| 1 Timothée 3:15 |
| Sannge se man kwla oman ityra'n, fluwa nga nun nde'n man ah sih sa nga an yôéh Nyanmien i awlô'n nun'n. Awlô so'n yele Anannganman Nyanmien i Asonun'n. Se nanwle'n ti sua'n, wuun Asonun'n ti i kuatren nin i kôfiadya. |
|
| Jean 6:54 |
| Swran ng'o di min nnen'n b'o non min mmôdya'n, o le anannganman nguan, ye nh tyeenh men'n i awiélie, |
|
| Jean 8:32 |
| Amunh sih nde ng'o ti nanwle'n, ye nde nanwle so'n ti amunh nyanh amunh ti. |
|
| Marc 6:3 |
| ?Nanh Marie wa b'o ti adyuin difue b'o ti Jacques, nin Joses, nin Jude, nin Simon bé niaan bian nion? ?I niaan bla'm bé nu'an é nun wa? O man ba lafi'e i su. |
|
| Jean 12:48 |
| Swran ng'o so'a min nun b'o fa'a min nde'n su'n, swran ng'o nin i béh dih'n wo le. Nde nga n kannin'n su ye bé wa dyran bu i fo men'n i awiélieo. |
|
| Jean 1:1 |
| Nde'n wô le lalaa i sin nan Nyanmien a bô ninngé'm bé yile bô, Nde'n nin Nyanmien bé ô le, Nde so'n ti Nyanmien. |
|
| Galatiefue 6:9 |
| Nanh man é sa sin bubu é sa kpa yôle'n nun, afin se ya feman'n, tyen wié éh nyenh i nuan liké. |
|
| Galatiefue 1:19 |
| Man wu'an bé nga Nyanmien sunmaan bé'n bé wié fi san é Min'n i niaan bian Jacques tye ye n wuin ékuon. |
|
| 2 Pierre 3:8 |
| N swran kpa mun, sa kun ô le bo nanh amun wla fi, yele ke, é Min'n lie'n, tyen ba kun'n ti i nyrun afue akpi, ye afue akpi'n ti i nyrun tyen ba kun. |
|
| Sa nga bé yôli'n 1:7 |
| O séé bé ke: Tyen so'n nin ble so'n bo é Si bobo siéli'n, o ti'a amun nde su. |
|
| Galatiefue 4:4 |
| Sannge ke ble nga Nyanmien siéli'n dyuli'n, o sunmeen i Wa'n, bla kun wulii, o di mmla'n su. |
|
| ÉphÈsefue 5:16 |
| Ke amuan nyan amun ti'n, nanh an tran le ngben, anh yô liké ng'o yô sa yé'n, afin ble nga é ô nun ye'n ti te. |
|
| Jean 3:3-5 |
| [3] Jésus sé i ke: Nanwle, swran nga ba wu'e ékun'n, o su kwla yô'a men nga Nyanmien sié'n i nunfue mlonmlon.[4] Nicodème kusu sé i ke: ?Se swran kun yô kpenngben'n oh yôh se ye béh kwlah wui ékuon? ?O kwla se i sin i nin klun nan ba wui ékun?[5] Ye Jésus sé i ke: Nanwle, se swran i awulie'n fi'an nzué nin Nyanmien Wawe'n, o su kwla yô'a men nga Nyanmien sié'n i nunfue. |
|
| Hébreu 12:14 |
| Man amun nin swran'n kwlaa amun nuan se amun wun, man amun nzuen'n fa Nyanmien lie'n, afin se o ti'e i tio, swran fi su wu'an é Min'n. |
|
| Romefue 8:28 |
| É si ke sa kwlaa nga b'o yô'n, é bo é klô Nyanmien b'o flee é yele ke o bu é akunndan siéé laa'n, é kpa yôle ti ye o man sa so'm bé yôo. |
|
| ÉphÈsefue 1:10 |
| Sa so'n bo i waan oh yôh'n, ke i tyen'n dyu'n, oh yôh. Sa so'n yele ke oh kanh swran'n kwlaa nin asie'n su liké'n kwlaa nin nyanmien su lo lie'n kwlaa bô nun, ye oh fah Christ sié bé su. |
|
| Jean 16:13 |
| Ke Nyanmien Wawe'n b'o ti Nanwlefue'n kô ba'n, oh kléh amun sa kwlaa ng'o ti nanwle'n, afin nde nga oh kanh'n, o su kpe'e i ti nun ye oh kaanh, sannge nde kwlaa ng'o tili'n ye oh kaanh, ye oh bôh sa nga bé wa ba'n su klé amun. |
|
| Galatiefue 4:19 |
| M mma mun, amun ti n su wun nyrennen kpa ékun ke bla bo wa kôtô awulie sa, lélé béh wunh Christ nzuen'n kwlakwlakwla amun nun. |
|
| Matthieu 16:18 |
| N kusu, nh kanh klé o ke, bé fle o Pierre (bo i bô yele yebue). Yebue tanda'n su ye m ma kplan min asonun nion, ye wié'n su kwla satyimen. |
|
| Matthieu 18:15-18 |
| [15] Se o niaan kun yô o sa'n, fle i aamien kan kléé. Se o wun i wle'n, wuun w'a nyon o niaan.[16] Sannge se o wu'en i wle'n, fa swran kun annze nnyon uko o su, afin san swran nnyon annze nsan bé nde'n ye bé bu i nanwleo.[17] Se o fa'a bé nde'n su'n, ken i asonunfue'm bé nyrun, se o faman'n, bu i ke swran b'o nu'an amun nun, ke guabô sika défue sa.[18] Nanwle, liké kwlaa nga an kô tanniin asie'n su wa'n, béh tanniinh nyanmien su lo, ye liké kwlaa nga an kô men i wun atin asie'n su wa'n, béh menh i wun atin nyanmien su lo. |
