A A A A A

Additional: [Piercings]


1 Corinthefue 9:27
Kasi nakonzaka nzoto na ngai mpe nakomisaka yango lokola mowumbu, pamba te nabangaka ete sima ya koteya bato mosusu, ngai moko nazanga mbano.

1 Corinthefue 15:44
ekokundama nzoto ya bomoto, kasi ekosekwa nzoto ya molimo. Soki nzoto ya bomoto ezali, nzoto ya molimo mpe ezali.

2 Timothée 3:16
Pamba te, Makomi nyonso ekomama na nguya ya Nzambe, mpe ezalina tina mingi mpo na koteya bato, mpo na kopamela bato, mpo na kobongisa bato, mpe mpo na kolakisa bato ete batambola na bomoi ya malamu,

Matthieu 5:18
Nalobi na bino ya solo, kino likolo mpe nse ekoleka, ata likomi moko te ya moke, ata oyo ya moke penza ekolongwa na Mibeko kino tangomakambo nyonso ekokisama.

1 Pierre 3:3-4
[3] Kitoko na bino esengeli te ewuta na biloko oyo emonanaka na miso: lokola, kokanga suki, kolata babizu ya wolo to bilamba ya kitoko.[4] Kasi ebongi malamu ete kitoko na bino ewuta na kati ya mitema: kitoko oyo esilaka te, oyo ya molimo ya boboto mpe ya kimia, oyo ezali na motuya mingi na miso ya Nzambe.

1 Corinthefue 3:16-17
[16] Boni, boyebi te ete bozali Tempelo ya Nzambe mpe ete Molimo ya Nzambe avandaka kati na bino?[17] Soki moto abebisi Tempelo ya Nzambe, Nzambe mpe akoboma ye, pamba te Tempelo na Ye ezali bule, bongo bino bozali nde Tempelo yango.

1 Corinthefue 6:19-20
[19] Boyebi te ete nzoto na bino ezali ndako ya Molimo Mosantu, oyo azali kati na bino, oyo bozwaki wuta na Nzambe? Mpe bozali ya bino moko te;[20] pamba te, basombaki bino na talo mingi penza. Yango wana, bopesa Nzambe nkembo na nzoto na bino.

Lingala Bible 2002
Copyright © 2002 by Biblica, Inc.®