A A A A A

Sins: [Lust]


Mathayo 5:28
An to awachonu ni, ka ng’ato orango dhako, mi ogombo, to oseterore kode e chunye.

1 Korintho 6:13
Ng’at machielo bende nyalo wacho ni, “Chiemo en mar ich, kendo ich en mar chiemo.” Ee, to Nyasaye notiek gik moko ariyogo duto. To ringruok ok ochue ni terruok, to en mar Ruoth, kendo Ruoth en mar ringruok.

2 Timotheo 2:22
Nyaka iring ia e gombo mag yawuowi, to ibed e kanyakla mar joma sayo Ruoth gi chuny maradier, kendo madwaro bedo joadiera, kendo madwaro tim makare gi hera kod kue.

1 Johana 2:16
nikech gik moko duto manie piny, kaka gombo mag ringruok gi gombo mar wang’, kod sunga ma ji sungorego kuom gik ma gin-go, ok a kuom Wuoro, to gin mana mag pinyni.

Galatia 5:16
To gima awachonu e ma: Wuothuru kuom Roho, eka ok unutim gik ma ngima mar dhano gombo,

Rumi 8:6
to joma timo gik ma Roho dwaro, paro mana weche mag Roho, kendo mano kelo ngima kod kue.

Jakobo 1:14-15
[14] To ng’ato ka ng’ato gombone owuon ema temo kendo yondho.[15] Eka ka gombo osemako ich, to onywolo richo, to richo kosedongo mogik to kelo tho.

Luo Bible 2015
Bible Society of Tanzania