok nochak obedie kendo ngangʼ, nikech gik machon oserumo.”

Rumi 8:28
Bende wangʼeyo ni Nyasaye tiyo maber ne jogo mohere, jogo moseluongi kaluwore gi dwarone.

Rumi 12:2
Kik koro ulu kit ngima pinyni, to lokreuru ka parou doko manyien pile, eka unubed gi nyalo mar pimo kendo ngʼeyo dwach Nyasaye, ma en dwache maber, mowinjore kendo malongʼo chuth.

Ngeche 4:23
To moloyo duto, rit chunyi, nikech en e soko mar ngima.

Ngeche 3:5-6
[5] Gen kuom Jehova Nyasaye gi chunyi duto, kendo kik igen kuom ngʼeyoni iwuon;[6] ket yoreni duto kuome eka nomi yoregi oriere tir.

1 Korintho 6:19-20
[19] Donge ungʼeyo ni ringreu en hekalu mar Roho Maler modak eiu kendo ma Nyasaye osechiwonu? Ok un mau uwegi;[20] to nongʼiewu gi nengo matek. Omiyo miuru Nyasaye duongʼ gi ringreu.

Filipi 4:6-7
[6] Kik uparru kuom gimoro amora, to kwauru Nyasaye gik moko duto muchando, kulamo, kendo kugoyone erokamano, kuketo kwayou mondo ongʼere ni Nyasaye.[7] Eka kwe mar Nyasaye modhiero ji duto ngʼeyo norit chunyu gi pachu ka un kuom Kristo Yesu.

Mathayo 11:28-30
[28] “Biuru ira, un duto mujony kendo motingʼore mapek, mondo amiu yweyo.[29] Kawuru lodina mondo utingʼ kendo puonjreuru kuoma, nimar chunya muol kendo ahora mos, eka unuyud yweyo ne chunyu.[30] Nimar lodina ok pek kendo misika yot.”

Zaburi 34:1-22
[1] Zaburi mar Daudi. Kane owuondore ni in janeko e nyim Abimelek, mane oriembe mi oa odhi. Abiro miyo Jehova Nyasaye duongʼ kinde duto; dhoga biro siko kapake.[2] Chunya biro sungore kuom Jehova Nyasaye, joma nigi rem mondo owinji kendo obed mamor.[3] Miuru Jehova Nyasaye duongʼ kaachiel koda; watingʼuru nyinge malo kaachiel.[4] Ne amanyo Jehova Nyasaye ka alamo, kendo nodwoka; ne oresa e luoro duto ma an-go.[5] Joma oketo genogi kuome rieny; ok gi bi neno wichkuot.[6] Ngʼat ma odhierni noluongo Jehova Nyasaye, kendo Jehova Nyasaye nowinje; ne orese mogole e chandruokne duto.[7] Malaika mar Jehova Nyasaye oumo alwora mar jogo momiye luor kendo oresogi.[8] Bi mondo ine ni Jehova Nyasaye ber; ngʼat ma pondo kuome ogwedhi.[9] Luoruru Jehova Nyasaye, un joge maler, nikech joma omiye luor ok chand gimoro amora.[10] Sibuoche nyalo ool kendo kech nyalo kayogi, to joma manyo Jehova Nyasaye ok ochando gima ber moro amora.[11] Biuru nyithinda kendo winjauru. Abiro puonjou luoro Jehova Nyasaye.[12] Ngʼato angʼata kuomu mohero ngima kendo nigi geno kuom ndalo mabiro mangʼeny mabeyo,[13] nyaka ogengʼ lewe kik wuo marach kendo ogengʼ dhoge kuom wacho miriambo.[14] Lokri iwe timbe maricho kendo itim tim maber; many kwe kendo iluwe.[15] Wangʼ Jehova Nyasaye ni kuom joma kare kendo ite winjo ywakgi;[16] to Jehova Nyasaye mon gi joma timo gik maricho, kendo omiyo wich wil kodgi e piny.[17] Joma kare koywak to Jehova Nyasaye winjogi; oresogi e chandruokgi duto.[18] Jehova Nyasaye chiegni gi joma chunygi otur kendo oreso joma chunygi muol.[19] Ngʼat makare nyalo bedo gi chandruok mangʼeny, to Jehova Nyasaye rese kuomgi duto;[20] orito chokene duto, ma kata achiel kuomgi ok notur.[21] Timbe maricho biro nego ngʼama timbene rach, to jowasik joma kare, bura biro loyo.[22] Jehova Nyasaye reso jotichne; onge ngʼato kata achiel mopondo kuome ma bura biro loyo.

Luo Bible 2020
Copyright © 1980, 2002, 2003, 2020 by Biblica, Inc