A A A A A

Bad Character: [Judgmental]


1 Korintho 4:5
Omiyo kik ung’ad ni ng’ato bura ka kinde moketi pok ochopo, to rituru biro mar Ruoth, nikech en ema nogol e lela weche mopandi e mudho, kendo noel paro mag chuny dhano. Eka Nyasaye nomi ng’ato ka ng’ato pak mowinjorego.

1 Korintho 11:31
Ka da wanonre wawegi mokwongo, to ok dwayud bura.

2 Korintho 5:10
nikech waduto nyaka wachung’ e nyim kom bura mar Kristo, mondo ng’ato ka ng’ato oyud pok moromo gi gik mabeyo kata maricho mane otimo kapod en e ringruok.

2 Petro 2:4
Nyasaye ne ok oweyo malaika mane oketho mak okumo, to nowitogi e mach ma ok tho, kuma otuegie e mudho gi nyororo ka girito Chieng’ Bura.

Tich Joote 17:31
nimar oseketo chieng’ ma obiro miyo ng’at moseyiero ng’adoe bura gi adiera. Bende osenyiso ji duto malong’o ni obiro timo kamano, kuom chiero ng’atno a kuom joma otho.”

Hibrania 9:27
Ng’ato ka ng’ato nyaka tho mana dichiel kende, to bang’ mano Nyasaye yale.

Johana 12:48
To ng’at modaga, kendo ma ok oyie wechena, nigi jang’adne bura. Wach ma asewacho ema nong’adne bura chieng’ giko piny,

Mathayo 12:36
“Awachonu ni, Chieng’ Bura, ng’ato ka ng’ato nodwok wach kuom weche manono duto mosewacho.

Mathayo 24:36
“To onge ng’ama ong’eyo chieng’ ma gigo notimre, kata sa ma ginitimree. Kata malaika mae polo, kata mana Wuowi ok ong’eyo to Wuoro kende ema ong’eyo.

Fweny 21:4
Enoywe pi wang’gi duto, kendo tho kata ywak kata nduru kata rem ok nochak obedie nikech gik machon noserumo.”

Rumi 2:16
Kamano e kaka notimre chieng’ ma Nysaye nomi Yesu Kristo yalie weche mopondo duto manie chuny dhano. Mano e kaka Wach Maber ma alando nyiso.

Fweny 20:11-15
[11] Eka ne aneno kom duong’ mang’ongo marachar kod jal mobetie. Piny gi polo noringo oa e nyime mi olal nono.[12] Bende ne aneno joma otho, madongo gi matindo, kochung’ e nyim kom duong’, kendo noel kitepe. Eka kitabu machielo, ma en kitap ngima bende noel. Joma otho nong’adnigi bura kuom gik mane gitimo, kaluwore gi weche mane ondik e kitepego.[13] Nam nogolo joma otho manie iye, kendo Tho gi Piny Joma Otho, bende nochiwo joma otho manie igi, kendo ng’ato ka ng’ato nong’adne bura kuom gik mane osetimo.[14] Eka Tho gi Piny Joma Otho ne owit e ataro mar mach. Ataro mar machno en tho mar ariyo.[15] Ng’ato ang’ata mane nyinge ok onwang’ kondik e kitap ngima, ne owit e ataro mar mach.

Luo Bible 2015
Bible Society of Tanzania