A A A A A

Church: [Tithing]


Matthieu 5:17
Nanh an bu i ke m baa moïse mmla'n nin Nyanmien nuan idyofue'm bé nde'n bé su nunnunle, bé nun yiyile ye m balio.

Matthieu 6:21
Afin lika nga wo awlen su ninngé'n wô le'n, le ye wo akunndan'n wôo.

Matthieu 23:23
Amun mmla kléfue nin Pharisifue dunman klôfue mun, an yakô! Yele ke an yi menthe'n nin aneth'n nin cumin'n (*f15*) bé blusu'n (*f16*), sannge an yatyi mmla ng'o ti tyinndyin'n, nanwle dile'n, nin aunnvue sile'n, nin sa kpa yôle b'o man swran'm bé fa bé wla gua amun su'n. Bé ye bé yôle'n ti i su nion, sannge nanh an yatyi wié'm bé yôle.

Romefue 2:29
sannge Juif kpa'n yele swran ng'o ti so i awlen'n nun'n, ye klen wlale kpa'n yele nga Nyanmien Wawe'n wle swran i awlen'n nun b'o fi'an mmla nga bé kleli'n nun'n. Nanh swran mun ye bé yi Juif kpa so'n i ayeo, Nyanmien bobo ye o yi i ayeo.

Romefue 12:1
Aniaan mun, aunnvue dan bo Nyanmien wunnin yé'n ti, nh sreh amun kpa ke an fa amun wun men ke sraka bo bé dyre sa, b'o ti i lie mlonmlon, bo i klun dyo su, i ye o ti i sole wafa b'o ti suo.

Marc 12:41-44
[41] Ke Jésus ti Nyanmien sua dan'n nun sika guawle'n i nyrun ndenman su le'n, o nien i wafa nga swran'm bé yi sika bé gua nun'n. Anyanbéunfue sunman bé gua nun kpanngban.[42] Angbôti bla yalefue kun kusu fa dyete mma kanngan nnyon b'o dyu ke bablu kun sa'n o fa guaa nun.[43] Ye Jésus flee i sonnzonfue mun, o sé bé ke: Nanwle, angbôti bla yalefue nga i sika lie'n b'o yili'n o tra bé nga'm bé lie nga bé yi guaa sika guawle'n nun'n,[44] afin bé kwlaa nga'm bé lie nga bé yi'n, o bu'a bé kple, sannge bla nga lie'n, o yi i yale lie kan'n, i kwlaa ng'o le b'o fa di liké'n, ye o fa mannion.

Romefue 3:21-31
[21] Sannge sien'n Nyanmien klé é wafa ng'o fa bu swran swran kpa'n, b'o fi'an mmla'n nun'n, afin bé klee mmla'n nun ye Nyanmien nuan idyofue'm bé ken i nde ke,[22] Nyanmien bu bé kwlaa nga bé lafi Jésus-Christ su'n bé swran kpa, afin i nyrun swran fi kpa tra'a wié.[23] Afin swran'n kwlaa bé yôô sa te, o man anyrunnyan nga Nyanmien waan oh manh bé'n, o tô fuaan bé.[24] Sannge Nyanmien i klun-ufué dan'n ti o bu bé swran kpa, wa dé'a bé liké fi, Christ-Jésus b'o déli bé'n ti.[25] Ke o yô nan ya si ke Nyanmien ti kpa'n, o fa Jésus maan é ke é fa yi é ti te, nan ke bé kô kuin'n, bé bo bé lafi i su'n, sa te nga bé yôli'n, Nyanmien yatyi tye bé i mmôdya'n ti. Afin laa sa nga bé yôlii'n, o blu su.[26] Sannge ôle nga é ô ye'n, o klé é wafa ng'o fa bu swran swran kpa'n, afin o klé i wun ke o ti kpa ye o bu bé nga bé lafi Jésus su'n bé swran kpa.[27] ?Se o ti so'n, nzu su ye é dyran fa di é nuaan? É le'e i so liké mlonmlon! ?Nzu ti ye é le'e i so liké nion? ?Mmla'n b'o man é si liké nga é yô'n tio? Tyetye, Nyanmien bo é lafi i su'n tio.[28] Afin é bu i ke, nanh mmla'n bo swran fa su'n ti ye Nyanmien bui swran kpaa, sannge i su b'o lafi'n ti ye o bui swran kpaa.[29] ?Nyanmien'n ti Juif'm bé ngunmin bé lie? ?O ti'a bé nga bé ti'a Juif'n bé lie wié? O ti bé lie wié,[30] afin Nyanmien kunngba'n ye o bu bé nga bé lafi i su'n bé swran kpaa, se bé wlaa bé klen ô, se ba wla'a bé klen ô.[31] ?Nyanmien su bo bé lafi so'n ti, o man é bu'a mmla'n i liké fi kun? É bu'e i so mlonmlon! Sien'n é bui liké dan tra laa'n.

Romefue 8:4
Nyanmien yôé so nan é bo é fa'a swran'm bé nzuen'n su kun'n, bo é yô sa nga Nyanmien Wawe'n klé é ke é yô'n, é yô sa kpa nga bé klee mmla'n nun ke é yô'n.

Lingala Bible 1974
© Alliance Biblique Universelle 1974