A A A A A

परमेश्वर: [आप जिस स्थिति में हैं वैसे ही आ जाएं]


मत्ती 11:27-30
[27] एम्‍बस एंगा गे उर्मी लूर अरा सवंगन सोंपचकादस। अरा नॆ हूँ बलनर का ऎन नॆ हिकदन एम्‍बस लेका अख़दस। अरा बंगस एकास अदिन नॆ हूँ बलनर ऎन लेका अख़दन, अरा ऎन नॆकन नॆकन बंगासिन ऎद'आ बेद्ददन आर अख़'ओर।[28] अना उर्मी अर्ज'ऊ अरा ओत्‍था ती कज्रका आलारो! एंग्‍है गुसन बरा, ऎन निमा ख़न्‍न ऎख़्रत'ओन।[29] एंग्‍है पगसिन नीम चेड़'आ अरा एंग्‍है ती सिख्र'आ, एन्‍देरगेका ऎन नर्मियाँ अरा जिया ती लुदऊ र'अदन, औंगे नीम निम्‍है जिया नू ख़न्‍न ऎख़्र'ओर। [30] एन्‍देरगेका एंग्‍है पगसी सेब्‍बा अरा एंग्‍है चिर्खी नेब्‍बा र'ई।”

यूहन्ना 6:63-65
[63] नेम्‍हा बॊलतस दिम उज्‍जनन चि'अदस, आल सवंग ती ईद मना पुल्ली, एका कत्‍था गुट्ठी निमन तिंकन अबड़ा उज्‍जना चि'ऊ बॊलतस ती हवे।[64] अन्नु हूँ निम्‍है नू जोक्‍कोर मल पत्त'अनर।” (येसुस गा ऒर तिम अक्‍खस का अबड़र ती नॆ नॆ तंगन मल पत्ताचर अरा नॆ तंग्‍है बिड़दो पपहर गे संगे चि'ओस।)[65] फेन येसुस बाचस, “इदगेम ऎन निमन बाचकन का, बंगस ओर्तोसिन एंग्‍है गुसन बर'आ गे मल चि'अदस होले, नॆ हूँ एंग्‍है गुसन बर'आ पोल्‍लनर।”

मत्ती ୧୧:୨୮
अना उर्मी अर्ज'ऊ अरा ओत्‍था ती कज्रका आलारो! एंग्‍है गुसन बरा, ऎन निमा ख़न्‍न ऎख़्रत'ओन।

मत्ती 15:7-9
[7] अना उतुरमाड़ू आलारो, निम्‍है पत्त नू धर्मेसी कत्‍था तिंगू यसायास ठौकम तिंकादस, एकासे का,[8] ‘इबड़ा आलर तम्‍है कत्‍था ती गा एंग्‍है म‍ईन नन्नर, लिकिन ईर मानिम नू एंगन मल पॆस्रनर। [9] ईर अनभनियाँ नू एंग्‍है महबा नन्नर, ईर गा आलर ही कमचका पॆसकन धर्मेसी पॆसका ब'अरकी सिखाब'अनर।’”

मरकुस 10:13-16
[13] उन्‍दुल जोक्‍क आलर ख़द्दारिन येसुस गुसन ओन्‍द्रर का आस ख़द्दर ही म‍इय्‍याँ तंग्‍है ख़ेक्खा उइय्यरकी आसीस ननोस। लिकिन चेलर येसुसिन अम्‍बोर थोकबोकामब'आ ब'अरकी आरिन केप्‍पर।[14] लिकिन येसुस इदन ऎररकी चेलर म‍इय्‍याँ गोसा मंजस। अरा आरिन बाचस, “ख़द्दारिन एंग्‍है गुसन बर'आ चि'आ, आरिन अमा छेक'आ, एन्‍देरगेका नॆ इबड़ा ख़द्दर लेक्‍खा तमन किइय्‍या ननोर आरिन धर्मेस राजी ननोस।[15] ऎन निमन ओन्‍टा मानिम कत्‍था ब'अदन, एकासे ख़द्दर अयंग बंगर गे सोंपरनर अन्नेम एका ओर्तर धर्मेस गे सोंपरनर आरिन दिम धर्मेस राजी ननोस।” [16] फिन आस आरिन ख़िवचियस, अरा आर ही म‍इय्‍याँ ख़ेक्खा उइय्‍यरकी आरिन आसीस नंजस।

