| Matthieu 11:27-30 |
| [27] N Si ye o fa liké'n kwlaa maan mion. Swran fi si'a Nyanmien Wa'n san i Si kunngba ye o si io, ye swran fi si'a Nyanmien Wa'n i Si'n, san Ba'n bobo o nin swran ng'o klô ke oh feh i Si'n kléé'n, bé ye bé si io.[28] Amun kwlaa bo an sua tro bo amuan fe'n, anh bla n sin, nh sikéh amun, ye amunh déh wunmien.[29] Anh fa amun ti wla n komin su waka'n (*f8*) bô, ye anh fa min nzuen'n su, afin n ti swran weteefue ye min awlen'n ti flolo. Ye amun wla wa gua asé.[30] Afin n komin su waka'n i suale yô fe, ye n tro'n yô'a nonnin. |
|
| Jean 6:63-65 |
| [63] Nyanmien Wawe'n ye o man nguan nion, bé wunnen'n kwla yô'a liké fi. Nde nga n kan kléé amun'n ti Nyanmien Wawe'n lie, bé man nguan.[64] Sannge swran wié'm bé ô amun nun bo bé lafi'a su. Afin ke o fin i bôbôle nun'n, Jésus si bé nga bé su lafi'e i su'n nin swran ng'oh feh man swran mun'n.[65] Ye o sé ke: I so'n ti ye n séé amun ke, swran nga n Si a me'en i atin ke o bla n sin'n, o kwlaa baman nion. |
|
| Matthieu 11:28 |
| Amun kwlaa bo an sua tro bo amuan fe'n, anh bla n sin, nh sikéh amun, ye amunh déh wunmien. |
|
| Matthieu 15:7-9 |
| [7] Dunman klôfue mun, amun wun nde bo Ésaïe kannin'n ti nanwle. O sé ke:[8] «Swran nga'm bé ken bé nuan bui su ke bé bu n swran, Sannge bé awlen nu'an n su.[9] Bé manman nin ngben, Ye bé klé liké nga swran'm bé kan'n ke o ti Nyanmien mmla.» |
|
| Marc 10:13-16 |
| [13] Swran'm bé faa ba kanngan mun blelii ke o fe i sa fua bé su, sannge i sonnzonfue'm bé idyoo bé.[14] Ke Jésus wuun i so'n, wa yômen i fe, nan wa sé bé ke: Anh yatyi ba kanngan'm bé nun man bé bla n sin, nanh an fuan bé, afin bé bo bé yô bé wun ke ba kanngan nga mun sa'n, bé ye Nyanmien sié béo.[15] Nanwle, swran ng'o yô'e i wun ke bakan sa, o fe'e i wun ma'an Nyanmien ke o siéé'n, o su yô'a men nga Nyanmien sié'n i nunfue mlonmlon.[16] O tô i sa blaa bé, o fe i sa fuafua bé su, o yra bé nguan. |
|
| Jacques 4:6-8 |
| [6] Sannge yé ng'o yô yé'n ti dan, afin bé klee ke: «Nyanmien nin bé nga bé tu bé wun'n mun lee, Sannge o yô aénvuefue'm bé yé.»[7] I so'n ti, anh fa amun wun man Nyanmien. Nanh an lô amun wun man mmusu'm bé si Satan'n, anh dyran kéklé, oh wanndih amun.[8] Anh fa amun wun mantan Nyanmien, ye i kusu feh i wun mantan amuon. Sa te yôfue mun, anh wunnzin amun sa, akunndan nnyonnyonfue mun, anh yatyi akunndan tete'n. |
|
| 2 Corinthefue 5:17 |
| Se swran kun nin Christ bé katyi swran wunmuan'n wuun Nyanmien wa bôé ufle, i akunndan'n nin i nzuen laa'n wa wié, i akunndan'n nin i nzuen'n kwlaa a katyi. |
|
| Jean 5:24 |
| Nanwle, swran ng'o tié min nde'n b'o lafi swran ng'o sunmaan min'n su'n, o le anannganman nguan, bé su fe ko'a dyole difue'n i dyasu. Wa nyen i ti wié'n sa nun, wa nyan nguan. |
|
| Romefue 12:1-2 |
| [1] Aniaan mun, aunnvue dan bo Nyanmien wunnin yé'n ti, nh sreh amun kpa ke an fa amun wun men ke sraka bo bé dyre sa, b'o ti i lie mlonmlon, bo i klun dyo su, i ye o ti i sole wafa b'o ti suo.[2] Nanh an yô ke swran'm bo bé ô le nde'n bé sa, sannge man Nyanmien katyi amun akunndan'n nan an katyi mlonmlon. Ke o kô yô so'n, amunh wunh Nyanmien i klun sa'n i wle, amunh sih sa ng'o ti kpa, b'o dyo i klun, b'o man amun yôh kpa'n. |
|
| Hébreu 12:1 |
| I so'n ti, ke swran kpanngban kpa bo bé kan Nyanmien sulafile nde'n bé sin yia é kukukuku'n, man é kusu é gua liké kwlaa ng'o tanndan é nun'n bé asé, man é wla sa te'n kwlaa asé, afin o fi'an wa dyu'a wa nan wa tanndan é dya nun. Man é mian é nyin sin lika nga bé klé yé'n nun. |
