A A A A A

Additional: [Drugs]


ÉphÈsefue 5:18
Nanh an non nzan bô, afin o yô swran wannzô, sannge man Nyanmien Wawe'n sié amun mlonmlon.

Galatiefue 5:19-21
[19] É si klo swran i nzuen'n kpa, yele bla nin bian kunndele, sa tete yôle, wlaka bôle,[20] amuen sole, baé dile, swran kpole, nin utré. Bé nyin tyi bé wiéngu, bé fa ya, bé bô ti'a kun, bé bubu bé wun nun,[21] bé le kônvi, bé non nzan bô, bé yô sa finfin mun, ye bé yô i sin sa wié mun ékun. Nh kanh nde kunngba nga n kan kléé amun laa'n klé amun ékun, bé nga bé yô i so sa'n, bé su yô'a men nga Nyanmien sieé'n i nunfue mlonmlon.

1 Corinthefue 6:19-20
[19] ?An si'a ke amun wunnen'n ti Nyanmien i Wawe'n b'o fa maan amun b'o ô amun nun'n i sua, o man an di'a amun tiaun?[20] Afin o tôô amun gua kpan, i so'n ti, liké kwlaa nga amunh yôh'n anh yô man o be i nyrunnyan.

1 Pierre 5:8
Anh sasa amun wun, anh niannian! Afin mmusu'm bé si Satan b'o ti amun kpofue'n, o ti ke dyra b'o wlanwlan, o kpan kunnde nnen'n sa.

1 Corinthefue 5:11
Sannge nde nga n le bleli amun'n yele e, se swran kun sé i wun e o ti é niaan'n b'o ti bla annze bian kunndefue, annze o ti swran bo i nyin yi'a liké'n, annze o te so amuen'n, annze o ti nzôwa kpefue, annze o ti nzanbôefue, annze o dé swran liké wué kéklé su'n, i sofue'n ye n séé amun ke, nanh amun nin i san nun nion, ye nanh amun nin i di liké bobo.

1 Timothée 5:23
O ku'n nin tukpatye bo a toe fukefuke'n ti, nanh non nzué ngunmin kun, non du vin kan.

Sa nglô yile 21:8
Sannge srefue, nin bé nga bé lafi'a n su'n, nin bé nga bé yô tété sa'n, nin swran kunfue, nin bian nin bla kunndefue, nin baéfue, nin amuen sofue, nin bé kwlaa nga bé bua atô'n, bé lika lie'n yele sin dan'n bo soufre (*26*) ô nun, b'o dyué'n nun. I ye o ti wié'n i nnyon su nion.

Sa nglô yile 9:21
Ba yatyi'a swran kunle'n, nin baé dile'n, nin bla nin bian kunndele'n, nin awié'n.

1 Pierre 4:7
Liké'n kwlaa bé awiélie'n wa mantan. I so'n ti, anh bu akunndan, anh nian amun wun su nan amuan kwla kôkô yale a klé Nyanmien.

1 Pierre 1:13
I so'n ti, anh bu akunndan, anh nian amun wun su, man amun nyin tran liké nga tyen nga Jésus-Christ wa yi i wun nglô'n oh fah man amun'n su kpa.

Sa nglô yile 18:23
bé su wu'an ke kannin kpadya lo kun. Bé su ti'a bian nin bla bo bé su dya bé wun'n bé nen lo kun. Afin i su aata difue mun ye bé ti asie'n su aata difue dandan nion. I su baéfue'm bé lakalaka nvlénvlé'n kwlaa.

Matthieu 27:34
bé menniin du vin bo bé fa nnen wiwi guaa nun'n ke o non, sannge ke o woo su'n, wa nonman.

