A A A A A

Bad Character: [Revenge / Vengeance]


1 Pierre 3:9
Se swran yô amun te'n, nanh an yôé wié, se bé kpe amun nzôwa'n, nanh an yi man bé, anh yra bé nguan, afin ke Nyanmien flee amun'n, o sé ke oh yrah amun nguan. Bé klee Nyanmien Nde'n nun ke:

1 Thessaloniquefue 5:15
Anh nian amun wun kpa, se swran yô amun te'n, nanh an yô i wié, sannge man kpa nga an fa yô amun wiéngu'n nin swran'n kwlaa'n o katyi amun nzuen.

2 Corinthefue 13:11
Aniaan mun, min nde'n i atabô'n ye: Nyanmien man amun klun dyo. Anh katyi anh yô swran kpa, anh fa min nde'n su, man amun bô yô kun, anh di anuanse. Ye Nyanmien b'o klô swran'n b'o man é di aladyé'n, o nin amunh tranh.

2 Thessaloniquefue 1:8
Oh bah sin b'o dyué'n nun nan oh tuh bé nga bé si'a Nyanmien'n nin bé nga bé fe'e i dyasin fe'n su'n bé fo.

Hébreu 10:30
Afin é si swran ng'o sé ke: «Min ye n tu klunngbo nion, min ye nh tuah bé kaleo,» ye o ken ékun ke: «É Min'n i dyasu ye béh feh i swran mun koo.»

Marc 11:25
Ke an dyaô bo amunh kôkôh yale klé Nyanmien'n, se swran wié wun nde ô amun klun'n, anh yatyi tyee, nan amun Si b'o ô nyanmien su lo'n wa yatyi sa nga an yôlii'n wa tye amun.

Romefue 12:18-19
[18] Anh yô liké kwlaa nga an yôo amun nin swran su ka'an nde'n.[19] N swran kpa mun, nanh amun sé ke amun bobo amunh tuh amun klunngbo'n, sannge anh yatyi man Nyanmien, afin bé klee ke: «É Min'n sé ke: Min ye n tu klunngbo nion, min ye nh tuah bé kaleo.»

Romefue 13:4
afin Nyanmien man bé nian o su ye man a yô kpaa. Sannge se a yô sa te'n, mon o klun titi o. Afin Nyanmien a sié'a bé le ngben, o siéé bé le ke bé tu i klunngbo, ye bé tu swran ng'o yô sa te'n i fo.

Matthieu 18:21-22
[21] Ye Pierre wunngéé i wun le, o use i ke: ?Nannan, se n niaan kun yô n te'n, kpe nnye ye n yatyi tye io? ?Lélé kpe nsô?[22] Jésus séé i ke: Nanh kpe nsôo, sannge lélé kpe ablésô fa nsô.

Matthieu 5:38-39
[38] An tii i ke bé séé ke: «Se swran bô o nyinma'n, bô i lie'n sié i ôsu, se swran tu o dyé'n, tu i lie'n sié i ôsu.»[39] Sannge n lie'n, nh kanh klé amun ke, se swran yô o te'n, nanh yô i wié, se swran kpatyi o fuka fama'n su'n, katyi be'n kusu men.

Luc 6:27-28
[27] Sannge nh kanh klé amun bo an tié min nde'n ke, bé nga bé nin amun kun'n, anh klô bé, bé nga bé kpo amun'n, anh yô bé kpa.[28] Bé nga bé wua amun amuen'n, anh yra amun nuan man bé, ye bé nga bé yô amun tete'n, anh sre Nyanmien ke o yô kpa man bé.

ÉphÈsefue 4:31-32
[31] Anh wla klunwi'n, nin awlen fufu'n, nin ya fale'n, nin ndengan'n, nin swran wun satyile'n, nin swran kpole'n bé kwlaa bé asé.[32] Anh yô amun wun yé, anh si amun wun aunnvue, sa nga amun wiéngu yô amun'n, anh yatyi tyee, ke Nyanmien kusu yatyi sa nga an yôlii'n tyee amun Christ ti'n sa.

1 Pierre 2:21-23
[21] I so yôle ti ye Nyanmien flee amuon, afin amun ti, Christ bobo wuun nyrennen. O yôli so ke an nian su nan an nanti i adyale lie'n su.[22] Wa yô'a sa te lé, ba ti'a gble nde fi i nuan nun lé.[23] Bé kpe i nzôwa, wa yi'a ma'an bé, bé klé i nyrennen, wa fua'a bé ti, sannge o fe i nde lie'n wlaa Nyanmien b'o di nde nanwle'n i sa nun.

Romefue 12:17-21
[17] Se swran yô amun te'n, nanh an yô i wié. Sa kwlaa nga amun yô'n, anh yô man swran'n kwlaa bé wun ke an ti kpa.[18] Anh yô liké kwlaa nga an yôo amun nin swran su ka'an nde'n.[19] N swran kpa mun, nanh amun sé ke amun bobo amunh tuh amun klunngbo'n, sannge anh yatyi man Nyanmien, afin bé klee ke: «É Min'n sé ke: Min ye n tu klunngbo nion, min ye nh tuah bé kaleo.»[20] O man, «Se awé kun o kpofue'n, men i liké, Se nzué wé kuin'n, men i nzué, Afin se a yô so'n, O ti ke senmlen ye a fa gue i ti su sa.» (*f40*)[21] Nanh man bé nga bé yô amun te'n bé kwla amun, sannge anh yô bé kpa lélé an kwla bé.

Matthieu 5:40-45
[40] Se swran wié sanman o, nan i waan oh déh o trale'n, fo o kôndrô'n nannan su men.[41] Se swran wié mian o ke a sunmen lika kilo kun'n, sunmen dyu kilo nnyon.[42] Swran ng'o sre o liké'n fa men, ye swran ng'o klô ke o fe liké o sa nun'n, nanh katyi o sin sii.[43] An tii i ke bé séé ke: «Klô o wiéngu,» ye kpo o kpofue.[44] Sannge n lie'n, nh kanh klé amun ke, anh klô amun kpofue mun, ye [bé nga bé wua amun amuen'n, anh yra bé nguan. Bé nga bé kpo amun'n, anh yô bé kpa,] ye [bé nga bé yô amun tete] bo bé klé amun yale'n, anh sre Nyanmien ke o nian bé su.[45] I so'n nun amun wa yô amun Si b'o ô nyanmien su lo'n i mma mun, afin o bô wia'n man bé bo bé ti te'n nin bé bo bé ti kpa'n, ye o to nzué'n man nanwlefue nin bé bo bé ti'a nanwlefue'n.

Lingala Bible 1974
© Alliance Biblique Universelle 1974