|
| Jean 5:40 |
| O nin i so'n ngba, an klô'a ke an bla n sin nan an nyan nguan! |
|
| Jean 6:44-45 |
| [44] Swran fi kwla ba'a n sin, san bé nga n Si b'o sunmaan min'n o man bé ba n sin'n, bé ye nh tyenh bé men'n i awiélieo.[45] Nyanmien nuan idyofue'm bé klee ke: «Nyanmien wa klé bé kwlaa bé liké.» Swran kwla ng'o ti n Si nde'n b'o fa su'n, oh bah n sin. |
|
| Jean 7:37-39 |
| [37] Bé tyen dile'n i tyen kasien b'o ti bé tyen'n i dan'n, Jésus dyin bé afien le, o kpan séé ke: Swran kwlaa nga nzué wé kuin'n, o bla n sin o wa non.[38] Swran ng'o lafi n su'n i awlen'n wa katyi ke nzué ti sa, i nun ye nzué ba bo bé nun nzué'n man nguan'n, béh fionh. Afin é kenngen i so Nyanmien Nde nga bé kleli'n nun.[39] Sa ti b'o séé so'n yele Nyanmien Wawe'n bo bé nga bé wa lafi i su'n béh nyenh'n. Ke oh yôh so'n, wuun Nyanmien nian fe'e i Wawe'n nian manman, afin o nian yi'a Jésus i wafa ng'o ti'n i nglô. |
|
| Hébreu 4:14-16 |
| [14] É le Nyanmien nyrun dyranfue dan kpa kun, o oo lélé dyu Nyanmien bobo nyrun lo, yele Jésus Nyanmien Wa'n. I so'n ti, liké nga é lafi su'n, man é lafi su kpa.[15] Afin Nyanmien nyrun dyranfue nga é le'n, o ti'a swran b'o si'a ke é kwla'a liké fi yôo, afin bé fa liké kwlaa nga bé fa lakaa yé'n bé fa leke i wié, sannge wa yô'a sa te lé.[16] I so'n ti, man é fa é wla gua Nyanmien su é wunngé i bia'n bo bé ko loo bé nyan yé'n i wun lo nan o si é aunnvue, nan ble nga é sa mian'n, o yô é yé, o ti é wun nyanman nun. |
|
| Sa nglô yile 22:16-17 |
| [16] Min Jésus, n sunmaan min ange'n ke o wa kan sa so'n kwlaa klé amun asonun'm bé nun. N fin David ôsu'n nun, i anunman yele min. Min ye n ti awue nzraama nion.[17] Nyanmien Wawe'n nin Atonvle'n bé sé ke: Bla! Swran ng'o ti'n, mon o sé ke: Bla! Swran nga nzué wé kuin'n, mon o bla, man swran ng'o klô ke oh fah nzué ng'o man nguan'n, o fa, déin su fité'a nun! |
|
| Jean 6:37 |
| Swran kwlaa nga n Si fa bé man min'n béh bah n sin, o man swran ng'o ba n sin'n, n su fuenmen, |
|
| Sa nglô yile 22:17 |
| Nyanmien Wawe'n nin Atonvle'n bé sé ke: Bla! Swran ng'o ti'n, mon o sé ke: Bla! Swran nga nzué wé kuin'n, mon o bla, man swran ng'o klô ke oh fah nzué ng'o man nguan'n, o fa, déin su fité'a nun! |
|
| Sa nglô yile 12:9 |
| Bé kaan dragon srôésrôé dan so'n nin i ange'm bé bô gua bé asie'n su wa. I ye bé flee wuô lalaa, nin mmusu'm bé si, nin Satan nion, i ye o laka men wunmuan nunfue'm bé kwlaa nion. |
|
| Philippesfue 1:6 |
| N si wéiin kpa ke Nyanmien b'o bô liké nga b'o man an yô kpa'n i bô'n, oh yôh i so lélé oh gueh i bô Christ-Jésus i bale tyen'n nun. |
|
| Sa nglô yile 21:4 |
| Oh nunnunh bé nyinmuen'n kwlaa, wié'n nu'an le kun. Bé su yô'a se kun, bé su su'an kun, bé su wu'an nyrennen kun, afin laa ninngé so'm bé nu'an le kun. |
|
| Hébreu 10:19-22 |
| [19] I so'n ti, aniaan mun, é sii wéiin ke é kwla wlu Nyanmien lika kpa'n nun Jésus mmôdya'n ti.[20] Afin Jésus kpee atin man é kôkô nun wa, o tanni'an mlonmlon. O tii tannin'n b'o kpe Nyanmien sua'n nun'n nun, o oo i sin lo, tannin so'n yele i wunnen'n.[21] É le Nyanmien nyrun dyranfue dan kun bo bé fe siéé Nyanmien i awlô'n su.[22] I so'n ti, man é fa é wun mantan Nyanmien. Ke éh yôh so'n, nanh man akunndan te tran é klun, man é lafi i su kpa, afin o man é wun sa'n b'o man é klun titi yé'n o wiéli, ye o fa nzué klôuun wunnzinnin é. |
|
| Lingala Bible 1974 |
| © Alliance Biblique Universelle 1974 |