A A A A A

God: [Trinity]


1 Corinthefue 8:6
sannge é lie'n, é Si Nyanmien Kpli'n ti kunngba tye. I ye o yii liké'n kwlaaa, i ti ye é ô leo. Ye é Min'n ti kunngba, yele Jésus-Christ, i ye Nyanmien man o yii liké'n kwlaa, i fanngan nun ye man é ô leo.

2 Corinthefue 3:17
É Min nga bé ken i nde wa'n yele Nyanmien Wawe'n, ye lika kwlaa nga é Min'n i Wawe'n wô le'n, bé di aladyé.

2 Corinthefue 13:14
M Paul, Jésus-Christ nin é Si Nyanmien b'o tyenniin'n bé sunmaan min. N sunmanle so'n fi'an swran, ye nanh swran fi ye o sié n soo.

Colossesfue 2:9
Afin ke é wun Christ b'o katyii swran'n, é wun wafa kwlaa nga Nyanmien ti'n.

Jean 1:14
Nde so'n katyii i wun swran, o nin é wa trannin, o ti aklunyéfue nin nanwlefue. É nieen i anyrunnyan'n, o ti anyrunnyan bo se Ba b'o ti kunngba'n i Si meon o ti su.

Jean 10:30
Man nin n Si é ti kun.

Luc 1:35
Ye ange'n séé i ke: Nyanmien Wawe'n oh bah o wun, ye Nyanmien Kpli bo liké fi nu'en i sin'n, oh dyranh o sin. I so'n ti, ba'n bo ah wuih b'o ti Nyanmien lie klônglô'n, béh fleeh Nyanmien Wa.

Matthieu 1:23
«Anh nian, talua b'o nian si'a bian'n o wa wunnze, oh wu ba yasua, Béh tonh i dunman Emmanuel,» bo i bô klé ke Nyanmien nin é ô nun.

Matthieu 28:19
I so'n ti, anh wo kô klé nvlénvlé'n kwlaa bé liké, man bé katyi n sonnzonfue, ye anh yô bé baptême é Si Nyanmien, nin i Wa'n, nin i Wawe'n bé dunman nun.

Matthieu 3:16-17
[16] Ke bé yôô Jésus baptême b'o fin nzué'n nun fitéé tye'n, kpekuun nyanmien su lo su ti muaan, o wuun Nyanmien Wawe'n o dyra ba ke aublé sa, o wa treen i su.[17] Kpekuun bé ti swran kun nen nyanmien su lo, o sé ke: Min awlen su ba'n i su ye man fa n wla'n kwlaa guaa.

Romefue 14:17-18
[17] Nanh ke liké bo swran di'n nin nzan bo bé non'n ye o klé ke Nyanmien sié béo, sannge i Wawe'n b'o man swran katyi swran kpa, b'o man bé di aladyé, bo bé klun dyo'n ye o klé ke o sié béo.[18] Swran ng'o di Christ i dyunman'n ke nga sa'n, Nyanmien klun dyo i wun, ye swran'm bé bô i dunman.

Luc 3:21-22
[21] Ke béh yôh swran'n kwlaa bé baptême'n, bé yôô Jésus kusu wié. Ke o nin Nyanmien béh idyoh'n, nyanmien su lo'n ti muaan,[22] ye Nyanmien Wawe'n katyi ke aublé sa, o dyree i su. Ye bé ti swran kun nen nyanmien su lo, o sé ke: A ti min awlen su Ba, o su ye man fa n wla'n kwlaa a guaa.

Jean 5:7-8
[7] Tukpatyefue'n sé i ke: Ndya, n le'a swran bo ke nzué'n kô kédyé'n, o fa min yi nzué'n nuon. Ke nzué'n kô kédyé'n bo n waan nh koh'n, swran ufle dun mmua dyra nun.[8] Jésus sé i ke: Dyaô fo o be'n nan nanti.

1 Pierre 1:1-2
[1] M Pierre bo Jésus-Christ sunmaan min'n, nh kleh fluwa nga ble amun bo Nyanmien faa amun bo an sanndili man an ti aôfue Pont, nin Galatie, nin Cappadoce, nin Asie, nin Bithynie men'n nun'n.[2] É Si Nyanmien faa amun, afin o dun mmua bu i akunndan so, nan i Wawe'n ti, an katyi i lie, amun nyin yi Jésus-Christ, ye i mmôdya'n ti amun wun sa'n wiéh. Nyanmien man an nyan yé titi, ye man amun wun dyo amun fouun!