|
| ÉphÈsefue 1:22-23 |
| [22] Nyanmien man o sié liké'n kwlaa ye o fe siéé Asonun'n sukpen.[23] Asonunfue'n kwlaa bé ti i wunnen, i bobo ye o ti i ti nion. I b'o ô lika'n kwlaa'n, o ô Asonun'n nun. |
|
| ÉphÈsefue 5:23 |
| afin yasua ye o sié blaa, ke Christ kusu ti Asonun'n i sukpen'n sa. I ye o ti Asonun'n b'o ti i wunnen'n i Ti Défueo. |
|
| Sa nga bé yôli'n 4:32 |
| Swran kaka nga bé lafii Christ su'n, bé bô yôô kun, bé akunndan'n ti kun. Bé nun wié fi sé'a ke i ninngé'm bé ti i ngunmin lie, sannge liké ng'o ti swran kun lie'n, o ti bé kwlaa bé lie. |
|
| 1 Corinthefue 1:10 |
| Aniaan mun, é Min Jésus-Christ ti nh sreh amun, man amun nuan se, nanh an bubu amun wun nun, sannge man amun akunndan'n nin amun nen'n yô kun. |
|
| Jean 14:6 |
| Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo. |
|
| Jean 14:6-28 |
| [6] Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.[7] Se an si min'n, wuun amuan si n Si'n. Ke o fin nde'n, amuan wuin, amuan sii.[8] Philippe sé i ke: Nannan, se a klé é é Si'n, é su kunnde'a liké ufle kun.[9] Jésus sé i ke: ?Philippe, lalaa bo min nin amun ô wa'n, a nian si'a min? Swran ng'o wun min'n, wuun wa wun é Si'n. ?O yô se ye a sé n ke n klé amun é Si nion?[10] ?A lafi'a su ke min nin é Si'n é ti swran wunmuan? Nde nga n kan klé amun'n, n kpe'a n ti nun ye n kaan. É Si b'o nin min ti kun titi'n, i bobo ye o di i dyunman nion.[11] Ke n sé ke min nin é Si'n é ti kun'n, anh lafi su. Se an lafi'e i so'n su'n, anh lafi su liké nga n yô bé'n bé ti.[12] Nanwle, swran ng'o lafi n su'n, liké nga n yô bé'n, oh yôh wié, i lie'n trah n lie'n bobo, afin n su ko é Si'n sin.[13] Liké kwlaa nga an fa n dunman sre'n, nh yôh nan m bo n ti é Si i Wa'n m men i komin su.[14] Se an fa n dunman sre liké wié'n, nh yôh.[15] Se an klô min'n amunh fah min nde'n su.[16] Nh kôh sre é Si'n, oh bleh amun swran ufle b'o uka amun, yele Nyanmien Wawe'n b'o ti nanwlefue'n, o nin amunh tranh titi. Men nunfue'm bé kwla nyenmen, yele ke bé wunmen ye bé simen, sannge amun lie'n, an sii, afin o nin amun ye o traan, ye o wa tran amun awlen'n nun.[17] ***[18] N yatyi'a amun aika, mh bah amun wun wa ékun.[19] O tye kan'n, men nunfue'm bé su wu'an n kun, sannge amun lie'n, amunh wunh min. N wunman, o man amun kusu amunh kah le tititi.[20] I tyen so'n nun, amunh wunh i wle ke min nin n Si é ti swran wunmuan, ye min nin amun kusu ya katyi swran wunmuan.[21] Swran ng'o ti min nde'n b'o fa su'n, swran so'n ye o klô mion. Swran ng'o klô min'n, n Si wa klôé, n kusu m ma klôé, ye nh yih min wun kléé.[22] Jude use i ke: ?Nannan, oh yôh se ye ah yih o wun klé é bo men nunfue'm bé lie su tra'an nuon? Nanh Judas Iscariotfue'n ye o séé soo.[23] Jésus sé i ke: Swran ng'o klô min'n, oh fah min nde'n su, ye n Si wa klôé, éh beh i wun, é nin i éh tranh.[24] Swran ng'o klô'a min'n, o fa'a min nde'n su. Nde nga amun ti'n, n kpe'a n ti nun ye n kaan, sannge n Si b'o sunmaan min'n, ye man n kaan.[25] Ke n te ô wa'n, man n kan nde so'n klé amun.[26] Sannge swran ng'o wa uka amun'n yele é Si i Wawe'n b'o wa sunmen n dunman nun'n, i ye o wa klé sa'n kwla, ye oh kpenh amun wla nde kwlaa nga n kan kléé amun'n suo.[27] M man amun wun dyoh amun fouun, ye amunh dih aladyé ke min sa. Aladyé nga men nunfue'm bé yra bé nuan ke swran di'n, o nin n lie'n ti'a kun. Nanh amun wla bô, nanh sre kun amun.[28] An tii i ke n séli amun ke: N su ko, sannge mh bah amun wun wa ékun. Se an klô min'n, wuun ke n su ko é Si si'n, amun klun dyoh, afin é Si'n le nyrun tra min. |
|
| Lingala Bible 1974 |
| © Alliance Biblique Universelle 1974 |