A A A A A

चर्च: [चर्च उत्पीड़न]


प्रेरितों के काम 8:1
स‍उलस स्‍तेफनोसिन पिटना नू हुँकारी नंजकाचस। अउलम येरुसलॆम ता कलीसिया गे कोड़हे खिलपत बरचा। त‍इरकारिन अम्‍बर जम्मर गोट्टा यूदेया राजी अरा समारिया राजी नू बींड़रर केरर।

मत्ती 5:44
लिकिन ऎन निमन ब'अदन, ‘निम्‍है बैरीरिन चोन्‍हा नना, अरा निम्‍है भख'उर गे बिन्‍ती नना।

२ तीमुथियुस 3:12
मानिम नू नॆ मसी येसुस नू महबा गने उज्‍जा बेद्दनर आर ओर्मर सताबातार'ओर।

यूहन्ना 15:20
एका कत्‍थन ऎन निमन तिंकन अदिन सुरता नना। जॊंख़स तंग्‍है उर्बस ती कोहँस मलदस। आर एंगन सताबाचर होले, निमन हूँ सताब'ओर। अरा आर एंग्‍है कत्‍थन पॆस्रर होले, निम्‍है कत्‍थन हूँ पॆस्र'ओर।

प्रकाशित वाक्य 2:10
एका दुक्‍खे निंगा भोगना मनो अत्रु नीन अमकेम एल्‍चा। सैतान निमन बिढ़'आ गे निम्‍है ती जोक्कोरिन जेहेल नू सजत'ओ। अरा नीम दस उल्ला गूटी दुक्‍खे भोग'ओर। जिया क'ओ आ गूटी हूँ पत्त'अना जॊगे र'आ। ख़ने ऎन निंगा उज्‍जना ही मुकुट चि'ओन।

रोमियों 8:35
एन्‍देर लॊ नमन मसीसी चोन्‍हा ती छिंडा उंगी? सस्‍ती महले कलपारना महले दुक्‍खे मॊख़रना महले कीड़ा महले अत्तना कुन्द्रना मलका नू र'अना महले अपलोक महले खे'अना एन्‍देर नमन छिंडा उंगी?

मत्ती 5:11
एकाबारी आलर नीम एंग्‍है गने चॊंख़्र'उर र'अना चड्डे निमन हींड़नर अरा दुक्‍खे सारत'अनर अरा दोस ठेकाबाच बाच उर्मी रकम ही मल दौ कत्था कछनख्रनर ख़ने, धर्मेस निमन आसीस ननोस।

रोमियों 12:14
निम्‍है डाह'उरिन बरकत नना। आरिन अमा सरप'आ लिकिन बरकत नना।

यूहन्ना 5:16
इबड़ा नलख गुट्ठिन येसुस ख़न्न ऎख़्रना उल्‍ला नू नंजका ती, यहूदी मुद्धर आसिन डाहा हेलरर।

मत्ती 5:10-12
[10] नॆ दौ नन्ना चड्डे दुक्‍खे सह'ऊ र'अनर, आरिन धर्मेस आसीस ननोस, आर मेर्ख़ा राजी ता आलर हिकनर। [11] एकाबारी आलर नीम एंग्‍है गने चॊंख़्र'उर र'अना चड्डे निमन हींड़नर अरा दुक्‍खे सारत'अनर अरा दोस ठेकाबाच बाच उर्मी रकम ही मल दौ कत्था कछनख्रनर ख़ने, धर्मेस निमन आसीस ननोस।[12] औंगे नीम रिझ्रके, रिरयारके, एन्‍देरगेका निमा गे मेर्ख़ा नू कोहाँ इन‍म र'ई। अरा सुरता नाना का चिरान ता धर्मेसी कत्‍था तिंगुरिन हूँ आर एन्नेम खिलपत नंजका रहचर।

२ कुरिन्थियों 12:10
औंगेम ऎन मसीसी चड्डे एंगा मंजका पयहा ही पत्त नू, अरा लज्जे ही पत्त नू, अरा खिलपत ही पत्त नू, अरा खैतारना ही पत्त नू, सस्ती ही पत्त नू ऎन रिझ गने र'अदन। एन्देरगेका ऎन एकाबारी पयहा र'अदन, आ बारी ऎन सवंगिय र'अदन।

प्रेरितों के काम 13:50
लिकिन यहूदीर जोक्‍क म‍ईन जॊगे धर्मेसी इल्‍चू नन-यहूदी मुक्‍कारिन अरा नगरे ता मुद्धारिन पौलुस अरा बरनबासी बिड़दो इज्‍जताचर ती आरिन सस्ती नंजर। अरा आरिन तम्‍है चक ती बहरी ओथ्रर चिच्‍चर।

