A A A A A

रहस्य: [एलियंस]


कुलुस्सियों 1:16
एन्‍देरगेका आस तिम उर्मी आलॊ गढ़रा। मेर्ख़ा ता अरा ख़ॆख़ेल ता उर्मी, ऎथ्रना अरा मल ऎथ्रना उर्मी, बॆल-गदिया गुट्ठी मलता सवंग गुट्ठी, अक्स'उर मलता अदिया गुट्ठी उर्मी आस तिम अरा आस गेम गढ्रकी र'ई।

इफिसियों 2:19
औंगे अक्‍कु नीम नन-राजीतर अरा सुगबासुर मलदर। लिकिन नीम नेम्‍हा आलर गने ओन्टे राजी नू ओक्करना ही अदिया ख़क्ख्रका अरा धर्मेसी एड़पा ता आलर मंजकादर।

इफिसियों 6:12
एन्‍देरगेका नम्‍है ई अरबानख्रना ख़ॆंस अरा अहड़ा ती लेका मला। ईद मलदौ राजी ननुर गे, अरा मल ऎथरना सौंसे ही अदिया गुट्ठी गे, अरा ई ख़ॆख़ेल ही ऊख़ा ही कोड़हे सवंग गुट्ठी गे, अरा ताका ही राजी ता मलदौ बॊलता गुट्ठी गे बिड़दो नू र'ई।

इब्रानियों 11:13
पत्त'अना ती उज्‍जका इबड़ा ओर्मा आलर खे'अना बेड़ा नू हूँ आ पत्त'अना ती केच्‍चर। एन्‍देरगेका गच्‍छरका आलॊ गुट्ठिन आर आ बेड़ा नू मल ख़क्‍खियर। लिकिन अबड़न गेच्‍छा तिम ईरियर अरा परघाचर ती रिझ्रर। अरा आर इंझ्रर का आर ख़ॆख़ेल नू बहरीतर अरा नन-राजियतर।

इब्रानियों 13:2
मल ईरका आलारिन पाही ऎरा गे अमा मोध्र'आ। एन्‍देरगेका एन्ने पाही ऎरना चड्डे जोक्‍क आलर बलना ती मेर्ख़ा पैकारिन हूँ पाही ईरियर।

१ पतरस 2:11
अना चोन्हा आलारो, नीम ख़ॆख़ेल नू जोक्का उल्ला गे र'उर अरा बहरीतर लेक्खा र'अदर। औंगे ऎन निमन आनदन का नीम मॆद ही रिझ रंग गुट्ठी ती तरकूटी र'आ, एकदा निम्है बॊलता ही बिड़दो अरबा-नख्र'ई।

प्रेरितों के काम 19:35
तहाँ नगरे ता अक्‍स'ऊ आलस गोंहड़ा आबोन कलेकसे नंजस ती बाचस, “इफेसुस नगरे ता आलारो, ओर्मर अख़दर का इफेसुस नगरे कोहाँ देवी अरतेमिस ही मन्‍दिर आबोन उइय्का नगरे हवे, अरा अदही मूर्ती मेर्ख़ा ती खत्रका हवे।

प्रकाशित वाक्य 12:12
औंगे अनय मेर्ख़ा गुट्ठी, अरा अबड़ा नू र'उरो, रिरयार'आ। लिकिन अनय ख़ॆख़ेल अरा समुदर निम्‍है मइय्याँ ओहरे, एन्देरगेका नाद निम्‍है मइय्याँ इत्तकी बरचकी र'ई। आद कोड़हे खींस ती निंदकी र'ई, एन्देरगेका आद अख़'ई का तंग्है बेड़ा अक्‍कुन जुक्‍किम र'ई।”

प्रकाशित वाक्य 13:1
इदही ख़ॊख़ा ऎन ओन्टा मेक्‍खोन समुदर ती उरखना ईरकन। अदगे दस गोटा मरग अरा सात गोटा कुक्‍कु रहचा, अरा अदही मरग गुट्ठी नू दस गोटा मुकुट रहचा, अरा उर्मी कुक्कु नू धर्मेसिन हींड़ना नामे लिख्रकी रहचा।

प्रकाशित वाक्य 9:7-11
[7] अबड़ा बोक्‍खो ही ऎथ्रना लड़ाई गे सपड़ाचका घोड़ो लेक्‍खा ईथ्र'ई। अरा अबड़ा ही कुक्कु गुट्ठी नू सोना ही मुकुट बेसे इन्द्रिइम रहचा, अरा अबड़ा ही मुंही आलर ही मुंही लेक्‍खा रहचा।[8] अरा अबड़ा ही कुक्कु ता चुट्टी मुक्‍कर ही कुक्कु ता चुट्टी लेक्‍खा रहचा, अरा अबड़ा ही पल्‍ल लकड़ा ही पल्ल लेक्‍खा रहचा। [9] अरा अबड़ा गे पन्ना ही झिलम लेक्खा झिलम रहचा। अरा अबड़ा ही डेना ही ख़रख़ना लड़ाई गे बग्‍गे घोड़ो पुन्दका रन्‍थ गुट्ठी ही जॊर बोंगना ही ख़रख़ना लेक्‍खा रहचा। [10] अरा अबड़ा ही ख़ॊला अरा टुटी बिछी ही लेक्‍खा रहचा। अरा अबड़ा ही ख़ॊला नू आलारिन पाँच महिना गूटी दुक्‍खे सारत'अना ही सवंग रहचा।[11] भयभयान ख़ोड़ख़ा गड्डी ही मेर्ख़ा पैकस दिम अबड़ा ही मइय्याँ बॆलस रहचस। आसी नामे इब्रानी भखा नू अबद्दॊन अरा युनानी भखा नू अप्‍पोल्लयॊन हवे।

Kurukh Bible 2014 Kurux
No Data