A A A A A

परमेश्वर: [आज्ञाओं]


मरकुस 10:19
आलारिन अमके पिटा, नन्ना आली गुसन अमके काला, अमके ख़ड़'आ, बेगर नू अमके ब'आ, अमके ठक'आ, निंग्‍है अयंग बंगन म‍ईन नना, धर्मेसी इबड़ा पॆसकन नीन अख़दय।”

लूका 18:20
आलारिन अमके पिटा, नन्ना आली गुसन अमके काला, अमके ख़ड़'आ, बेगर नू अमके ब'आ, निंग्‍है अयंग बंगन म‍ईन नना, धर्मेसी इबड़ा पॆसकन नीन अख़दय।”

मत्ती 22:34-40
[34] येसुस सदुकीर ही बईन उट्टस ब'अरकी फरिसीर मेंजर ख़ने, आर ख़ॊंड़रर ती भेंट मंजर।[35] अबड़र ती ओर्तोस नॆ यहूदी नॆग गुट्ठिन दौले अक्‍खस, आस आसिन बिढ़'आ गे में‍जस, [36] “अना गुरु! मूसासी नॆग नू उर्मी ती कोहाँ पॆसका एकदा हवे?”[37] अरा येसुस आसिन बाचस, “नीन निंग्‍है धर्मे उर्बासिन निंग्‍है उर्मी जिया अरा निंग्है उर्मी बॊलता अरा निंग्है उर्मी लूर गने चोन्‍हा नना।[38] कोहाँ अरा मुद्ध पॆसका गा ईदिम हवे।[39] अरा ईद लेक्‍खा दोसरा पॆसका ईद हवे, ‘नीन निंगन एकासे चोन्‍हा नन्‍दय अन्ने निंग्‍है अर्बा-पर्बारिन चोन्‍हा नना।’ [40] इबड़ा ऎंड़ पॆसका दिम सौंसे नॆग अरा धर्मेसी कत्‍था तिंगुर ही मूली हवे।”

रोमियों 13:9
एन्‍देरगेका नॆग ब'ई, “नन्ना आली गुसन अमके काला, अमके पिटा, अमके ख़ड़'आ, नन्नर ही जिनिसन अमके चिबाख़ार'आ।” अरा इबड़ा गने अउरिम पॆसका जुमर'अरकी ई नॆग र'ई का, “निंग्‍है अरबर-परबर गने निंग्‍है लेक्‍खा चोन्‍हा नना।”

मत्ती 19:16-19
[16] ओंग्‍होल ओर्त आलस येसुसी गुसन बरचस ती बाचस, “अना गुरु, मुंजामलका उज्‍जना ख़क्‍खा गे ऎन एन्‍देर दौ नलख नन्ना र'ई?”[17] येसुस आसिन बाचस, “नीन एंग्‍है ती दौ ही पत्त नू एन्‍देरगे मेन्‍दय? धर्मेस लेका दौ र'अदस, अन्‍ति नीन जनमजुग उज्‍जना नू कोर'आ बेद्ददय होले, पॆसकन पॆस्र'आ।”[18] आ आलस मेंजस, “एका पॆसका?” येसुस बाचस, “ईद का, अमके पिटा, नन्‍ना आली गुसन अमके काला, अमके ख़ड़'आ, बेगर नू अमके ब'आ,[19] तंग्‍है अयंग बंगन मईन नना, अरा तंग्‍है अरबर-परबर गने तंग्‍है लेक्‍खा चोन्‍हा नना।”

मत्ती 22:36-40
[36] “अना गुरु! मूसासी नॆग नू उर्मी ती कोहाँ पॆसका एकदा हवे?”[37] अरा येसुस आसिन बाचस, “नीन निंग्‍है धर्मे उर्बासिन निंग्‍है उर्मी जिया अरा निंग्है उर्मी बॊलता अरा निंग्है उर्मी लूर गने चोन्‍हा नना।[38] कोहाँ अरा मुद्ध पॆसका गा ईदिम हवे।[39] अरा ईद लेक्‍खा दोसरा पॆसका ईद हवे, ‘नीन निंगन एकासे चोन्‍हा नन्‍दय अन्ने निंग्‍है अर्बा-पर्बारिन चोन्‍हा नना।’ [40] इबड़ा ऎंड़ पॆसका दिम सौंसे नॆग अरा धर्मेसी कत्‍था तिंगुर ही मूली हवे।”