प्रेरितों के काम 7:52
धर्मेसी कत्‍था तिंगुरिन नॆकन निम्‍है पूरखर मल्‍ला डाहचका? आर आ उजगो आलासी बरनन नॆ नॆ मुन्‍द तिम तिंगियर आरिन पिटियर। अक्‍कु नीम आ उजगो आलस मसीसिन धरचकर अरा पिटकर।

मरकुस 4:17
लिकिन तम्‍है जिया नू गड्डी गूटी कत्‍था मल खुपना चड्डे आर जुक्‍किम उल्‍ला गे कत्‍थन पत्त'अनर। अरा सस्‍ती महले कत्‍थन पत्त'अना ही चड्डे आर म‍इय्‍याँ सतारना बरना बेड़ा आर कत्‍था ती पत्त'अनन लॆम अम्‍बनर।

गलातियों 4:29
अउला कया ती कुन्‍द्रका ख़द्दस बॊलतस ती कुन्‍द्रकासिन दिकदिका ब'आ लगियस, अन्नेम अक्‍कु हूँ मना लगी।

मरकुस 10:30
आस अक्‍कु ई ख़ॆख़ेल नू कैयो गुना बग्‍गे एड़पा पली अरा भइय्योर अरा बहिनोर अरा अयंग अरा बंग अरा ख़द्द-ख़र्रा अरा ख़ल्‍लन ख़क्‍खोस। इबड़ा गने गने नन्नर सतारना हूँ ननोर। अरा आस बरना ख़ॆख़ेल नू धर्मेस गने जनमजुग ही उज्‍जनन ख़क्‍खोस।

मत्ती 13:21
अन्नु हूँ तंग्‍‍है जिया नू गड्डी गूटी कत्‍था मल खुपना चड्डे आस जुक्‍किम उल्‍ला गे कत्‍थन पत्त'अदस। अरा सस्‍ती महले कत्‍थन पत्त'अना ही चड्डे आस म‍इय्‍याँ सतारना बरना बेड़ा आस कत्‍था ती पत्त'अनन लॆम अम्‍बदस।

प्रेरितों के काम 22:4
ऎन गा येसुसी डहरे नू ईकू आलारिन पिटा ख़च्‍चना गूटी सताबाचकन, अरा मॆतर अरा मुक्‍कर इरबारिन हॆंच हॆंच जेहेल नू सजताचकन।

मत्ती 5:10
नॆ दौ नन्ना चड्डे दुक्‍खे सह'ऊ र'अनर, आरिन धर्मेस आसीस ननोस, आर मेर्ख़ा राजी ता आलर हिकनर।

गलातियों 6:12
नॆ बहरी तरा तमन दौ आलर ऎद'आ बेद्दनर, आरिम निमन खतना नना गे अरबनर। आर इदगे लेका एन्ने नन्नर का आर मसीसी क्रुस ही पत्त नू तेंगना चड्डे अम्‍बोर सतार'आ।

लूका 21:12
लिकिन इबड़ा उर्मी कत्‍था ही मुन्‍द आलर निमन धर'अरकी सताब'ओर। अरा निमन गोड़हा एड़पा नू बिढ़'आ गे सोंप'ओर अरा जेहेल नू सज'ओर अरा बॆलर अरा राजीखापुर ही मुन्‍द इजतार'ओर। एन्‍देरगेका नीम एंग्‍है गने चॊंख़्र‍'उर हिकदर।

मरकुस 10:29-30
[29] तहाँ येसुस आरिन बाचस, “ऎन निमन मानिम ब'अदन, नॆ हूँ एंग्‍है चेला मन्ना चड्डे अरा दौ कत्‍था मेन्‍त'अना चड्डे तंग्‍है एड़पा पली महले भइय्योर महले बहिनोर महले अयंग महले बंग महले ख़द्द-ख़र्रा महले ख़ल्‍लन अम्‍बका र'अदस होले,[30] आस अक्‍कु ई ख़ॆख़ेल नू कैयो गुना बग्‍गे एड़पा पली अरा भइय्योर अरा बहिनोर अरा अयंग अरा बंग अरा ख़द्द-ख़र्रा अरा ख़ल्‍लन ख़क्‍खोस। इबड़ा गने गने नन्नर सतारना हूँ ननोर। अरा आस बरना ख़ॆख़ेल नू धर्मेस गने जनमजुग ही उज्‍जनन ख़क्‍खोस।

