A A A A A

Sins: [Hate]


1 Jean 1:6
Soki tolobi ete tozali lisanga elongo na ye, mpe tozali kaka kotambola kati na molili, wana tozali bato ya lokuta mpe tosalelaka solo te.

1 Jean 2:9-17
[9] Moto oyo alobaka ete azali kati na moi, kasi ayinaka ndeko na ye, azali naino kati na molili.[10] Moto oyo alingaka ndeko na ye, azali kati na moi, mpe azali na eloko moko te kati na ye oyo ekoki kobetisa ye libaku.[11] Kasi moto oyo ayinaka ndeko na ye, azali kati na molili mpe azali kotambola kati na molili; ayebi te epai azali kokende, pamba te molili ebomi miso na ye.[12] Bana, nakomeli bino, mpo masumu na bino esiʼelimbisama na kombo ya Kristo.[13] Batata, nakomeli bino, mpo boyebi moto oyo azali wuta na ebandeli. Bilenge, nakomeli bino, mpo bosiʼbolonga moto mabe.[14] Bana, nakomeli bino mpo boyebi Tata. Batata, nakomeli bino mpo boyebi moto oyo azali wuta na ebandeli. Bilenge, nakomeli bino mpo bozali makasi, mpe Liloba ya Nzambe ezali kati na bino, mpe bosiʼbolonga molimo mabe.[15] Bolinga mokili te, ata biloko oyo ezali kati na mokili. Soki moto alingi mokili, bolingo ya Tata ezali kati na ye te.[16] Pamba te, biloko nyonso oyo ezali na mokili: baposa mabe ya mosuni, baposa mabe ya miso, na lofundu oyo tomipesaka mpo na biloko, nyonso wana ewutaka na Tata te, kasi ewutaka na mokili.[17] Nzokande mokili na baposa na yango ezali koleka, kasi moto oyo asalaka mokano ya Nzambe azali na bomoi libela na libela.

ÉphÈsefue 4:31
Tika ete makambo nyonso ya bololo, kosilika, kanda, kongala, kofinga, elongwa kati na bino, ndenge moko mpe na makambo nyonso ya mabe.

Romefue 12:9
Tika ete bolingo ezala na lokuta te. Boyina makambo ya mabe mpe bokangama makasi na makambo ya malamu:

Luc 6:27-28
[27] —Kasi nalobi boye na bino baoyo bozali koyoka ngai: Bolinga banguna na bino, bosala makambo ya malamu na bato oyo bayinaka bino.[28] Bopambola bato oyo balakelaka bino mabe, mpe bobondelaka mpo na baoyo banyokolaka bino.

Matthieu 5:23-24
[23] Lisusu, soki otelemi liboso ya mesa ya makabo mpo na kopesa makabo, mpe okanisi na mbala moko ete ndeko na yo azali na likambo na yo,[24] tika makabo na yo wana, liboso ya mesa, mpe kende naino koyokanana ndeko na yo; bongo yaka kopesa makambo na yo.

1 Jean 3:14-15
[14] Toyebi ete tosiʼtolongwa wuta na liwa mpe tokoma na bomoi, pamba te tolingaka bandeko na biso. Moto oyo alingaka ndeko na ye te, azali kati na kufa.[15] Moto oyo ayinaka ndeko na ye, azali mobomi, mpe boyebi ete ata mobomi moko te azali na bomoi ya seko kati na ye.

1 Jean 4:19-20
[19] Tozali na bolingo, mpo Nzambe alingaki biso liboso.[20] Soki moto alobi: “Nalingaka Nzambe”, mpe azali koyina ndeko na ye, azali moto ya lokuta. Pamba te moto oyo alingaka ndeko na ye teoyo ye amonaka, bongo ndenge nini akoki kolinga Nzambe oyo ye amonaka te?

Lingala Bible 2002
Copyright © 2002 by Biblica, Inc.®