A A A A A

Bad Character: [Betrayal]


Matthieu 27:3-4
[3] Yuda oyo atekaki Yesu, tango amonaki ete bakateli Yesu etumbu, ayokaki pasi mingi na motema, mpe akendaki kozongisa mbongo ya bibendentuku misato wana na bakonzi ya banganga-Nzambe mpe na bampaka.[4] Bongo alobaki na bango: —Nasali lisumu mpo nateki moto oyo azangi likambo! Kasi bango bazongisaki: —Etali biso te! Etali yo moko!

Matthieu 6:14-15
[14] Pamba te soki bolimbisi bato mabe na bango, Tata na bino ya Likolo akolimbisa bino mpe.[15] Kasi soki boboyi kolimbisa bato mabe na bango, Tata na bino mpe akolimbisa bino te.

Marc 11:25
Mpe tango botelemi mpo na kobondela, soki bozali na likambo na moto mosusu, bolimbisa ye, mpo ete Tata na bino oyo azali na Likolo, alimbisa masumu na bino.

Matthieu 7:12
—Makambo nyonso oyo bolingaka ete bato mosusu basalela bino, bosala yango mpe ndenge moko mpo na baninga. Pamba te, oyo nde mateya ya Mibeko mpe ya baprofeta.

Hébreu 4:15
Pamba te, tozali na mokonzi ya banganga-Nzambe oyo akoki kosangana na bapasi na biso; tozali na ye moko oyo amekamaki na makambo nyonso lokola biso mpe tozali komekama, kasi asalaki masumu te.

Romefue 3:23
bato nyonso basali masumu mpe bazangi nkembo ya Nzambe,

Lingala Bible 2002
Copyright © 2002 by Biblica, Inc.®