2 Corinthefue 1:21-22
[21] Nyanmien ye o klé é nin amun wéiin kpa ke é nin Christ ya katyi swran wunmuaan, i bobo ye o siéli é ke é yô i lie mlonmlon,[22] o siéé é nzolie, o man i Wawe'n tran é awlen'n nun, o man é si ke wa tra é asé.

1 Corinthefue 12:4-6
[4] Nyanmien i ninngé b'o fa man swran mun ke bé yô'n bé ti fanunfanun, sannge i Wawe'n ti kunngba,[5] dyunman'n ti fanunfanun, sannge é Min'n ti kunngba,[6] i dile'n ti fanunfanun, sannge Nyanmien kunngba'n ye man bé yô i kwlaa so nion.

ÉphÈsefue 4:4-6
[4] Ke Nyanmien fle amun bo liké nga an fa amun wla gua su'n ti kun'n, i kunngba'n, wunnen'n ti kun, ye Nyanmien Wawe'n kusu ti kun.[5] É Min'n ti kun, sulafile wafa nga é lafi Christ su'n ti kun, baptême'n ti kun,[6] Nyanmien'n ti kun, o ti swran'n kwlaa bé Si, o sié liké'n kwlaa, bé wun i sa nuan lika'n kwlaa, o tran lika'n kwlaa.

Colossesfue 1:15-17
[15] O fa Nyanmien bo bé wunmen'n i wafa kwlaa ng'o ti'n, o ti i Wa Kpen bo i kpa'n tra liké'n kwlaa ng'o yili bé'n.[16] Afin i ye Nyanmien man o yii ninngé'n kwlaa bo bé ô nyanmien su lo nin asie'n su wa muon, liké nga bé wun bé'n nin nga bé wu'an bé'n, bé nga bé ô bia su ô, bé nga bé sié swran mun ô, mmusu mun ô, kpenngben mun ô. Nyanmien man o yii ninngé'n kwlaa, i bobo ti ye o man o yii béo.[17] Ke béh yih ninngé'n kwlaa'n, wuun o ô le, i ti ye man bé kwlaa bé ô leo.

Jean 14:9-11
[9] Jésus sé i ke: ?Philippe, lalaa bo min nin amun ô wa'n, a nian si'a min? Swran ng'o wun min'n, wuun wa wun é Si'n. ?O yô se ye a sé n ke n klé amun é Si nion?[10] ?A lafi'a su ke min nin é Si'n é ti swran wunmuan? Nde nga n kan klé amun'n, n kpe'a n ti nun ye n kaan. É Si b'o nin min ti kun titi'n, i bobo ye o di i dyunman nion.[11] Ke n sé ke min nin é Si'n é ti kun'n, anh lafi su. Se an lafi'e i so'n su'n, anh lafi su liké nga n yô bé'n bé ti.

Philippesfue 2:5-8
[5] Anh bu akunndan kunngba nga Christ-Jésus buli'n wié.[6] I b'o nin Nyanmien bé ti kun'n wa kunnde'a ke o fe i wun sunnzun Nyanmien,[7] wa bu'e i so'n liké fi, o yô i wun kanga, o yô i wun ke klo swran sa.[8] Ke o katyii i wun swran so'n, o yô i wun aénvue, o yô ainyiefue lélé o fa wuli, waka'n su ye o wulio.

Jean 10:30-36
[30] Man nin n Si é ti kun.[31] Juif'm bé faa yebue ékun ke bé fa fiin.[32] Jésus sé bé ke: M man wunnin sa kpakpa bo n yô bé n Si fanngan nun'n. ?Sa so'm bé nun ônin ti ye man amun waan amunh finh n yebue kun mion?[33] Juif'm bé sé i ke: Nanh ke sa kpa bo a yôli'n ti ye é waan éh kunh o, sannge Nyanmien dunman bo a satyi, ye o bo a ti swran bo a yô o wun ke a ti Nyanmien'n, i ti ye é waan éh kunh oo.[34] Jésus sé bé ke: ?Ba kle'e amun mmla'n nun ke Nyanmien sé ke: «An ti ke Nyanmien sa.»?[35] É si ke swran fi kwla nunnu'an Nyanmien nde nga bé kleli'n. Bé klee ke bé nga Nyanmien fe i mmla'n maan bé'n bé ti ke Nyanmien sa.[36] ?Se o ti so'n, m bo Nyanmien fa min sié ke n di i dyunman'n b'o sunmaan min men'n nun'n, ke n sé ke n ti Nyanmien Wa'n, nzu ti ye an sé ke n satyi Nyanmien dunmaan?

Lingala Bible 1974
© Alliance Biblique Universelle 1974