A A A A A

Additional: [Sadness]


Matthieu 5:4
Bé nga bé wla a bô'n, bé lie su ti yé, afin Nyanmien wa fonvo bé!

Matthieu 11:28
Amun kwlaa bo an sua tro bo amuan fe'n, anh bla n sin, nh sikéh amun, ye amunh déh wunmien.

1 Pierre 5:7
Anh kôkô sa kwlaa ng'o ô amun su'n kléé, afin i ye o nian amun likaa.

1 Corinthefue 10:13
Sa kwlaa ng'o to amun su'n, nanh amun ngunmin ye o to amun suo. É kwla fa é wla'n kwlaa gue Nyanmien su, afin o kpli'an su ke sa ng'o so'an amun nun'n o to amun su. I so'n ti, se sa to amun su'n, o man o son amun nun, yele ke o yô sa nga b'o man an kwla fité nun'n.

1 Pierre 5:6-7
[6] I so'n ti, anh yô amun wun aénvue Nyanmien Kpli'n i nyrun nan se tyen ng'o siéli'n dyu'n, wa man amun su.[7] Anh kôkô sa kwlaa ng'o ô amun su'n kléé, afin i ye o nian amun likaa.

Romefue 12:2
Nanh an yô ke swran'm bo bé ô le nde'n bé sa, sannge man Nyanmien katyi amun akunndan'n nan an katyi mlonmlon. Ke o kô yô so'n, amunh wunh Nyanmien i klun sa'n i wle, amunh sih sa ng'o ti kpa, b'o dyo i klun, b'o man amun yôh kpa'n.

Sa nglô yile 21:3-4
[3] N tii swran kun nen kéklé kpa bia'n wun lo, o sé ke: Sien'n Nyanmien tranwle'n wô swran'm bé afien! O nin béh tranh, béh yôh i swran, ye i bobo yôh bé Nyanmien.[4] Oh nunnunh bé nyinmuen'n kwlaa, wié'n nu'an le kun. Bé su yô'a se kun, bé su su'an kun, bé su wu'an nyrennen kun, afin laa ninngé so'm bé nu'an le kun.

Romefue 12:15
Se swran kun i klun dyo'n, mon o yô amun fe, se swran kun sunh'n, mon o yô amun annvo.

Sa nglô yile 7:16-17
[16] Awé su ku'an bé kun, nzué wé su ku'an bé kun, wia'n su bô'a bé kun aunyeye su ku'an bé kun.[17] Afin Bua Gbanflen'n b'o ô bia'n i afien le'n, i ye oh tah béo, oh fah bé ko nzué ti'm bo bé man nguan'n bé nuan, ye Nyanmien nunnunh bé nyinmuen'n kwlaa.

ÉphÈsefue 4:30
Nanh an bô Nyanmien Wawe'n i wla, afin i ye Nyanmien fa maan amun b'o klé ke an ti i lie lélé fa dyu tyen nga éh nyanh é ti mlonmlon nion.

2 Corinthefue 7:10
Afin kôkôle nga Nyanmien man swran kôkô'n i agualie yele nzuen katyile b'o man swran nyen i ti'n, i so lie'n yô'a ya. Sannge klo swran kôkôle lie'n i agualie yele wié.

Matthieu 27:46
Nnosua wia so'n nun Jésus kpaan kéklé kpa, o sé ke: ?Éli, Éli, lama sabaktani? bo i bô yele: ?Min Nyanmien, min Nyanmien, nzu ti ye a wanndi mion?

1 Pierre 1:6-7
[6] I so'n ti, kannze ke é sé ye'n, sa fanunfanun b'o to amun su'n ti amun wla bô lé nnyon kun'n, man amun klun dyo. Sa so'n b'o to amun su'n, o ti su,[7] i so'n nun ye béh wunh ke an lafi Nyanmien su kpaa. Sika okwle bo tyen wié oh satyih'n, bé klôé nian. Amun kusu ke an lafi Nyanmien su'n, an ti kpa tra sika okwle, sannge san béh sah amun nian. Ye ke bé wun ke an lafi i su kpa'n, tyen nga Jésus-Christ wa yi i wun nglô'n, béh manmanh amun, béh yih amun aye, béh yôh amun mô.

Philippesfue 4:7
Ye Nyanmien man amun wun dyoh amun fouun bo an su wu'en i bô mlonmlon. Aundyue so'n man amun wla su bôman, ye amun akunndan su sannganman, swran wunmuan bo amun nin Christ-Jésus ti'n ti.

Romefue 8:18
Ke m bu anyrunnyan liké nga Nyanmien wa yi i nglô klé yé'n i akunndan'n, m bu'a nyrennen nga é wuin nde'n, i liké fi.

Hébreu 10:24-25
[24] Man é bu é wiéngu'm bé akunndan é wla bé fanngan nan bé klô bé wun, bé yô swran yé.[25] Nanh man é yatyi yiale'n ke swran wié'm bé yô'n sa. Sannge man é yia, é tu é wun fo. Sien'n bo an wun ke é Min'n i tyen'n su mantan'n, anh yôé so tra su.

2 Corinthefue 1:3-4
[3] É Min Jésus-Christ i Si Nyanmien i kwla ô! O ti é Si, o si aunnvue, o ti Nyanmien, o dyran é sin sa'n kwlaa nun.[4] Sa kwlaa b'o to é su'n, i ye o fonvo yéo, o man fonvole kunngba ng'o fa fonvo yé'n, é kusu é fa fonvo wié mun sa kwlaa b'o to bé su'n nun!

Matthieu 22:36-40
[36] ?Ndya, mmla'n i nun dan'n yele ônin?[37] Jésus sé i ke: «Klô o Min Nyanmien'n kpa, fo o wla'n kwlaa gue i su, man wo akunndan'n kwlaa tren i su.»[38] I ye o ti mmla klikli nin i nun dan nion.[39] Ye nien i nnyon su b'o fe'n: «Klô o wiéngu ke a fa klô o bobo wun'n sa.»[40] Mmla nnyon nga su ye mmla'n nin Nyanmien nuan idyofue'm bé nde'n kwlaa takaa.

Jean 10:10
Bua'm bé wuale, nin bé kunle, nin bé nunnunle ti ye awiéfue'n baa, sannge n lie'n ke o kô yô nan bua'm ba nyan nguan, nan ba nyan bé ti, nan bé wun a dyo bé fouun'n ti ye m balio.

Sa nglô yile 21:4
Oh nunnunh bé nyinmuen'n kwlaa, wié'n nu'an le kun. Bé su yô'a se kun, bé su su'an kun, bé su wu'an nyrennen kun, afin laa ninngé so'm bé nu'an le kun.

Hébreu 13:5
Liké nga amunh yôh'n, nanh an yôé sika klôle'n ti. Man amun nyin yi liké nga an lee'n, afin Nyanmien bobo sé ke, «o su yatyi'a o, o su kpotyi'a o mlonmlon.»

Philippesfue 4:6-7
[6] Nanh amun kôkô sa fii su, sannge sa'n kwlaa nun, nin liké kwlaa ng'o mian amun'n, anh kan klé Nyanmien, anh sree, anh dyran su kpa, ye anh le i asé.[7] Ye Nyanmien man amun wun dyoh amun fouun bo an su wu'en i bô mlonmlon. Aundyue so'n man amun wla su bôman, ye amun akunndan su sannganman, swran wunmuan bo amun nin Christ-Jésus ti'n ti.

Lingala Bible 1974
© Alliance Biblique Universelle 1974