A A A A A

जिंदगी: [सुंदरता]


१ पतरस 3:3-4
[3] बिनयारना खोपा मुलरना, अरा सोना ही सिंगार, अरा नापे नापे किचरी गुट्ठी ती अत्तना कुन्दरना ही बहरी ता सिंगार ही पत्त नू अमा सोच'आ। [4] लिकिन निम्है सिंगार गा निम्है भितरी उज्जना ही सिंगार र'अना र'ई। नीम निमन लुदऊ अरा सल जिया ती सिंगार'आ। ईदिम मल नठारना सिंगार हवे, अरा धर्मेसी ऎरना नू कोड़हे मान ही र'ई।

२ कुरिन्थियों 4:16
औंगे ऎम पछली मल किर्दम। बहरी ता एम्‍है मॆद गा खे'आली, लिकिन भितरी ता एम्है बॊलता उल्‍लन ती पत्ती पुना मन्नुम क'ई।

इफिसियों 2:10
एन्‍देरगेका नाम दौ नलख गुट्ठिन नना गे मसी येसुस नू पुना गढ़्रका धर्मेसी करिगरी र'अदत। अबड़न नमा नना गे धर्मेस मुन्द तिम अबड़न सपड़ाचकादस।

फिलिप्पियों 4:8
छेद्दे नू अना भईरो, एका एका कत्‍था मानिम र'ई, अरा एका एका कत्‍था मईन जॊगे र'ई, एका एका कत्‍था उजगो र'ई, अरा एका एका कत्‍था निमन र'ई, अरा एका एका कत्‍था चोन्हा र'ई, अरा एका एका कत्‍था दौ नामे ख़क्ख्र'ऊ र'ई, अरा एका एका कत्था कोड़हे बॆस अरा ओहमा जॊगे र'ई, अबड़ा ही पत्त नू लेका सोचते र'आ।

रोमियों 8:6
आलर ही मने पाप सुबहा ही तबे नू र'ई होले आर खे'अना तरा कानर। आलर ही मने बॊलतस ही तबे नू र'ई होले आर उज्‍जना अरा कोड़े तरा कानर।

मत्ती 6:28-29
[28] अरा किचरी डोड्डो ही पत्त नू अमा घोख'आ। ख़ल्ल ही पूंप गुट्ठी ही पत्त नू सोच'आ, अबड़ा एकासे परदी। अबड़ा नलख मल ननी अरा तमा गे किचरी मल कम'ई।[29] अन्नु हूँ ऎन निमन ब'अदन, सालोमॊन बॆलस एका कोहाँ उरुब आलस रहचस, लिकिन आस इबड़ा पूंप ती ओन्टा बेसे हूँ फबना मल अत्तका रहचस।

१ तीमुथियुस 2:9-10
[9] अन्नेम मुक्‍कर इल्चका लज्‍जे ती दौ गने दौले अत्तरकुन्‍दर‍'अर सिंगरारनर नेक‍अन। चुट्टी बिनयारना अरा सोना मोती गुट्ठी अरा बग्‍गे दामी किचरी गुट्ठी ती सिंगरारना मला।[10] लिकिन धर्मेसिन मानिम गने ओहमा महबा ननू मुक्‍कर बेसे बॆस नलख गुट्ठी ती तमन सिंगर'अना र'ई।

गलातियों 3:26-27
[26] अरा नीम ओर्मर गा मसी येसुस म‍इय्याँ ता पत्त'अना ती धर्मेसी ख़द्दर मंजकादर।[27] निम्‍है ती नॆ नॆ मसी नू नॊड़रकानर, अबड़र तम्‍है उज्‍जना नू मसीसिन ऎदनर।

याकूब 1:23
एका ओर्तस कत्‍थन मेन्दस अरा अदही लेक्‍खा मल नन्दस, आस ऐना नू तंग्‍है मुहिन ईरू आलस लेक्‍खा र'अदस।

मत्ती 23:28
एन्नेम नीम आलर गे उजगो ऎथ्रदर, लिकिन जिया भितरी उतुरमाड़ना अरा नॆग टांड़ना निंदकी र'ई।

Kurukh Bible 2014 Kurux
No Data