| Johana 14:6 |
| Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma. |
|
| Jakobo 1:12 |
| Ng’at ma nano ka iteme en jahawi, nikech koseloyo tem to noyud osimbo mar ngima ma Ruoth nosingore ni nomi jogo mohere. |
|
| Johana 6:54 |
| Ng’at ma ochamo ringra, kendo omadho remba, nigi ngima ma nyaka chieng’, kendo anachiere chieng’ giko piny. |
|
| Johana 11:25-26 |
| [25] Yesu nowachone niya, “An e chier, kendo an e ngima. Ng’ato ang’ata moyie kuoma nodok mangima, kata obedo ni osetho,[26] kendo ng’at mangima moyie kuoma ok notho nyaka chieng’. Bende iyie wachni koso?” |
|
| Johana 6:51 |
| An e kuon mangima mane olor oa e polo. Ng’at mochamo kuonni nobed mangima nyaka chieng’. To bende kuon ma abiro chiwo mondo piny oyud ngima en ringra.” |
|
| Fweny 21:27 |
| To gimoro amora ma ok ler, kata ng’at matimo gik mamono, kata mariambo, ok nodonjie ngang’ to mak mana jogo ma nyinggi ondiki e kitap Nyarombo mar ngima. |
|
| Luo Bible 2015 |
| Bible Society of Tanzania |