A A A A A

Life: [Infertility]


Hébreu 11:11
Sara kusu Nyanmien su b'o lafi'n ti, o nin i kpenngben bobo bo wa yô'n, o meen i fanngan man o wuu ba, afin o si ke Nyanmien b'o kan ke oh yôh sa so'n men'n o ti nanwlefue.

1 Corinthefue 3:16
?An si'a ke an ti Nyanmien Kpli'n i sua bo i nun ye i Wawe'n traan?

Jacques 1:17
Liké kpa kwlaa nga bé fa man swran'n, nin liké kpa kwlaa nga bé nyen'n, bé fin é Si b'o ô nglô lo, b'o yii anglô'n, nin nzraama, nin wia'n bo bé kpadya'n. I lie'n o katyi'a mlonmlon, o kpe'e i wun ke lôle b'o kpe i wun'n sa.

Jean 16:33
N ken i kwlaa so'n kléé amun nan amun wun dyo amun fouun swran wunmuan bo min nin amun ya katyi'n ti. Amun wa wun amun nyin su kpa, sannge anh tra amun awlen, men nga nun wa'n min ye n kwlaa.

Marc 11:24
I so'n ti, nh kanh klé amun ke, liké kwlaa nga an sre'n, anh lafi su ke amuan nyen, o wa fa man amun.

Philippesfue 4:13
Christ b'o wla n fanngan'n ti, n kwla liké'n kwlaa yô.

Romefue 12:12
Amun nyin b'o ô é Min'n i sin'n ti, anh gua amun wla asé. Se sa to amun su'n, anh tra amun awlen. Amun nin Nyanmien anh kôkô yale titi, nanh amun kponzo.

Luc 1:36-37
[36] Nian Élisabeth b'o ti o ôsufue'n, wa wunnze i kpenngben ba, bla so'n bo bé flee klun kpanfue'n, wa wunnze, i anglô nsien ye.[37] Afin sa kwlaa nga Nyanmien waan oh yôh'n o kwle i yô.

Romefue 5:3-5
[3] Nenh i so ngunmin ti ye é wun blibli yéo, sannge sa ng'o to é su'n kusu o man é klun dyo ékun, afin é si ke nyrennen wunle'n man é katyi swran b'o tre i awlen,[4] ye é awlen trale so'n nun é yô yakpa, ye é yakpa so'n ti ye é fa é wla'n gua Nyanmien suo.[5] Ye é wla bo é fa gua Nyanmien su'n ti é nyin su gua'a asé, afin Nyanmien man i Wawe b'o fa maan yé'n klé é klôle dan nga Nyanmien fa klô yé'n é awlen'n nun wéiin.

Luc 1:13-21
[13] Ye ange'n séé i ke: Zacharie, nanh sre kun o, afin nde nga a kan kléli Nyanmien'n, o tili. O yi Élisabeth o wa wu ba yasua kun man o, ah tonh i dunman Jean.[14] O klun wa dyo, ah sih ablé, ke bé kô wui'n swran sunman bé klun dyoh.[15] Afin oh yôh swran dan é Min Nyanmien nyrun, o su nonman nzan b'o bô'n i wié fi, o nin Nyanmien Wawe'n fin blolo.[16] O man Israëlfue kpanngban béh sah bé sin bé Min Nyanmien'n i sin.[17] Oh dunh é Min'n nyrun, akunndan kunngba nga Élie buli'n, oh buh wié, ye sa kéklééklé nga Élie yôli'n, oh yôh wié. «Oh siésiéh ba'm bé nin bé si'm bé afien,» o man nyin kékléfue'm béh katyih, béh buh akunndan kpa, o man swran'm béh buabuah bé wun minnde é Min'n.[18] Zacharie usaa ange'n ke: ?Oh yôh se ye nh kwlah si so sakpaa? Afin man yô kpenngben, ye n yi kusu wa di afue louun.[19] Ange'n séé i ke: Min ye bé fle min Gabriel nion, n ti Nyanmien i swran. O sunmaan min ke m ba wun o wun, nan n kan nde fe nga klé o.[20] Nian, a wa yô bôbô, a su kwla'a idyo lélé san ba wu ba so'n, yele ke a lafi'a min nde'n su, sannge se i tyen'n dyu'n, oh yôh.[21] Ke oh yôh so'n, wuun swran'm bé su minnde Zacharie, bé klun titi bé, yele ke o tyee Nyanmien sua dan'n nun lo.

Lingala Bible 1974
© Alliance Biblique Universelle 1974