A A A A A

मठ के संकेत: [नंबर 3]


१ तीमुथियुस 2:5
एन्‍देरगेका धर्मेस ओन्‍टे लेका र'अदस। धर्मेस अरा आलर ही मझी नू ओन्‍टे कुना मेसाब‍'ऊ र'अदस। आ आलस मसी येसुस दिम हिकदस।

२ तीमुथियुस 3:16
धर्मेसी उर्मी नेम्‍हा कत्‍था धर्मेसी रस्‍सका लिख्रकी र'ई। आद आलारिन मानिम आबोन सिखाब'आ गे, अरा आलारिन तम्‍है उज्‍जना ही मलदौ आबोन बुझाब'आ गे, अरा आलर तम्‍है मलदौ आबोन अम्‍बत'आ गे, अरा एकासे उजगो उज्‍जना र'ई अदन सिखाब'आ गे सहाड़ा ननू र'ई।

प्रेरितों के काम 17:28
एन्‍देरगेका नाम आसी नू उज्‍जदत अरा कुद्दत नुंगदत अरा बड़ियर र'अदत। एकासे का निम्‍है जोक्‍क डंडी लिख'उर बाचकानर, ‘ऎम गा आसी ख़द्दम हिकदम।’

कुलुस्सियों 2:9
एन्‍देरगेका मसीस नू धर्मे बारना ही उर्मी आलॊ आल रूपे नू मड़चकी र'ई।

इब्रानियों 4:12
धर्मेसी कत्‍था गा उज्‍जना अरा सवंगिय अरा उर्मी अखी-पखी धारे तलवार ती कोड़हे धारे र'ई, अरा आद जिया अरा बॊलता, अरा टोकना टोकना अरा ख़ॊचॊल ही गुद्दा गुद्दा गूटी अंड़सत'ई ती भगि'ई चि'ई, अरा जिया ही सोच अरा मने गुट्ठिन दहदर ननी।

यूहन्ना 4:24
धर्मेस बॊलतस हिकदस, औंगे नॆ आसी महबा नन्‍नर, आर गे तम्‍है बॊलता गने अरा मानी जिया ती आसी महबा नन्‍ना र'ई।”

मत्ती 12:40
यॊनास एकासे तीन उल्‍ला माख़ा कोहाँ इंजो ही कूल नू रहचस, अन्नेम मनवा ख़द्दन ऎन तीन उल्‍ला माख़ा ख़ॆख़ेल भितरी र'ओन।

प्रकाशित वाक्य 1:4
ऎन यॊहन आसिया देस ता अबड़ा सतियो कलीसिया गुट्ठी गे एन्देर लिखदन का: नॆ र'अदस, अरा रहचस, अरा बर'ऊ र'अदस आ धर्मेस ती निमा मया अरा कोड़े बर'अन नेकअन। अरा आसी बॆल-गदिया मुन्दहारे र'ऊ सतियो बॊलता गुट्ठी ती,

तीतुस 1:12
ईर ही तिम ओर्तो क्रॆस आलस एन्ने बाचस, “ई क्रॆस आलर सगरो ठकवा हिकनर, अरा दनवा मेक्‍खो गुट्ठी लेक्‍‍खा र'अनर अरा लंडी पेटहा र'अनर।” आसिन ईर तम्‍है धर्मेसी कत्‍था तिंगुस ब'आलियर।

१ कुरिन्थियों 15:33
अमके ठगर'आ, मलदौ आलर गने भिंडरना दौ ऎकनन बगड़'ई चि'ई।

१ यूहन्ना 5:7-9
[7] औंगे नमा गे इबड़ा तिनियों गोवाह चि'ई। [8] नेम्हा बॊलतस, अरा अम्मु, अरा ख़ॆंस इबड़ा तिनियों ओन्टेम गोवाहन चि'ई।[9] नाम आलर ही गोवाहन पत्त'अदत। अन्ने होले धर्मेसी गोवाह गा अत्रु ती कोहाँ र'ई। एन्देरगेका धर्मेस तंग्है ख़द्दासी पत्त नू चिच्का गोवाह ईदिम हवे।

यूहन्ना 3:16-18
[16] धर्मेस गा ख़ॆख़लन एन्ने कोड़हे चोन्‍हा नंजस का आस तंग्‍है ओर्त लेका ख़द्दासिन चिच्‍चस। औंगे एकार आस नू पत्त'अनर आर मल नठार'ओर, लिकिन जनमजुग ही उज्‍जनन ख़क्‍खोर।[17] धर्मेस तंग्‍दासिन ख़ॆख़ेल नू ख़ॆख़लन नेंव‍ई नना गे मल तइय्यस, लिकिन आस ती ख़ॆख़लन नाड़ा गे त‍इय्यस।[18] नॆ धर्मेसी ख़द्दस नू पत्त'अदस, आस गे दंडे ही नेंव‍ई मल मनी। लिकिन नॆ आस नू मल पत्त'अदस, आस गे दंडे ही नेंव‍ई मंज ख़च्‍चकी र'ई, एन्‍देरगेका आस धर्मेसी ओर्त लेका ख़द्दासी नामे नू मल पत्त'अदस।

Kurukh Bible 2014 Kurux
No Data