रोमियों 8:35-37
[35] एन्‍देर लॊ नमन मसीसी चोन्‍हा ती छिंडा उंगी? सस्‍ती महले कलपारना महले दुक्‍खे मॊख़रना महले कीड़ा महले अत्तना कुन्द्रना मलका नू र'अना महले अपलोक महले खे'अना एन्‍देर नमन छिंडा उंगी?[36] एकासे का नेम्‍हा पुथी नू लिख्रकी र'ई, “निंगा चड्डे गा ऎम गोट्टा उल्‍ला नू खे'अना ही अपलोक नू र'अदम, अरा आलर ती ऎम पिटरना भेंडो लेक्‍खा बुझुरदम।” [37] लिकिन इबड़ा उर्मी कत्‍था गुट्ठी नू नाम धर्मेस ती एकास नमन चोन्‍हा नंजकादस जितनन ख़क्‍खका ती हूँ कट्टिका र'अदत।

प्रेरितों के काम 11:19-21
[19] स्‍तेफनोसिन पिटका ही ख़ॊख़ा मंजका कल्‍पारना चड्डे एका एका ओर्तर भगियारका केरका रहचर, आर फोइनिकॆ चकभार अरा कुप्रोस टापू अरा अन्‍तियोख़ेया ‍नगरे गूटी यहूदीर गे लेका दौ कत्‍था तेंगा कुद्दा लगियर।[20] लिकिन अबड़र नू जोक्‍कोर कुप्रोस टापू अरा कुरॆनॆ नगरे ता आलर रहचर। अरा अबड़र अन्‍तियोख़ेया अंड़सियर ती नन-यहूदी आलारिन हूँ उर्बा येसुसी दौ कत्‍था तेंगा लगियर।[21] आर ही गने उर्बासी सवंग रहचा। ख़ने नगदे बग्‍गे आलर पत्ताचर ती उर्बस तरा बरचर।

प्रेरितों के काम 9:4-5
[4] ख़ने आस ख़ॆख़ेल नू खत्तरस अरा आस ओन्‍टा ब'अनन मेंजस, “स‍उल, स‍उल, नीन एंगन एन्‍देरगे सताब'आलदय?”[5] ख़ने आस बाचस, “उर्बायो, नीन एका ओर्तय?” ख़ने आ ब'अना आसिन बाचा, “ऎन येसु हिकदन, नॆकन नीन सताब'आलदय।

गलातियों 5:11
लिकिन भईरो, अक्‍कु गूटी ऎन खतना ही पत्त नू तेंगालदन होले, ऎन मल सतार'ओन दने। अन्ने ऎन मानिम नू तेंगदन होले, येसु मसीसी क्रुस ही चड्डे बर'ई आ सतारना मल मनो दने।

मत्ती 10:23
निमन ओन्‍टा पद्दा नू खिलपत नन्नर होले नन्ना पद्दा बोंके कालके। ऎन निमन मानिमन ब'अदन, ऎन मनवा ख़द्दासी बरना गूटी इस्राऎल राजी नू दौ कत्‍था तेंगा कुद्दना मल मुंज्रकी र'ओ।

मत्ती 5:12
औंगे नीम रिझ्रके, रिरयारके, एन्‍देरगेका निमा गे मेर्ख़ा नू कोहाँ इन‍म र'ई। अरा सुरता नाना का चिरान ता धर्मेसी कत्‍था तिंगुरिन हूँ आर एन्नेम खिलपत नंजका रहचर।

१ तीमुथियुस 1:13
ऎन गा मुन्‍द मसीसिन हींड़'ऊ, अरा आसी आलारिन सताब'ऊ, अरा कड़‍'ऊ रहचकन। अन्नु हों धर्मेस एंग्‍है म‍इय्याँ सोग्‍गे ईरियस, एन्‍देरगेका ऎन मल पत्त'अना अरा बलना ती इबड़ा नलखन नंजकाचकन।

मत्ती 5:11-12
[11] एकाबारी आलर नीम एंग्‍है गने चॊंख़्र'उर र'अना चड्डे निमन हींड़नर अरा दुक्‍खे सारत'अनर अरा दोस ठेकाबाच बाच उर्मी रकम ही मल दौ कत्था कछनख्रनर ख़ने, धर्मेस निमन आसीस ननोस।[12] औंगे नीम रिझ्रके, रिरयारके, एन्‍देरगेका निमा गे मेर्ख़ा नू कोहाँ इन‍म र'ई। अरा सुरता नाना का चिरान ता धर्मेसी कत्‍था तिंगुरिन हूँ आर एन्नेम खिलपत नंजका रहचर।

लूका 11:49
औंगे धर्मेसी लूर बाचा, ‘ऎन नीम यहूदीर गुसन धर्मेसी कत्‍था तिंगुरिन, अरा त‍इरकारिन त‍इय्योन, लिकिन नीम अबड़र ती जोक्‍कोरिन पिटोर अरा जोक्‍कोरिन खिलपत ननोर।’

