|
|
| 1 Korintho 16:14 |
| Bende gik moko duto mutimo, timuru gi hera. |
|
| 1 Johana 4:8-18 |
| [8] To ng’at maonge gi hera ok ong’eyo Nyasaye, nikech Nyasaye en hera.[9] Nyasaye nyisowa hera moherowago kuom oro Wuode ma miderma e piny ni mondo wayud ngima kuome.[10] To hera maradier ok en hera mane waherogo Nyasaye, to en hera mane Nyasaye oherowago kuom oro Wuode ma miderma mondo odok misango mar golo richowa.[11] Osiepena, ka kamano e kaka Nyasaye noherowa, to owinjore wan bende waherre.[12] Kata obedo ni nyaka nene onge ng’at moseneno Nyasaye, to ka waherore waduto, to Nyasaye osiko e iwa, kendo herane chopo tichne kuomwa chuth.[13] Wang’eyo ni wasiko kuom Nyasaye, kendo ni Nyasaye bende osiko kuomwa, nikech osemiyowa Roho mare.[14] Waseneno ni Wuoro nooro Wuode mondo obed Jawar mar piny, kendo wanyiso ji wachno.[15] Ka ng’ato oyie ni Yesu en Wuod Nyasaye, Nyasaye osiko e iye, kendo en bende osiko ei Nyasaye.[16] Wang’eyo hera ma Nyasaye oherowago, kendo wageno kuom herano. Nyasaye en hera kendo ng’at mosiko ei hera, osiko ei Nyasaye, kendo Nyasaye osiko e iye.[17] Ka hera malong’o opong’o chunywa, to wanyalo bedo gi chir Chieng’ Bura, nikech ngimawa e pinyni chalo gi mar Kristo.[18] Luoro onge ei hera, kendo hera maradier riembo luoro. Luoro en kum, omiyo ka ng’ato nigi luoro, to pok ochopo e hera maradier. |
|
| Johana 3:16 |
| Nyasaye nohero piny ahinya kama, omiyo nochiwo Wuode ma miderma mondo ng’ama oyie kuome kik lal, to obed gi ngima ma nyaka chieng’. |
|
| 1 Petro 4:8 |
| To moloyo nyaka uherru gi chunyu duto, nikech hera miyo iweyo ni ji richo mang’eny. |
|
| Kolosai 3:14 |
| To ewi mago duto, to beduru gi hera, nikech hera ema riwo gik moko duto bedo achiel chuth. |
|
| Johana 13:34-35 |
| [34] Amiyou chik manyien ni mondo uherru. Kaka aseherou e kaka ng’ato ka ng’ato mondo oher wadgi.[35] Ka uheroru kamano, to ji duto biro ng’eyo ni un jopuonjrena adier.” |
|
| Johana 15:13 |
| Onge hera maduong’ ma ng’ato nyalo herogo osiepne, moloyo chiwonigi ngimane. |
|
| 1 Korintho 13:13 |
| To gik moko adek ema osiko. Gin yie, gi geno, kod hera; to gima duong’ moloyo kuomgi en hera. |
|
| 1 Johana 4:19 |
| Nyasaye ema noherowa mokwongo, mano emomiyo wahere kaachiel gi ji mamoko bende. |
|
| 1 Johana 4:7 |
| Osiepena, waherreuru, nimar hera en mar Nyasaye, omiyo ka ng’ato nigi hera, to en nyathi Nyasaye. |
|
| Luo Bible 2015 |
| Bible Society of Tanzania |