| Johana 15:12-13 |
| [12] Chik ma amiyou e ma: herreuru mana kaka aherou.[13] Onge hera maduong’ ma ng’ato nyalo herogo osiepne, moloyo chiwonigi ngimane. |
|
| 1 Timotheo 5:8 |
| Ka ng’ato ok nyal rito wedene, to moloyo ka ok onyal rito joode, to en ng’at mosekwedo yie marwa, kendo orach moloyo ng’at ma ok oyie. |
|
| Efeso 6:4 |
| Un wuone, kik utim ni nyithindu gik ma dimi mirima makgi, to pidhgiuru kuchikogi kendo upuonjogi e yor Kristo. |
|
| Mathayo 12:48-50 |
| [48] To Yesu nodwoke ni, “Mama en ng’a? Koso owetena to ng’a gini?”[49] Bang’ mano nosiemo jopuonjrene gi lwete, kowacho niya, “Neuru, magi e mama kod owetena,[50] nimar ng’ato ang’ata matimo gima Wuora mae polo dwaro e owadwa, gi nyamera, kod mama.” |
|
| Mathayo 19:18-19 |
| [18] To wuowino nomedo penje ni, “Gin chike mage monego ariti?” Yesu nodwoke niya, “Kik ineki, kik iterri, kik ikwal, kik ihang wach,[19] luor wuoru gi meru, kendo her wadu kaka iherori iwuon.” |
|
| Kolosai 3:13 |
| Beduru jogo ma ng’wono ni joma timonigi marach, to kik ubed joma mako sadha gi jowadgi. Ruoth oseweyonu richou, omiyo un bende nyaka uwe ni joma timonu marach. |
|
| Galatia 6:10 |
| Emomiyo, kinde moro amora mwayudoe thuolo, to ber mondo watim ni ji duto maber, to moloyo ni jogo ma owetewa kuom yie. |
|
| 1 Korintho 15:33-34 |
| [33] Kik wuondu! Osiepe maricho ketho timbe mabeyo.[34] Beduru gi rieko mondo uwe timo richo. Jomoko kuomu kia Nyasaye. Awacho kamano mondo akuodgo wiu! |
|
| 1 Korintho 15:33 |
| Kik wuondu! Osiepe maricho ketho timbe mabeyo. |
|
| Luka 11:13 |
| Koro ka un joma richo kama, ema ung’eyo miyo nyithindu gik mabeyo, to Wuonu mae polo donge dibed mamor moloyo kuom chiwo Roho Maler ni joma okwaye?” |
|
| Luo Bible 2015 |
| Bible Society of Tanzania |