१ थिस्सलुनीकियों 3:3-4
[3] औंगे नॆ हूँ इबड़ा खिलपत चड्डे अम्‍बोर नुक्र'आ। लिकिन नीम गा अख़दर दिम ऎम ई खिलपत गेम उइरकादम।[4] अन्‍ति निम्‍है गुसन रहचकम ख़ने, निमन घड़ी घड़ी ब'आ लिक्‍कम, का नमा गे खिलपत मन्ना दिम र'ई। अरा एन्ने मंजकी र'ई अदिन नीम अख़दर।

इब्रानियों 11:36-38
[36] जोक्‍क आलर लज्‍जे मॊख़रका ती कोर्रा ती मार मॊख़रर। अरा नन्नर हॆंरका ती जेहेल नू सजतारर। [37] जोक्‍कोर पखना गुट्ठी ती लोड़गतारर। [जोक्‍कोर बिढ़्रतारर।] जोक्‍कोर आरी ती पलकतारर। जोक्‍कोर तलवार ती पिटतारर। जोक्‍कोर मलका नू अरा कलपारना नू अरा खिलपत सहनुम भेंडो गुट्ठी अरा ऎड़ा गुट्ठी ही चपटन कूरियर ती इत्रा अत्रा कुद्दका कुद्दियर। [38] ख़ॆख़ेल गा आर ही जॊगे मल रहचा। अरा आर टुंगरी अरा परता गुट्ठी कुद्दियर अरा लाता गुट्ठी अरा ख़ॆख़ेल ही अलफोर गुट्ठी नू नूख़्रर।

यूहन्ना 15:20-21
[20] एका कत्‍थन ऎन निमन तिंकन अदिन सुरता नना। जॊंख़स तंग्‍है उर्बस ती कोहँस मलदस। आर एंगन सताबाचर होले, निमन हूँ सताब'ओर। अरा आर एंग्‍है कत्‍थन पॆस्रर होले, निम्‍है कत्‍थन हूँ पॆस्र'ओर। [21] नीम एंग्‍है र'अना चड्डे आर निमा गे इबड़ा ओर्मन ननोर, एन्‍देरगेका आर नॆ एंगन तइय्यस आसिन बलनर।

मत्ती 10:21-23
[21] आलर तम्‍है भइय्योर अरा बहिनोरिन नट'ओर अरा पिटर'ओर, अरा अयंग-बंग तम्‍है ख़द्द-ख़र्रारिन एन्नेम ननोर। अरा ख़द्द-ख़र्रर तम्‍है अयंग-बंगर ही बिड़दो चो'अरकी पिटत'ओर।[22] नगदे आलर निमन बिड़दो ननोर एन्‍देरगेका नीम एंग्‍है गने चॊंख़्रकर। लिकिन नॆ तम्‍है उज्‍जना ही मुंज्रना गूटी सह'ओर, आरिम जनमजुग ही दंडे ती बछर'ओर। [23] निमन ओन्‍टा पद्दा नू खिलपत नन्नर होले नन्ना पद्दा बोंके कालके। ऎन निमन मानिमन ब'अदन, ऎन मनवा ख़द्दासी बरना गूटी इस्राऎल राजी नू दौ कत्‍था तेंगा कुद्दना मल मुंज्रकी र'ओ।

मत्ती 24:8-10
[8] लिकिन ईद ओर्मा गा खिलपत ही ऒरे मन्ना लेका हवे अरा अउरिम कोड़हे सस्‍ती बरना र'ई।[9] आर निमन सस्‍ती नना गे धर'ओर, अरा निमन पिटोर, अरा उर्मी राजी ता आलर नीम एंग्‍है गने चॊंख़्र'उर र'अना चड्डे निमन बिड़दो ननोर।[10] आ बारी कोड़हे आलर एंग्‍है ती किर्रोर अरा ताम ताम धरतार नख्र'ओर अरा ओर्त ईरिब ही बैरी मनोर।