याकूब 4:6-8
[6] लिकिन धर्मेस गा ख़ॆख़ेल ता मलदौ ती नाम तरकूटी र'आ गे कोड़हे मया चि'अदस। औंगेम नेम्हा पुथी एन्ने ब'ई का, “धर्मेस फुलई मनुर मइय्याँ बिड़दो मन्दस, अरा लुद'उर मइय्याँ मया नन्दस।” [7] औंगे नीम निमन सौंसे जिया ती धर्मेस गे सोंप'आ चि'आ, अरा नाद गने जुझ्र'आ, अरा आद निम्‍है गुसले उरखो बोग्‍गो।[8] नीम धर्मेस हेद्दे बरा, होले आस हूँ निम्है हेद्दे बर'ओस। अना पपहा आलारो, नीम निम्‍है उज्जना नू मलदौ नलख गुट्ठिन अम्बा चि'आ। दुइभिदया आलारो, निम्है जियन निमन नना।

२ कुरिन्थियों 5:17
औंगे नीकईम मसी नू र'अदस होले, आस पुना गढ़्रना हिकदस। पच्चा कत्‍था गुट्ठी किर्रिम बिच्चिया, पुना उज्जना ऒर मंजकी र'ई।

यूहन्ना 5:24
ऎन निमन मानिम ब'अदन, नॆ एंग्‍है कत्‍थन मेन्‍नर ती एंगन तइय्‍का धर्मेसिन पत्त'अनर, आर जनमजुग उज्‍जनन ख़क्‍खकानर। आर गे दंडे ही पॆसका इकला हूँ मल मनो। आर खे'अना ती कट्टियर अरा उज्‍जना नू कोरच ख़च्चकानर।

रोमियों ୧୨:୧-୨
[୧] अना भ‍ईरो! ऎन निमन बिन्‍ती नन्‍दन का धर्मेस निमा गे नंजकादस आ नलखन सुरता उइय्यरकी नीम निमन धर्मेस गे उज्‍जना दाँड़े बेसे चि'आ, अरा नेम्‍हा उज्‍जना ती आसिन रिझ्रत'आ, इदिम आसी महबा नन्ना ही मानिम डहरे हिके।[୨] ई ख़ॆख़ेल ता आलर ही लेक्‍खा अमा मना, लिकिन धर्मेस ती निम्‍है जिया सुबहन बदल'आ। होले नीम अख़'ओर का निमा एन्‍देर नन्‍ना र'ई एकन्ने धर्मेस बेद्ददस, अरा एन्‍देर दौ र'ई अरा एन्‍द्रा धर्मेसिन रिझतार'ई अरा एन्‍द्रा कोड़हे बॆस र'ई।

इब्रानियों 12:1
औंगे ई लेक्‍खा नगदे बग्‍गे पत्त'अना ती उज्‍जका आलर ही पत्त ता गोवाह गुट्ठी कोहाँ बदाली बेसे नम्‍है ओनबेंड़र'आ र'ई। होले बरा, नाम छिक'ऊ उर्मी आलॊ गुट्ठिन अरा लॆम अड़झ'अना पाप गुट्ठिन अम्‍बोत ती धर्मेस नमा गे उइय्कादस आ बोंगना नू सहना ती चिहुट नन्‍ते बोंगदत नेक‍अन।

यूहन्ना 5:40
अन्नु हूँ आ उज्‍जनन ख़क्‍खा गे नीम एंग्‍है गुसन मल बरदर।

यूहन्ना 6:44-45
[44] एंगन तइय्का बंगस ओर्तोसिन एंग्‍है गुसन मल नतगदस होले, नॆ हूँ एंग्‍है गुसन बर'आ पोल्‍लनर, अरा ऎन छेद्दे उल्‍ला नू आरिन उज्‍जा चॊद'ओन।[45] धर्मेसी कत्था तिंगुर ती नेम्‍हा पुथी नू लिख्रकी र'ई, ‘आर ओर्मर धर्मेस ती सिखाबाचका र'ओर।’ अन्नेम नॆ बंगासिन में‍जका ती आस ती सिख्रर, आर ओर्मर एंग्‍है गुसन बर'ओर।

यूहन्ना 7:37-39
[37] परब ही छेद्दे उल्‍ला मुध उल्‍ला नू येसुस इज्‍जस ती जॊरसरिया बाचस, “नीक‍ईम ओनक'आ सार'आ लगदर होले, एंग्‍है गुसन बरा ती ओना।[38] नेम्‍हा पुथी ब'अना लेक्‍खा एंग्‍है मइय्याँ पत्त'उसी जिया ती उज्‍जना चि'ऊ अम्मु ख़ाड़ लेक्‍खा बाह'ओ उरखो।” [39] तंग्‍है म‍इय्याँ पत्त'ऊ आलर ख़ॊख़ा ख़क्‍खना नेम्‍हा बॊलतासी पत्त नू गा येसुस एन्ने बाचस। अक्‍कु गूटी नेम्‍हा बॊलतस मल चीरकी रहचस, ईगेका येसुस अक्‍कु गूटी तंग्‍है महबा नू मल चॊदकाचस।

