A A A A A

Bad Character: [Fear]


Jean 14:27
Natikeli bino kimia; napesi bino kimia na ngai; napesi bino yango te ndenge mokili epesaka. Botika mitema na bino emitungisa te mpe bobanga te.

Matthieu 6:34
Yango wana, bomitungisa te mpo na mokolo ya lobi; pamba te, mokolo ya lobi ekomitungisa na makambo na yango, yango moko. Mokolo na mokolo ezali na pasi oyo ekoki na yango!

Romefue 8:38-39
[38] Pamba te, nazali kondima ete ezala kufa to bomoi, ba-anjelu to milimo mabe, makambo ya mikolo oyo to makambo oyo ekoya, banguya ya ndenge na ndenge,[39] banguya ya likolo to ya se ya mabele, to eloko mosusu oyo Nzambe akela: eloko moko te ekoki kokabola biso na bolingo ya Nzambe, kati na Klisto Yesu, Nkolo na biso.

1 Pierre 5:6-7
[6] Yango wana, bomikitisa na nse ya loboko ya nguya, oyo ya Nzambe, mpo akoka kotombola bino na tango oyo ekoki.[7] Bobwaka epai na ye makambo nyonso oyo etungisaka bino, Pamba te ye moto abatelaka bino.

2 Timothée 1:7
Pamba te, Molimo oyo Nzambe apesaki biso ekomisaka biso bato ya kobanga te; kasi Molimo oyo etondisaka biso na nguya, na bolingo, mpe na koyeba komibatela.

Matthieu 10:28
—Bobanga te bato oyo bakoki koboma nzoto, kasi bakoki te koboma elimo na bino. Kasi bobanga kaka ye oyo akoki koboma nzoto na elimo, na lifelo.

Romefue 8:15
Pamba te, bozwaki te molimo oyo ekomisaka bino bawumbu mpo ete bozala na kobanga, kasi bozwaki Molimo oyo akomisaka bino bana ya Nzambe. Mpe ezali na nzela ya Molimo wana nde togangaka: “Tata!”

1 Corinthefue 16:13
Bosenzela, botelema ngwi na kondima, bozala bato ya mpiko mpe ya makasi.

Hébreu 13:5-6
[5] Bozala na lokoso ya mbongo te, mpe bosepelaka na oyo bozali na yango. Pamba te Nzambe alobaki: nakotika yo te, nakosundola yo te![6] Bongo tokoki koloba na elikya nyonso: Nkolo azali mosungi na ngai, nakobanga eloko moko te. Bongo batu bakoki kosala ngai nini?

1 Jean 4:18
Na bolingo, kobanga ezalaka te. Kasi bolingo oyo ezali ya kokokaelongolaka kobanga, pamba te kobanga ememaka mitungisi elongo na yango. Mpe moto oyo abangaka azali naino ya kokoka te kati na bolingo.

1 Pierre 3:13-14
[13] Nani akosala bino mabe, soki bozali na posa monene mpo na kosala malamu?[14] Mpe ata soki esengeli ete bomona pasi mpo na likambo oyo ezali sembo, boyeba ete bozali bato ya esengo. Bobanga bato te, mpe bozala mitema likolo te.

Lingala Bible 2002
Copyright © 2002 by Biblica, Inc.®