1 Corinthefue 6:9-19
[9] ?An si'a ke sa tete yôfue'm bé su yô'a men nga Nyanmien siéé'n i nunfue mlonmlon? Nanh an laka amun wun, afin bla annze bian kunndefue, nin amuen sofue, nin yasua b'o kunnde bla i yi bô annze bla b'o kunnde bian i wun bô'n, nin yasua b'o kunnde i wiéngu yasua'n,[10] nin awiéfue, nin swran bo i nyin yi'a liké'n, nin nzanbôefue, nin nzôwa kpefue, nin swran b'o dé swran liké wué kéklé su'n, i so swran lie'n su yô'a men nga Nyanmien siéé'n i nunfue mlonmlon.[11] Ke laa amun nun swran wié'm bé ti soo. Sannge sien'n, Nyanmien a wunnzin amun, wa fa amun a katyi i lie mlonmlon, wa bu amun swran kpa é Min Jésus-Christ dunman nun, nin i Wawe'n i fanngan nun.[12] N kwla sa'n kwlaa yô, sannge liké ngba yô'a min wun sa yé, n kwla sa'n kwlaa yô, sannge n klô'a ke n fa min wun man liké fi mlonmlon.[13] Alie'n ti bé klun ôwié, ye bé klun'n kusu te alie'n i di guawle, sannge Nyanmien o wa satyi liké nnyon so'n. Bé wunnen'n kusu ti'a liké bo bé fa katyi bla kunndele nin bian kunndele likéo, sannge o ti é Min'n i lie, ye é Min'n kusu ti bé wunnen so'n i lie.[14] Nyanmien bo i fanngan nun ye é Min'n tyennin'n, o man éh tyenh wié.[15] ?An si'a ke an ti Christ i wunnen'n i lika'n wié? ?N kwla fa Christ i wunnen so'n i bué fa katyi téklé bla kun lie? N kpla é![16] ?An si'a ke swran b'o nin téklé bla kun bé san nun'n, wuun ba katyi swran wunmuan? Afin bé klee ke «bé nnyon'n béh katyih swran wunmuan.»[17] I kunngba nion, swran b'o nin é Min'n katyi kun'n, bé wawe'n se.[18] Anh wla bla nin bian kunndele'n i asé. Sa te kwlaa bo swran yô'n o ti'a bé kplô nun nde, sannge swran ng'o kunnde bla annze bian'n, o yô i so sa lie'n gue i bobo kplô'n nun.[19] ?An si'a ke amun wunnen'n ti Nyanmien i Wawe'n b'o fa maan amun b'o ô amun nun'n i sua, o man an di'a amun tiaun?

1 Thessaloniquefue 5:6-8
[6] I so'n ti, nanh man é lafi ke swran wié'm bé lie'n sa, sannge man é nian é wun su é tran minndee.[7] Kongue ye bé lafio, kongue ye bé non nzan bôo.[8] Sannge é bo é ô wia'n nun'n, man é nian é wun su. Man Christ su bo é lafi'n nin é swran nin Nyanmien klôle'n o yô ke liké kôklôkô bo é fa kata é wué'n su'n sa. Man é ti bo é wla ô su ke éh nyenh'n o yô ke kpôngbô klé sa.

1 Corinthefue 10:13
Sa kwlaa ng'o to amun su'n, nanh amun ngunmin ye o to amun suo. É kwla fa é wla'n kwlaa gue Nyanmien su, afin o kpli'an su ke sa ng'o so'an amun nun'n o to amun su. I so'n ti, se sa to amun su'n, o man o son amun nun, yele ke o yô sa nga b'o man an kwla fité nun'n.

Jean 10:10
Bua'm bé wuale, nin bé kunle, nin bé nunnunle ti ye awiéfue'n baa, sannge n lie'n ke o kô yô nan bua'm ba nyan nguan, nan ba nyan bé ti, nan bé wun a dyo bé fouun'n ti ye m balio.

1 Thessaloniquefue 5:6
I so'n ti, nanh man é lafi ke swran wié'm bé lie'n sa, sannge man é nian é wun su é tran minndee.

1 Corinthefue 6:10
nin awiéfue, nin swran bo i nyin yi'a liké'n, nin nzanbôefue, nin nzôwa kpefue, nin swran b'o dé swran liké wué kéklé su'n, i so swran lie'n su yô'a men nga Nyanmien siéé'n i nunfue mlonmlon.

