| 1 Johana 1:6 |
| Ka wawacho ni wan e achiel kode, to eka pod wawuotho e mudho, to wariambo, kendo ok wawuoth e adiera. |
|
| 1 Johana 2:9-17 |
| [9] Ng’at mawacho ni nie ler to mon gi wadgi, pod nie mudho.[10] Ng’at mohero wadgi osiko e ler, kendo onge gimoro kuome madimi ochwanyre.[11] To ng’at mamon gi wadgi nie mudho, kendo wuotho e mudho. Ok ong’eyo kuma odhiye, nikech mudho oimo wang’e.[12] Nyithinda, andikonu nimar richou owenu e nying Yesu.[13] Wuone, andikonu nikech ung’eyo Jal ma osebetie nyaka a chakruok. Yawuowi, andikonu nikech useloyo Ng’ama Rach.[14] Un nyithinda, asendikonu nikech ung’eyo Wuoro. Un wuone, asendikonu nikech ung’eyo Jal ma osebetie nyaka a chakruok. To un yawuowi asndikonu nikech utegno, kendo Wach Nyasaye odak e iu, kendo useloyo Ng’ama Rach.[15] Kik uher piny kata gik manie piny, ka ng’ato ohero piny to hera mar Wuoro ok nie iye,[16] nikech gik moko duto manie piny, kaka gombo mag ringruok gi gombo mar wang’, kod sunga ma ji sungorego kuom gik ma gin-go, ok a kuom Wuoro, to gin mana mag pinyni.[17] Piny kadho kaachiel gi gombone, to ng’ama timo gima Nyasaye dwaro to osiko nyaka chieng’. |
|
| Efeso 4:31 |
| Kuom mano, weuru kecho, gi mirima, gi ichwang’, gi dhaw, gi ayany, kod himruok duto. |
|
| Rumi 12:9 |
| Herau mondo obed maonge miganga. Beduru mosin gi gik maricho, to sikuru kuom gik mabeyo. |
|
| Luka 6:27-28 |
| [27] “To un joma winjo wachna, awachonu ni, nyaka uher wasiku, kendo utim maber ni joma mon kodu.[28] Guedhuru joma kuong’ou, bende lamuru Nyasaye ni joma yanyou. |
|
| Mathayo 5:23-24 |
| [23] Omiyo ka idhi chiwo ni Nyasaye mich e kendo-mar-misango, to iparo gi kuno ni wadu moro ni kodi gi wach,[24] to nyaka iwe michno e nyim kendo-mar-misango kanyo, mi idhi ir waduno piyopiyo mondo ikwong ilos kindi kode. Eka idwogi, ichiw michno. |
|
| 1 Johana 3:14-15 |
| [14] Wang’eyo ni wasea e tho, mi wadonjo e ngima. Wangeyo kamano nikech wahero owete. Ng’at ma ok ohero wadgi to osiko e tho.[15] Ng’at mamon gi wadgi en janek, to ung’eyo ni janek onge gi ngima ma nyaka chieng’ kuome. |
|
| 1 Johana 4:19-20 |
| [19] Nyasaye ema noherowa mokwongo, mano emomiyo wahere kaachiel gi ji mamoko bende.[20] Ka ng’ato wacho ni ohero Nyasaye to omon gi owadgi, to ojamriambo, nikech ok nyal bet ni ng’ama ok ohero owadgi ma oneno, nyalo hero Nyasaye mapok oneno. |
|
| Luo Bible 2015 |
| Bible Society of Tanzania |