A A A A A

Additional: [Abundance]


1 Timothée 5:8
Soki moto ayebi kosunga bato na ye te, mpe koleka kutu baoyo ya libota na ye moko, moto ya ndenge wana asiʼabwaka kondima mpe azali moto mabe koleka kutu moto oyo azangi kondima.

2 Corinthefue 9:8
Nzambe azali na makoki ya kotondisa bino na mapamboli ya lolenge nyonso, mpo ete na tango nyonso mpe kati na makambo nyonso, bozwa biloko oyo bozali na yango posa, mpe bozala lisusu na oyo bokosala na yango misala nyonso ya malamu, ndenge ekomama:

ÉphÈsefue 3:20
Sikʼoyo, epai na ye oyo akoki kosala na mingi penza, koleka nyonso oyo tosengaka to tokanisaka, na nzela ya nguya na ye oyo esalaka kati na biso,

Jacques 1:17
bolamu nyonso mpe likabo nyonso ya kitoko ewutaka na Likolo, wuta na Tata ya moi, kati na ye oyo mbongwana ezali te to mpe elilingi ya mbongwana.

Jean 10:10
Moyibi ayaka kaka mpo na koyiba, koboma, mpe kobebisa. Kasi ngai nayaki mpo ete bazwa bomoi, mpe bazwa yango ya mingi penza.

Luc 6:38
Bopesa, mpe bakopesa bino: bakotia na basaki na bino biloko oyo ekoki penza, oyo bafini malamu, baningisi malamu, mpe oyo ebandi kosopana; pamba te bakozongisela bino, kaka ndenge bino mpe bopesaka baninga.

Luc 6:45
Moto malamu abimisaka makambo ya malamu oyo ewutaka na bomengo ya malamu ya motema na ye; mpe moto mabe abimisaka makambo ya mabe oyo ewutaka na bomengo ya mabe ya motema na ye. Pamba te, monoko ya moto elobaka wuta na makambo oyo etondi na motema na ye.

Matthieu 6:33
Boluka liboso Bokonzi ya Nzambe mpe bosembo na ye, bongo biloko wana nyonso bakobakisela bino yango.

Philippesfue 4:19
Mpe Nzambe na ngai akokokisa baposa na bino, na ndenge ya nkembo ya bomengo na ye, kati na Kristo Yesu.

Romefue 15:13
Tika ete Nzambe oyo apesaka elikya, atondisa bino na esengo mpe na kimia, na nzela ya kondima, mpo ete botonda na elikya na nguya ya Molimo Mosantu.

Lingala Bible 2002
Copyright © 2002 by Biblica, Inc.®