Tite 1:7-8
[7] Man asonun sunianfue'n yô swran bo bé kwla satyi'e i wun kaan sa, afin o nian Nyanmien ninngé'm bé su. Nanh mon o yô swran b'o yô i bobo i klun sa, nin ya fafue, nin nzanbôefue, nin utré klôfue, nin swran b'o kunnde sika i wafa ng'o ti'e i su'n.[8] Sannge mon o yô swran b'o ti aklunyéfue, b'o klô sa ng'o ti kpa'n, b'o yô sa i nuan su, b'o ti swran kpa, b'o ti Nyanmien lie mlonmlon, b'o si i bobo wun su nian.

Tite 3:1
Kpen bé wla ke bé bu bé nga bé sié bé'n nin bé nga bé dyran bé dya nun'n bé swran, man bé nyin yi bé, sa kpa kwlaa nga bé sé bé ke bé yô'n, man bé yô.

Jean 1:2
O nin Nyanmien bé ô le lalaa.

Romefue 13:13
Man é yô sa bo bé ti nanwle'n ke é ô wia klénglé kpa'n nun sa. Man é yatyi nzanbôe'n, nin nzanbôe nyôlie'n, ye bé wun wannzô yôle'n, bla nin bian kunndele'n, wlaka bôle'n, utré'n, nin swran nyin tyile'n.

Galatiefue 5:16
N sé ke yiô: Anh yô sa nga Nyanmien Wawe'n klé amun'n ye an su yô'a liké nga klo swran kônvi soe'n kun.

Romefue 13:1-2
[1] Man swran'n kwlaa bé nyin ye ngbenngben mun, afin swran fi kwla di'a kpenngben bo nanh Nyanmien ye o sié io. Ye bé nga bé ô le nde bobo'n, Nyanmien ye o siéé béo.[2] O man swran ng'o dyaô bé wun'n, wuun wa yô nyin kéklé Nyanmien su. Bé nga bé yô nyin kéklé so'n, bé kpe bé bobo bé wun sae ba.

1 Corinthefue 6:9-10
[9] ?An si'a ke sa tete yôfue'm bé su yô'a men nga Nyanmien siéé'n i nunfue mlonmlon? Nanh an laka amun wun, afin bla annze bian kunndefue, nin amuen sofue, nin yasua b'o kunnde bla i yi bô annze bla b'o kunnde bian i wun bô'n, nin yasua b'o kunnde i wiéngu yasua'n,[10] nin awiéfue, nin swran bo i nyin yi'a liké'n, nin nzanbôefue, nin nzôwa kpefue, nin swran b'o dé swran liké wué kéklé su'n, i so swran lie'n su yô'a men nga Nyanmien siéé'n i nunfue mlonmlon.

1 Pierre 5:10
Ke an wun nyrennen lé nnyon kun'n, Nyanmien Aklunyéfue Kpli'n b'o flee amun ke an nyan nyrun titi, swran wunmuan bo amun nin Christ a katyi'n ti'n, i bobo man amunh yôh swran kpa mlonmlon. Oh yôh man amunh dyranh kéklé, oh wlah amun fanngan, o man amun wun su usu'a amun.

Philippesfue 1:6
N si wéiin kpa ke Nyanmien b'o bô liké nga b'o man an yô kpa'n i bô'n, oh yôh i so lélé oh gueh i bô Christ-Jésus i bale tyen'n nun.

Romefue 15:13
Man Nyanmien bo é nyin ô i sin'n o man amun klun dyo, ye an di aladyé i su bo an lafi'n ti, nan Nyanmien Wawe'n i fanngan nun amun nyin tren i sin tititi.

Hébreu 12:1
I so'n ti, ke swran kpanngban kpa bo bé kan Nyanmien sulafile nde'n bé sin yia é kukukuku'n, man é kusu é gua liké kwlaa ng'o tanndan é nun'n bé asé, man é wla sa te'n kwlaa asé, afin o fi'an wa dyu'a wa nan wa tanndan é dya nun. Man é mian é nyin sin lika nga bé klé yé'n nun.

Lingala Bible 1974
© Alliance Biblique Universelle 1974