लूका 21:12-19
[12] लिकिन इबड़ा उर्मी कत्‍था ही मुन्‍द आलर निमन धर'अरकी सताब'ओर। अरा निमन गोड़हा एड़पा नू बिढ़'आ गे सोंप'ओर अरा जेहेल नू सज'ओर अरा बॆलर अरा राजीखापुर ही मुन्‍द इजतार'ओर। एन्‍देरगेका नीम एंग्‍है गने चॊंख़्र‍'उर हिकदर।[13] लिकिन ईद निमा गे एंग्‍है पत्त नू आरिन तेंगना ही मोका मनो।[14] औंगे नीम मुन्‍द तिम तम्‍है तम्‍है जियन सपड़'आ का ऎम एन्‍देर आनाकिर्त'ओम ब'अरकी अमा एल्‍चा। [15] एन्‍देरगेका ऎन निमन एन्ने ब'अना अरा लूर चि'ओन का निम्‍है जम्मा बैरिर निम्‍है बिड़दो नू खंडा अरा इज'आ पोल्‍लोर।[16] निंग्यो निम्‍बर अरा भइय्योर अरा पाहियर अरा संगेर हूँ निमन धरत'ओर अरा निम्‍है ती जोक्‍क आलारिन पिटोर।[17] नगदे आलर निमन बिड़दो ननोर, एन्‍देरगेका नीम एंग्‍है गने चॊंख़्रकर।[18] लिकिन निम्‍है कुक्‍क ता ओन्‍टा चुट्टी हूँ मल खत्तर'ओ।[19] नीम बड़ियर सहना गने इज्जका र'ओर होले निम्‍है जियन लाड़ोर।

१ कुरिन्थियों 4:8-13
[8] नीम सोचदर का नीम उड़च ख़च्चिकादर, अरा नीम उर्ब मंज ख़च्चिकादर, अरा नीम एम्‍है बिगर राजी ननू हूँ मंजकादर। अन्नेम नीम मानिम नू राजी ननू र'आ गे दिम ऎन बेद्ददन। औंगे ऎम हूँ निम्‍है गने राजी ननोम दने।[9] लिकिन एंगा एन्ने लग्‍गी का, आलर नॆ खे'अना ही पेसेर ख़च्चिकानर आर लेक्‍खा धर्मेस ऎम तइरकारिन ओर्मर ती ख़ॊख़ा र'आ गे नंजकादस। ऎम ख़ॆख़ेल राजी गे अरा मेर्ख़ा पैकर गे अरा आलर गे बॆचना लेक्‍खा मंजकादम।[10] ऎम मसीसी चड्डे बोया हिकदम, लिकिन नीम गा मसीस नू लुरगर सोचदर। ऎम लेड़पोंयहा हिकदम, लिकिन नीम गा सवंगिय सोचदर। नीम मईन ख़क्‍खू सोचदर, लिकिन ऎम गा हींड़तारदम।[11] ऎम अक्‍कुन गूटी हूँ कीड़ा अरा ओनक'आ नू र'अदम, अरा ठेठंगे र'अदम, अरा कुंहड़ारदम, अरा असन इसन ठुडुरदम जोबोरदम।[12] अरा एम्‍है ख़ेक्खा ती कोड़हे नलख नन्‍दम। आलर एमन हींड़नर ख़ने, ऎम आर गे आसीस चि'अदम। आर एमन सताब'अनर ख़ने, ऎम सहदम। [13] आर एमन निंदा नन्नर ख़ने, ऎम बॆस कत्‍था ती किर्त'अर ब'अदम। ऎम इन्ना गूटी हूँ ख़ॆख़ेल ता चिंदी अरा कस्‍सा लेक्‍खा मंजकादम।

इब्रानियों 10:32-34
[32] धर्मेसी बिल्‍लिन ख़क्खका मुन्‍द ता उल्‍ला गुट्ठी नू नीम एकासे रहचकर, अदिन सुरता नना। अबड़ा उल्‍ला नू नीम कोड़हे खिलपत अरा सस्‍ती नू हूँ जिटजिट ने इज्‍जका रहचकर।[33] एका एका बारी गा नीम गोंहड़ा ही मुन्‍दहारे लज्‍जे मॊख़रकर अरा डाहरकर। अरा एका एका बारी नीम एन्ने दसा नू र'उर गने संगे चिच्‍कर।[34] अरा नीम हॆंरका आलर ही दुक्‍खे नू हूँ दुक्‍खे सारचकर। अरा इकला निम्‍है ओर्मा खुर्जी निम्‍है ती होरा, अदिन नीम रिझ गने इंझ्रकर, एन्‍देरगेका नीम अक्‍कर का इबड़ा ती कोड़हे बॆस अरा उर्मी उल्‍ला मल नठार'ऊ खुर्जी निमा गे ख़क्ख्र'ऊ र'ई।

