A A A A A

Additional: [Halloween]

1 Johana 1:5
Ọnwan wụ ozi hụ ẹnyi nụ ọnụ a, hụn ẹnyi rị nwan e zi ụnụ: nị Osolobuẹ wụ ukpẹ, ọ nwọnni ishi rị imẹ ẹ—kaka.

1 Petro 5:8
Beduru motang’ kurito, nikech jasiku ma Satan bayo kuonde duto ka sibuor magoyo asumbi, ka dwaro ng’ama dongam!

2 Korintho 11:14
To mano ok en gima bwogo ng’ato, nikech kata mana Satan bende riasore ni en malaika mar ler.

3 Johana 1:11
Osiepna, kik iluw tim marach, to luw tim maber. Ng’at matimo maber en ng’at Nyasaye, to ng’at matimo marach, to pok oneno Nyasaye.

Rumi 14:9
nikech Kristo notho kendo ochier modoko mangima mondo obed Ruodh joma otho gi joma ngima.

Rumi 12:2
Kik uluw timbe mag pinyni, to lokreuru mondo parou odok manyien, eka ubiro ng’eyo gik ma Nyasaye dwaro. Gin gik mabeyo kendo malong’o ma Nyasaye oyiego.

Galatia 5:19-21
[19] Timbe mag ngima dhano nenore ratiro. Gin terruok, tim ma ok ler, anjawo,[20] lamo nyiseche manono, jwok, sigu, dhaw, nyiego, mirima, ichlit, miero, pogruok e kanyakla,[21] gombo, mer, dwanyruok, kod gik moko machal kamago. To asiemou, kaka nasiemou chon ni, joma timo gik ma kamago ok noyud gueth mar Loch Nyasaye.

Rumi 8:38-39
[38] nimar ang’eyo malong’o ni onge gima nyalo pogowa gi hera ma oherowago, bed ni en tho kata ngima, kata malaika kata joloch mag polo,[39] kata gik manie wiwa malo kata gik manie bwowa piny, kata gimoro amora manadi mochue. Adier, onge gima nyalo pogowa gi hera mar Nyasaye, moherowago kuom Kristo Yesu Ruodhwa.

Tito 1:15
Gik moko duto ler ni joma ler, to onge gimoro kata achiel maler ni joma okethore, kendo ma ok oyie. Parogi kod chunygi okethore.

1 Thesalonika 5:22
to weuru maricho duto.

Efeso 6:12
nimar wasigu mwakedogo ok gin dhano, to wakedo gi joloch gi joma nigi teko, kod ruodhi mag piny motimo mudhoni, kaachiel gi lang chuny maricho ma ok mag pinyni.

Mathayo 12:43-45
[43] “Ka jachien marach osewuok kuom ng’ato, to owuotho kuonde motwo ma pi ongee, kodwaro kar yueyo, to ok oyudi.[44] Bang’e owacho niya, ‘We adog e oda, kuma ne aaye.’ Kuom mano odok, to oyudo ka ot ni nono, kendo oywe, mi olos maber.[45] Eka owuok odhi oomo jochiende mamoko abiriyo maricho moloye, kendo gidonjo mi gidag e odno. Kamano achien ngima ng’atno doko marach moloyo kaka ne en chon. Mano bende e kaka notimre ni tieng’ marachni.

Efeso 5:15-16
[15] Emomiyo tang’uru ahinya kaka onego ubedi. Kik ubed ka joma ofuwo, to beduru ka joma riek.[16] Kik uketh kinde ma un-go, nikech ndalogi gin ndalo mag richo.

Luo Bible 2015
Bible Society of Tanzania