मत्ती 10:17-22
[17] लिकिन आलर ती चिहुंक र'अके। नीम एंग्‍है गने चॊख़र'उर र'अना चड्डे आर निमन कोहाँ सभा गुट्ठी नू चि'ओर अरा तम्‍है गोड़हा एड़पा नू कोर्रा ती ल'ओर।[18] अरा नीम राजीखापुर अरा बॆलर ही मुन्‍दहारे इजतार'ओर। लिकिन ईद आर गे अरा नन-यहूदीर गे एंग्‍है पत्त नू तेंगा गे निमा मोका हवे।[19] इकला निमन हें'ओर नीम अमके घोख'आ का ऎम एकासे तेंगोम महले एन्‍देर ब'ओम। लिकिन निमन एन्‍देर ब'अना र'ई अदिन आ बारिम तेंगतार'ओ कालो।[20] एन्‍देरगेका ईद ब'ऊ नीम मलदर, निम्‍है बंगासी बॊलतस निम्‍है ती ब'ओस। [21] आलर तम्‍है भइय्योर अरा बहिनोरिन नट'ओर अरा पिटर'ओर, अरा अयंग-बंग तम्‍है ख़द्द-ख़र्रारिन एन्नेम ननोर। अरा ख़द्द-ख़र्रर तम्‍है अयंग-बंगर ही बिड़दो चो'अरकी पिटत'ओर।[22] नगदे आलर निमन बिड़दो ननोर एन्‍देरगेका नीम एंग्‍है गने चॊंख़्रकर। लिकिन नॆ तम्‍है उज्‍जना ही मुंज्रना गूटी सह'ओर, आरिम जनमजुग ही दंडे ती बछर'ओर।

रोमियों 13:8-14
[8] अपन ती नन्नर नू चोन्‍हा नन्नन अम्‍बरकी एकअम हूँ कत्‍था नू नॆखा हूँ नहड़ा अमा मना। एन्‍देरगेका नॆ तंग्‍है अरबर-परबर गने चोन्‍हा नन्दस आसिम नॆगन पूरा नंजका र'अदस।[9] एन्‍देरगेका नॆग ब'ई, “नन्ना आली गुसन अमके काला, अमके पिटा, अमके ख़ड़'आ, नन्नर ही जिनिसन अमके चिबाख़ार'आ।” अरा इबड़ा गने अउरिम पॆसका जुमर'अरकी ई नॆग र'ई का, “निंग्‍है अरबर-परबर गने निंग्‍है लेक्‍खा चोन्‍हा नना।” [10] चोन्‍हा अरबर-परबर ही एन्‍देर हूँ मलदौ मल ननी, औंगे नॆ चोन्‍हा नन्दस आस उर्मी नॆगन पॆस्रदस।[11] अक्‍कुन ता बेड़ा एकासे र'ई एन्ने अख़'अरकी इदिन नना। निमा अक्‍कु ख़न्‍द्रना ती एजरना ही बेड़ा अंड़सकी र'ई। एन्‍देरगेका एका लेक्‍खा नाम पत्ताचका रहचकत आ बेड़ा ती अक्‍कु नम्‍है नाड़रना हेद्दे र'ई।[12] माख़ा नगदे किर्रिम बिच्‍चकी र'ई अरा बिज्‍जना ही बेड़ा र'ई। औंगे नाम ऊख़ा ही नलख गुट्ठी अम्‍बरकी उजगो उज्‍जना गे बिल्‍ली ही कमहड़ आबोन भिड़'आ।[13] उल्‍ला ता आलर लेक्‍खा नाम उजगो डहरे नू ऎकदत नेकअन। नाम रिझ रंग अरा ऊंक्‍खना अरा पेहरन ही सोतरा नलख अरा लम्‍पट नलख अरा अरबानखरना अरा डाहना आबो ती तरकूटी र'अदत नेक‍अन।[14] लिकिन उर्बस येसु मसीसिन अत्ता हो'आ, अरा पाप मॆद सुबहा गुट्ठी ही चिबाख़ारनन पूरा नन्ना ही सोच आबोन अम्‍बा चि'आ।