इब्रानियों 11:33-38
[33] पत्त'अना ती ईर राजी गुट्ठिन जित्तचर, अरा एन्‍द्रा ठौका रहचा अदिन नंजर, अरा धर्मेस एन्‍द्रा गच्‍छरकाचस अदिन ख़क्खियर, अरा लकड़ा गुट्ठी ही ब‍इय्यन खप्‍पा बाचर। [34] अरा ईर हदकारना चिच्‍ची आबोन ऎख़ताचर, अरा तलवार ही खे'अना ती बछरर, अरा आर ही पयहा नू बहंगर मंजर, अरा आर लड़ई नू बहंगर उरखर ती नन्ना राजी गुट्ठी ता फउदन हरा बाचर। [35] जोक्‍क मुक्‍कर तम्‍है केचकारिन उज्‍जना ख़क्‍खियर। अरा नन्नर गा मार मूख़नुम मूख़नुम रहचर ती अम्‍बर'आ गे मल बिद्दियर, एन्‍देरगेका आर धर्मेसिन अम्‍बा मल बिद्दियर। आर ही असरा एन्ने रहचा का केचका ती उज्‍जा चो'अना नू ओन्‍टा बॆस उज्जना ख़क्‍खा ओंगोर। [36] जोक्‍क आलर लज्‍जे मॊख़रका ती कोर्रा ती मार मॊख़रर। अरा नन्नर हॆंरका ती जेहेल नू सजतारर। [37] जोक्‍कोर पखना गुट्ठी ती लोड़गतारर। [जोक्‍कोर बिढ़्रतारर।] जोक्‍कोर आरी ती पलकतारर। जोक्‍कोर तलवार ती पिटतारर। जोक्‍कोर मलका नू अरा कलपारना नू अरा खिलपत सहनुम भेंडो गुट्ठी अरा ऎड़ा गुट्ठी ही चपटन कूरियर ती इत्रा अत्रा कुद्दका कुद्दियर। [38] ख़ॆख़ेल गा आर ही जॊगे मल रहचा। अरा आर टुंगरी अरा परता गुट्ठी कुद्दियर अरा लाता गुट्ठी अरा ख़ॆख़ेल ही अलफोर गुट्ठी नू नूख़्रर।

प्रेरितों के काम 12:1-19
[1] आ लगा-लगी नू हॆरॊदॆस अगरिप्पा बॆलस कलीसिया ता जोक्‍क आलारिन खिलपत नना हेलरस।[2] आस यॊहनसी भईस याकॊबसिन तलवार ती पिटताचस।[3] एन्ने नन्ना यहूदीर गे बॆस लग्‍गिया। अदिन ईरियस ती आस पतरसिन हूँ हॆंताचस। अउला बिगर बिदगी असमा ही परब रहचा।[4] आस पतरसिन हॆंताचस ती जेहेल नू गुड़ताचस अरा आसिन चार चार सैनर ही चार खोंड़हा ही ख़ापना नू उइय्यस चिच्‍चस। आस कट्टना परब ही ख़ॊख़ा आलर ही मुन्‍दहारे ओन्‍द्र'आ बेद्दा लगियस। [5] जेहेल नू पतरस गुड़रकाचस ख़ने, कलीसिया आस गे धर्मेस गुसन सौंसे जिया ती नगदे गोहरार'आ लगिया।[6] इकला हॆरॊदॆस आसिन आलर ही मुन्‍दहारे ओन्‍द्र'आ गे रहचस, अदही मुन्‍द ता माख़ा पतरस दुई गोट सिकड़ी ती हॆंरका ती ऎंड़ सैनर ही मझी नू ख़न्‍द्र'आ लगियस। अरा नन्ना सैनर जेहेल ही बली ही मुन्‍दहारे ख़ापा लगियर।[7] आचका उर्बासी ओन्‍टा पैकस बरचस ती इज्‍जस अरा कुठली नू बिल्‍ली बिल्‍चिया। आस पतरसी पंजर तरा ठुड्डस ती एज्‍जस अरा आसिन बाचस, “चाँड़हे चो'आ।” अरा पतरसी ख़ेक्खा ती सिकड़ी कोल्‍लरा ती खत्रा केरा।[8] तहाँ पैकस आसिन बाचस, “कड़मन भिड़'आ अरा जूतन अत्ता।” पतरस अन्नेम नंजस। पैकस आसिन अउरिम बाचस, “निंग्‍है चदर आबोन झप्र'आ ती एंग्‍है गने चॊंख़्र'आ”[9] अन्नेम पतरस आसी ख़ॊख़ा ख़ॊख़ा बहरी उरखस। आस बल्‍ला लगियस का पैकस एन्‍देर नना लगियस आद मानिम हवे। आस तुंगुल ऎरना बेसे सोच'आ लगियस।[10] तहाँ आर पहिल पहरा अरा दोसर पहरा आबोन कट्टियर ती पन्ना ही बखड़े-बली गुसन अंड़सियर एकाद नगरे तरा हुं'ई। आद आर गे तान तानिम तिसग्रा केरा। आर बहरी उरखर ती गली नू काला लगियर। आ बारीम पैकस आचका आसिन अम्‍बियस ती किर्रिम बिच्‍चियस।[11] ख़ने पतरस निजिड़यस ती बाचस, “अक्‍कु ऎन मानिम अक्‍ख ख़च्‍चिकन उर्बस तंग्‍है मेर्ख़ा पैकासिन त‍इय्यस ती एंगन हॆरॊदॆसी ख़ेक्खा ती नाड़ियस अरा यहूदीर ही उर्मी असरन ख़च्‍चियस।”[12] इदिन अक्‍खस ती आस मरकुस बारना यॊहनसी तंगियो मरियम ही एड़पा बरचस। असन बग्‍गे आलर ख़ॊंड़रर ती गोहरार'आ लगियर।[13] आस बलिन ठोकठोकाम बाचस। आ बारी रोदॆ नामे ओन्‍टा जॊंख़ पेल्‍लो नॆ तंग्‍है ब'अरकी ऎरा बरचा।[14] अरा पतरसी ब'अनन ओरखाचा ती आद रिझ ती निन्‍दिया केरा अरा बलिन मल तिसगा अरा तेंगा गे बोंगोर नख्रनुम भितरी केरा ती तिंगिया का पतरस बली गुसन इज्‍जकादस।[15] आलर अदिन बाचर, “नीन पूरालदी।” अन्नु हूँ आद बड़ियर लगे बाचा, “मानिम हवे।” ख़ने आर बाचर, “आसी पैकस नेख़‍अन।”[16] लिकिन पतरस ठोकठोकाम ब'अना बारीम रहचस, अरा आर बलिन तिसगर ख़ने, पतरसिन ईरियर ती नगदे अनचक मंजर केरर।[17] आस ख़ेक्खा ती कलेकले र'आ गे टिवांबाचस। अरा आस आरिन तिंगियस धर्मेस आसिन एकासे जेहेल ती ओथ्रस ओन्‍द्रस। फिन आस बाचस, “याकॊब अरा पत्त'ऊ भइय्योरिन इदही अरो चि'अके।” अरा आस असलेक उरखस ती नन्ना अड्डा किर्रिम बिच्‍चियस।[18] बिज्‍जिया ख़ने सैनर नू अकबक मना हेलरा का पतरस गे एन्‍देर मंजा।[19] हॆरॊदॆस आसिन नगदे बेद्दताची ईरियस अरा मल ख़क्‍खरस। ख़ने आस सैनारिन मेंजस ख़ूजियस ती आरिन पिटत'आ गे पॆसस। अरा हॆरॊदॆस यूदेया आबोन अम्‍बियस ती कैसरेया केरस ती असन र'आ हेलरस।