इब्रानियों 4:14-16
[14] नमा गे ओन्‍टा कोहाँ नैगस र'अस, आस मेर्ख़ा कोरचस। आसिम धर्मेसी ख़द्दस येसुस हिकदस। औंगे नाम आसी म‍इय्याँ ता नम्‍है पत्त'अना नू बड़ियर र'अदत नेक‍अन।[15] नम्‍है एन्ने कोहाँ नैगस र'अस का नॆ नम्‍है पयहा नू नम्‍है गने दुक्‍खे सार'आ ओंग्दस। आस गा ख़ॆख़ेल नू उज्‍जो बारी उर्मी रकम ती नम्‍है लेक्‍खा बिढ़्रस, लिकिन एन्‍देर हूँ पाप मल नंजस।[16] औंगे नाम डिढ गने नम्‍है धर्मेसी मया ही बॆल-गदिया गुसन बरदत नेक‍अन का असन आस नम्‍है म‍इय्याँ सोग्‍गे ऎरोस, अरा नम्‍है चाड़ ही बेड़ा नू नम्‍है सहाड़ा ननोस ती मया ननोस।

प्रकाशित वाक्य 22:16-17
[16] ऎन येसु एंग्‍है पैकासिन इदगे तइय्कन का आस इबड़ा कत्‍था गुट्ठी ही पत्त नू कलीसिया गुट्ठी नू निमा गे तेंगोस। ऎन दाऊद बॆलासी कोड़हे मुध जंईपुंई हिकदन, अरा ऎन लौकारना बिज-बीनको हिकदन।”[17] धर्मेसी बॊलतस अरा बेंजा पेल्लो येसुसिन “बरा” ब'अनर। अरा इदन मिनुस हूँ “बरा” ब'अदस नेकअन। अरा एकास ओनक'आ र'अदस आस बरदस नेकअन, अरा एकास पत्तारदस आस उज्जना अम्मन सिथियम हो'अदस नेकअन।

यूहन्ना 6:37
बंगस नॆकन एंगा चि'अदस, अबड़र ओर्मर एंग्‍है गुसन बर'ओर, अरा नॆ एंग्‍है गुसन बरदस आसिन इकला हूँ ऎन मल दुस'ओन।

प्रकाशित वाक्य 22:17
धर्मेसी बॊलतस अरा बेंजा पेल्लो येसुसिन “बरा” ब'अनर। अरा इदन मिनुस हूँ “बरा” ब'अदस नेकअन। अरा एकास ओनक'आ र'अदस आस बरदस नेकअन, अरा एकास पत्तारदस आस उज्जना अम्मन सिथियम हो'अदस नेकअन।

प्रकाशित वाक्य 12:9
अरा आ नगदे कोहाँ डेना र'ऊ नेर्रे किइय्या हेबड़तारा। ईदिम गोट्‌टा ख़ॆख़लन ठक'ऊ नाद अरा सैतान बारना पच्चा नेर्रे हवे। आद ख़ॆख़ेल नू हेबड़तारा अरा अदही उर्मी पैकर हूँ अदही गनेम ख़ॆख़ेल नू हेबड़तारर।

फिलिप्पियों 1:6
अरा एंगा असरा र'ई का ई लेक्खा दौ नलखन धर्मेस निम्‍है नू ऒड़ नंजस, आस मसी येसुसी बरना उल्ला गूटी अदिन मुंजत'ओस चि'ओस।

प्रकाशित वाक्य 21:4
अरा आस आर ही ख़न्न ती उर्मी ख़ंजलख़ोन चींचोस। अरा अक्कु ती खे'अना मल मनो, अरा ख़ोदख़ोरना मलता ओलख़ना मलता नुंजना मल र'ओ, एन्देरगेका पच्चा कत्‍था गुट्ठी गुछरा केरा।”

इब्रानियों 10:19-22
[19] औंगे अना भ‍ईरो! मेर्ख़ा ता कोड़हे नेम्‍हा अड्डा नू नमा कोर'आ गे येसुस तंग्‍है मॆद लेक्‍खा ता परदा नू मन्नुम ती तंग्‍है खे'अना ती ओन्‍टा पुना अरा उज्‍जना ही डहरेन नमा गे तिसिगका र'अस। आ डहरे ती असन कोर'आ गे आसी ख़ॆंस ती नमा गे डिढ मनी।[20] ***[21] अरा आस नम्‍है कोहाँ नैगस र'अना ती आस धर्मेसी एड़पा ता आकुस ननुस र'अस।[22] औंगे बरा! नाम बड़ियर पत्त'अना गने मानिम जिया गने धर्मेसी हेद्दे बर'ओत, एन्‍देरगेका नम्‍है लखना ही बदी आबोन तरकूटी नना गे नम्‍है जिया मसीसी ख़ॆंस ती सुध मंजकी र'ई अरा नम्‍है कया निमन अम्मु ती नूड़की र'ई।

Kurukh Bible 2014 Kurux
No Data