A A A A A

Bad Character: [Revenge / Vengeance]


1 Pierre 3:9
Bozongisa mabe na mabe te, to kofinga na kofinga, nzokande bopambolaka, Pamba te Nzambe abenga bino mpo na yango, mpo ete bozwa lipamboli.

1 Thessaloniquefue 5:15
Bokeba, ete moto moko te azongisa mabe na mabe, kasi bolukaka tang nyonso makambo ya malamu, kati na bino, mpe epai ya bato nyonso.

2 Corinthefue 13:11
Bandeko na ngai, nasukisi mokanda na ngai na maloba oyo: bozala na esengo. Boluka kokoma bato ya kokoka. Bolendisanaka bino na bino. Bozala na likanisi moko. Bozalaka na kimia. Bongo, Nzambe ya bolingo mpe ya kimia akozala na bino elongo.

2 Thessaloniquefue 1:8
Akopesa etumbu na baoyo bayebi Nzambe te mpe bazali kotosa te Sango Malamu ya Nkolo na biso Yesu.

Hébreu 10:30
Pamba te toyebi ye oyo alobaki: Ngai moto nakozongisa mabe; mpe ngai moto nakofuta. Mpe lisusu: Nkolo akosambisa bato na ye.

Marc 11:25
Mpe tango botelemi mpo na kobondela, soki bozali na likambo na moto mosusu, bolimbisa ye, mpo ete Tata na bino oyo azali na Likolo, alimbisa masumu na bino.

Romefue 12:18-19
[18] Soki ekoki kosalama, wana bozali na makoki, bozala na kimia na bato nyonso.[19] Baninga na ngai, boluka kozongisa mabe na mabe bino moko te, kasi botika nzela na kanda na Nzambe ete esala, pamba te ekomama: “Ezali Ngai nde nazongisaka mabe na mabe; Ngai nde nafutaka moto na moto oyo ekoki na ye,” elobi Nkolo Yawe.

Romefue 13:4
Pamba te, mokonzi azali mosali na Nzambe mpo na bolamu na yo. Kasi soki ozali kosala mabe, banga, pamba te asimbaka mopanga na pamba te. Azali mosali na Nzambe, mpo na kolakisa kanda na Nzambe likolo ya baoyo basalaka mabe.

Matthieu 18:21-22
[21] Bongo Piere ayaki epai ya Yesu mpe atunaki: —Nkolo, mbala boni nasengeli kolimbisa ndeko na ngai oyo asalaka ngai mabe? Ekoki kozala mbala sambo?[22] Yesu azongisaki: —Nalobi na yo te kino mbala sambo, kasi kino mbala tuku sambombala sambo!

Matthieu 5:38-39
[38] —Boyokaki balobaki ete: “Soki moto atoboli liso ya moninga, ye mpe bakotobola oyo ya ye. Soki moto abuki lino ya moninga, ye mpe bakobuka oyo ya ye”.[39] Kasi ngai nalobi na bino: botia tembe te na moto oyo alingi kosala bino mabe; kutu soki moto abeti yo mbata na litama ya mobali, pesa ye mpe oyo mosusu.

Luc 6:27-28
[27] —Kasi nalobi boye na bino baoyo bozali koyoka ngai: Bolinga banguna na bino, bosala makambo ya malamu na bato oyo bayinaka bino.[28] Bopambola bato oyo balakelaka bino mabe, mpe bobondelaka mpo na baoyo banyokolaka bino.

ÉphÈsefue 4:31-32
[31] Tika ete makambo nyonso ya bololo, kosilika, kanda, kongala, kofinga, elongwa kati na bino, ndenge moko mpe na makambo nyonso ya mabe.[32] Bozala bato ya malamu moko epai ya mosusu, bozala bato ya motema mawa, mpe bolimbisana moko na moko, ndenge Nzambe mpe alimbisa bino kati na Kristo.

1 Pierre 2:21-23
[21] Ezali mpo na yango nde Nzambe abengaki bino, Pamba te, Kristo mpe anyokwamaki mpo na bino, mpe atikelaki bino ndakisa, mpo ete bolanda banzela na ye.[22] Ye asalaki ata lisumu moko te, mpe monoko na ye elobaki lokuta te.[23] Tango bafingaki ye, azongisaki na kofinga te. Tango banyokolaki ye, akanelaki moto moko te; kasi amitikaki na maboko ya Nzambe, ye oyo asambisaka na bosembo nyonso.

Romefue 12:17-21
[17] Bozongisa mabe na mabe te, boluka tango nyonso kosala makambo malamu na bato nyonso.[18] Soki ekoki kosalama, wana bozali na makoki, bozala na kimia na bato nyonso.[19] Baninga na ngai, boluka kozongisa mabe na mabe bino moko te, kasi botika nzela na kanda na Nzambe ete esala, pamba te ekomama: “Ezali Ngai nde nazongisaka mabe na mabe; Ngai nde nafutaka moto na moto oyo ekoki na ye,” elobi Nkolo Yawe.[20] Nzoka nde: “soki monguna na yo azali na nzala, pesa ye bilei, soki azali na posa ya mayi, pesa ye mayi ya komela. Pamba te, soki osali bongo, ezali lokola ozali kotia makala ya moto na moto na ye.”[21] Kotika te ete mabe elonga na yo, kasi luka kolonga mabe na nzela ya kosala malamu.

Matthieu 5:40-45
[40] Soki moto alingi kofunda yo mpe kozwa simisi na yo, pesa ye mpe kazaka na yo.[41] Soki moto atindi yo na makasi otambola kilometele moko, yotambola na ye bakilometele mibale.[42] Pesa na moto asengi yo, mpe koboya te kodefisa moto oyo alingi kodefa epai na yo.[43] Bayokaki balobaki ete: “linga moninga na yo mpe yina monguna na yo”.[44] Kasi ngai nalobi na bino: bolinga banguna na bino mpe bosambela mpo na baoyo banyokolaka bino![45] Na ndenge wana nde, bokozala bana ya Tata na bino oyo azali na likolo. Pamba te, ye angengisaka moi na ye likolo ya bato ya malamu mpe likolo ya batu mabe; anokisaka mbula na ye likolo ya bato na sembo mpe likolo ya bato oyo bazali sembo te.

Lingala Bible 2002
Copyright © 2002 by Biblica, Inc.®