मरकुस 12:28-34
[28] ओन्‍टा नॆग सिखाब'उस असन रहचस ती आर ही कत्‍था बरतन मेना लगियस। येसुस सदुकीर गे लूरगर ती किर्त'अर ब'अनन आस ईरियस ती येसुसिन मेंजस, “धर्मेस नमा गे बग्‍गे पॆसका चिच्कादस अबड़ा ती कोहाँ पॆसका एकदा हवे?”[29] येसुस आसिन किर्त'अर बाचस, “उर्मी पॆसका ती ईद कोहाँ हवे। ‘इस्राऎल आलारो एंग्‍हैन मेना, नम्‍है उर्बस धर्मेस ओन्‍टे लेका उर्बस हिकदस।[30] नीन निंग्‍है धर्मे उर्बासिन निंग्‍है उर्मी जिया गने अरा निंग्‍है उर्मी बॊलता गने अरा निंग्‍है उर्मी लूर गने अरा निंग्‍है उर्मी सवंग गने चोन्‍हा नना।’[31] अरा दोसरा पॆसका ईद हवे, ‘नीन निंगन एकासे चोन्‍हा नन्‍दय अन्ने नन्नारिन हूँ चोन्‍हा नना।’ धर्मेस इबड़ा ऎंड़ पॆसका ती कोहाँ एका पॆसकन हूँ मल्‍ला चिच्का।” [32] आ नॆग सिखाब'उस बाचस, “अना गुरु! नीन नगदे बने मानिम बाचकय, धर्मेस ओन्‍टा दिम र'अदस, आसिन अम्‍बरकी नन्ना धर्मेस मलकस।[33] आसिन उर्मी जिया गने अरा उर्मी बुझुरना गने अरा उर्मी सवंग गने चोन्‍हा नना अरा नन्नारिन तंग्‍है लेक्‍खा चोन्‍हा नना। एका दान बस्‍सरनर ती अरगनर अरा नन्ना मदहे दान अरगना ती ईद कोहाँ हवे।” [34] येसुस ईरियस का आस लूरगर ती किर्त'अर बाचस, ख़ने आस आसिन बाचस, “धर्मेस निंगन सेब्‍बा ती राजी नना ओंग्दस।” फिन नॆका हूँ येसुसिन इन्द्रिइम मेना गे डिढ मल मंजा।

यूहन्ना ๑๔:๑๕
नीम एंगन चोन्‍हा नन्‍दर होले, नीम एंग्‍है पॆसका गुट्ठिन मन'ओर।

मत्ती 19:18
आ आलस मेंजस, “एका पॆसका?” येसुस बाचस, “ईद का, अमके पिटा, नन्‍ना आली गुसन अमके काला, अमके ख़ड़'आ, बेगर नू अमके ब'आ,

यूहन्ना 15:10
ऎन एम्‍बासी पॆसका गुट्ठिन मनचका ती आसी चोन्‍हा नू बन्चका र'अदन। अन्ने नीम एंग्‍है पॆसका गुट्ठिन मनदर होले, एंग्‍है चोन्‍हा नू बन्चका र'ओर।

मत्ती 5:17
ऎन मूसासी नॆग अरा धर्मेसी कत्‍था तिंगुर ही कत्‍थन मेट'आ गे बरचकादन एन्ने अमके सोच'आ। अबड़न मेट'आ गे मला लिकिन अबड़न मन्‍ता'आ गे बरचकादन।

यूहन्ना 15:12-17
[12] एंग्‍है पॆसका ईद का एकन्ने ऎन निमन चोन्‍हा नंजकन अन्नेम नीम ओर्त ओर्त गने चोन्‍हा नना। [13] नीकईम तंग्‍है संगेर गे खे'अना ती कोहाँ चोन्‍हा नॆख'आ हूँ मल्‍ला।[14] ऎन एन्‍देर एन्‍देर पॆसकन अदिन नीम नन्‍दर होले, नीम एंग्‍है संगेर र'अदर।[15] निमन अक्‍कुन ती ऎन जॊंख़र मल ब'ओन, एन्‍देरगेका जॊंख़स बलदस का आसी उर्बस एन्‍देर ननालदस। लिकिन निमन ऎन संगेर बाचकादन, एन्‍देरगेका ऎन एम्‍बस ती मेंजका उर्मी कत्‍थन निमन मेन्ताचका र'अदन।[16] नीम एंगन मल चज्‍जकर, लिकिन ऎन निमन चज्जिकादन, अरा नीम कालरकी ख़जपा चि'आ गे अरा निम्‍है ख़ंजपा बन्चका र'आ गे निमन ओक्‍ताचकादन। होले नीम एंग्‍है नामे ती बंगस गुस्ते इन्द्रिइम हूँ ने'ओर, अदन आस निमा गे चि'ओस।[17] नीम ओर्त ओर्त गने चोन्‍हा नना, ईदिम एंग्‍है पॆसका हवे।

Kurukh Bible 2014 Kurux
No Data