A A A A A

Life: [Beauty]


1 Petro 3:3-4
[3] Kik ulosru maber mana ni mondo oneu, kukado yie wiu maber, kendo kurwako tigo mag dhahabu kod lewni mabeyo.[4] To beyou onego obed mana mar chuny. En ber ma ok rum, kendo mamuol, kendo modembore, kendo ma nengone tek e nyim Nyasaye.

2 Korintho 4:16
Kuom mano, chunywa ok nyosre. Kata obedo ni ringrewa rumo, to chunywa iloso manyien pile ka pile,

Efeso 2:10
Wan chuech manyien mar Nyasaye. Nochueyowa kuom Kristo Yesu mondo wabed joma timo timbe mabeyo, mane Nyasaye owuon oikonwa mondo watim.

Filipi 4:8
To wach mogik, owetena, paruru weche duto mabeyo kendo mowinjore yud pak, kaka: weche madiera, weche makelo pak, weche makare, weche maler, weche malong’o, kod weche mang’won.

Rumi 8:6
to joma timo gik ma Roho dwaro, paro mana weche mag Roho, kendo mano kelo ngima kod kue.

Mathayo 6:28-29
[28] Ere gima omiyo uparoru kuom lewni? Parieuru kaka ondanyo mae thim dongo. Ok giti gimoro, bende ok gitwang’ lewni ma girwako,[29] to awachonu ni kata mana Solomon gi mwandune duto mathothgo ne ok nyal rwakore maber ka ondanyo.

1 Timotheo 2:9-10
[9] Mon bende onego rwakre gi lewni mowinjore, ka gibidhore kendo giritore kare. Rwakruokgi kik bed mana mar kado wich, kata mar dhahabu, kata kite mabeyo, kata lewni ma nengogi tek,[10] to onego girwakre gi timbe mabeyo kaka owinjore gi mon ma wacho ni oluoro Nyasaye.

Galatia 3:26-27
[26] nimar kuom yie uduto un nyithind Nyasaye kuom Yesu Kristo.[27] Un uduto osebatisu kuom Kristo, mi urwako Kristo owuon ka nanga.

Jakobo 1:23
Ng’at ma winjo wach awinja to ok tim, chalo gi ng’at mang’iyore e rang’i.

Mathayo 23:28
Kamano e kaka un bende unenoru gi oko ni un joma kare, to chunyu opong’ gi gango wach kod timbe maricho.

Luo Bible 2015
Bible Society of Tanzania