प्रेरितों के काम 9:1-14
[1] स‍उलस अक्‍कु गूटी हूँ उर्बासी चेलारिन एल्‍कत'अना अरा पिटा गे निसा रहचा। आस कोहाँ नैगस गुसन केरस ती[2] दमसकोस नगरे ता गोड़हा एड़पा गुट्ठी ही नामे नू चिठी गुट्ठी नॆचस। ख़ने आस मसीसी डहरे नू ईकू मुक्‍कर महले मॆतारिन असन ख़क्‍खोस होले, आरिन हें'ओस ती येरुसलॆम ओन्‍द्र'आ ओंगोस।[3] अक्‍कु आस कानुम कानुम दमसकोस गुसन अंड़सियस ख़ने, आचका ही मेर्ख़ा ती ओन्टा बिल्‍ली आसी चरियो तरा बिल्‍चिया।[4] ख़ने आस ख़ॆख़ेल नू खत्तरस अरा आस ओन्‍टा ब'अनन मेंजस, “स‍उल, स‍उल, नीन एंगन एन्‍देरगे सताब'आलदय?”[5] ख़ने आस बाचस, “उर्बायो, नीन एका ओर्तय?” ख़ने आ ब'अना आसिन बाचा, “ऎन येसु हिकदन, नॆकन नीन सताब'आलदय।[6] अक्‍कु चो'आ ती नगरे नू कला, निंगा एन्‍देर नन्ना र'ई आद तेंगतार'ओ।”[7] आसी गने डहरे ईकू आलर अनभूल इज्‍जर केरर, आर ब'अनन गा मेना लगियर, लिकिन नॆकन हूँ मल ईरियर।[8] स‍उलस चॊचस ती ख़न्न चलख़स, लिकिन आस एन्‍द्रन हूँ ऎरा पोल्‍लस। औंगे आर आसी ख़ेक्खन धरचर ती दमसकोस होच्‍चर।[9] आस तीन उल्‍ला गूटी अन्धहा मंजका रहचस अरा मल ओंडस मोक्‍खस।[10] दमसकोस नू हनानिया नामे ओन्‍टा चेला रहचस। उर्बस आस गे ऎथ्रस ती बाचस, “हनानिया!” अरा आस आनाकिर्ताचस, “उर्बायो, ऎन र'अदन।”[11] उर्बस आसिन बाचस, “चो'आ अरा उजगो नामे गली नू कला। अरा यूदसी एड़पन बेद्दा अरा स‍उल नामे तरसोस नगरे ता आलासिन मेना। आस असन अक्‍कु गोहरार'आ लगदस।[12] आस देखार नू ईरकादस का हनानिया नामे आलस बरदस ती आसी म‍इय्याँ ख़ेक्खा उइय्‍दस। ख़ने आस ऎरा ओंग्दस।”[13] लिकिन हनानियास आनाकिर्ताचस, “उर्बायो! ऎन कैनो बग्‍गे आलर ती मेंजकादन का ईस येरुसलॆम नू निंग्‍है नेम्‍हा आलारिन नगदे डाहचकाचस।[14] आस इसन हूँ एकार निंगन ऒड़ लग्‍गनर आरिन हें'आ हो'आ गे मुध नैगर तरती अदिया ख़क्‍खकादस।”

गलातियों 1:13
ऎन मुन्‍द यहूदी धरम नू रहचकन ख़ने एकासे उज्‍जा ओक्‍का लिक्‍कन अदिन नीम अख़दर। ऎन कैयो खेप धर्मेसी कलीसिया आबोन बुड़ाब'आ गे चिताबुता नंजकन।

प्रकाशित वाक्य 2:8-10
[8] स्मुरना नगरे ता कलीसिया ही पैकस गे नीन एन्ने लिख'आ का: नॆ मुन्द ता अरा ख़ॊख़ा ता र'अदस, अरा नॆ केच्‍चस केरस, लिकिन उज्‍जा चॊचस, आस इबड़ा कत्थन ब'अदस का:[9] ऎन निंग्‍है खिलपत आबोन अरा कीड़न अख़दन, लिकिन मानिम नू नीन उरुब र'अदय। अरा नॆ तमन यहूदी ब'अनर ती निंगन निंदा नन्नर अदिन हूँ ऎन अखदन, लिकिन आर मानिम नू यहूदी मलनर, आर गा सैतान ही गोड़हा एड़पा ता र'अनर।[10] एका दुक्‍खे निंगा भोगना मनो अत्रु नीन अमकेम एल्‍चा। सैतान निमन बिढ़'आ गे निम्‍है ती जोक्कोरिन जेहेल नू सजत'ओ। अरा नीम दस उल्ला गूटी दुक्‍खे भोग'ओर। जिया क'ओ आ गूटी हूँ पत्त'अना जॊगे र'आ। ख़ने ऎन निंगा उज्‍जना ही मुकुट चि'ओन।

प्रेरितों के काम 26:9-11
[9] ऎन हूँ गा नासरेस ता येसुसी नामे नू एंगा उर्मी तरती कोड़हे बिड़दो नन्ना र'ई एन्ने मुन्‍द सोच'आ लिक्‍कन।[10] अरा ऎन येरुसलॆम नू एन्ने नंजकन हूँ, ऎन मुध नैगर ती अदिया ख़क्‍खकन ती अजम बग्‍गे नेम्‍हा आलारिन जेहेल नू सज्‍जकन। अरा आर पिटर'आ लगियर ख़ने, आर ही बिड़दो नू हुँकारी चिच्का र'अदन।[11] ऎन आरिन उर्मी गोड़हा एड़पा नू कैनो खेप दंडे चि'अरकी येसु नामे ही निंदा नन्‍त'आ गे चिहुट नंजकन। ऎन आर ही बिड़दो ता एंग्‍है खींस ही चड्डे ई गूटी पूरकन का नन्ना नगरे गुट्ठी नू हूँ कालरकी आरिन सताबाचकन।

१ कुरिन्थियों 4:12
अरा एम्‍है ख़ेक्खा ती कोड़हे नलख नन्‍दम। आलर एमन हींड़नर ख़ने, ऎम आर गे आसीस चि'अदम। आर एमन सताब'अनर ख़ने, ऎम सहदम।

प्रेरितों के काम 12:1
आ लगा-लगी नू हॆरॊदॆस अगरिप्पा बॆलस कलीसिया ता जोक्‍क आलारिन खिलपत नना हेलरस।

फिलिप्पियों 3:6
अरा धर्मेस मइय्याँ ता एंग्है सकत ओत्था ती ऎन कलीसिया गुट्ठिन सताबाचका आलन रहचकन। अरा यहूदी नॆगन पॆस्रना ही पत्त नू ऎन उर्मी नॆगन पॆस्रका ती बिगर बदी ही रहचकन।

Kurukh Bible 2014 Kurux
No Data