A A A A A

अतिरिक्त: [नरभक्षण का]


२ कुरिन्थियों 5:8
नाम गा डिढ गने र'अदत, अरा ई ख़ॆख़ेल ता मॆदन अम्‍बोत ती उर्बस गने उज्जा गे दिम कोड़हे पत्तारदत।

लूका 16:19-26
[19] ओर्त उरुब आलस रहचस। आस लेपलेप अरा बग्‍गे दामी किचरी गुट्ठिन अत्तालियस ती उर्मी उल्‍ला सुख-सौंरत गने उज्‍जालियस।[20] अरा लाजरस नामे ओन्‍टा कीड़ा आलस खसरा ती लिन्‍डरका ती आ उरुब आलासी चाली बली गुसन बिड़रका र'आ लगियस।[21] अरा आस उरुब आलासी टिबुल ती खत्रका जुट्‍टा कट्‍ठा ती तंग्‍है कूलन उड़त'आ बेद्दालियस। अरा अल्‍ला गुट्ठी बर'आ ती आसी खसरा गुट्ठिन टाटालगिया।[22] फिन आ कीड़ा आलस केच्‍चस केरस अरा मेर्ख़ा पैकर आसिन होच्‍चर ती अब्राहमसी कोरा नू ओकताचर। अरा आ उरुब आलस हूँ केच्‍चस अरा आसिन मंडियर।[23] अरा आस चिच्‍ची गड्‍‍डी नू कलपारनुम मॆन ईरयस। ख़ने गेच्‍छान्‍ती अब्राहमसी कोरा नू लाजरसिन ईरयस।[24] ख़ने आस चिच्चियारस ती बाचस, ‘अना बंग अब्राहम, एंगन सोग्‍गे ऎरा, अरा लाजरसिन त‍इय्या चि'आ का आस तंग्‍है अंगलिन अम्म नू बोथारकी एंग्‍है ततख़न कीरत'ओस, एन्‍देरगेका ऎन ई चिच्‍ची नू कलपार'आ लगदन।’[25] लिकिन अब्राहमस बाचस, ‘अना ख़द्द, सुरता नना नीन निंग्‍है उज्‍जना ही बेड़ा नू निंग्‍है दौ जिनिसन ख़क्‍खा चुकुरकय, अन्नेम लाजरस मलदौ जिनिसन ख़क्‍खियस। लिकिन अक्‍कुन आस इसन जिया सालना ख़क्‍खालदस अरा नीन गा कलपार'आ लगदय।[26] ईद लेका मला, निंग्‍है अरा एंग्‍है मझी नू ख़ोड़ख़ा ख़ैड़ र'ई। औंगे नॆ हूँ इसलेक ती असन कट्टा बेद्दोर आर पोल्‍लोर काला, अरा असलेक ती इसन बर'आ बेद्दोर आर पोललोर बर'आ।’

प्रकाशित वाक्य 20:11-15
[11] फेन ऎन ओन्टा कोहाँ पंड़रु बॆल-गदियन ईरकन, अरा अइय्या उक्‍कादस आसिन हूँ ईरकन। आसी मुन्दहारे ती मेर्ख़ा अरा ख़ॆख़ेल गुछरा केरा, अरा अबड़ा गे अड्डा मल ख़क्‍खरा, उर्मी धंसरा केरा।[12] अरा ऎन सन्नी कोहाँ ओर्मा केचकारिन बॆल-गदिया ही मुन्दहारे इज्‍जका ईरकन। अरा पुथी गुट्ठी चलख़रा, अरा अउर ओन्टा पुथी चलख़रा, एकदा उज्‍जना ही पुथी हवे। अरा आर एन्देर एन्देर नंजकाचर एन्ने अबड़ा पुथी नू लिख्रकी रहचा, अदही लेक्‍खा आर ही नेंवई नन्तारा।[13] समुदर तंग्है नू ता केचकारिन सोंपचा, अरा खे'अना अरा नरक गड्डी तम्है नू ता केचकारिन सोंपचा। अरा ओर्मर ताम नंजका नलख गुट्ठी ही लेक्‍खा नेंवई नन्तारर।[14] फेन खे'अना अरा नरक गड्डी चिच्‍ची ही समुदर नू हेबड़तारा। ई चिच्‍ची ही समुदर दिम दुसर खे'अना हवे।[15] अरा एका एका ओर्तासी नामे उज्‍जना ही पुथी नू लिख्रका मल ख़क्‍खरा, आस चिच्‍ची ही समुदर नू हेबड़तारस केरस।

१ कुरिन्थियों 14:34-35
[34] कलीसिया गुट्ठी नू मुक्‍कर कलेकसे र'अना र'ई। एन्‍देरगेका आर गे कछनख्र'आ गे मल चिरकी र'ई, लिकिन आर तबे नू र'अना र'ई। मूसासी नॆग हूँ एन्नेम ब'ई।[35] अरा आर इन्द्रिइम कत्‍था ही पत्त नू सिख्र'आ बेद्दनर होले, एड़पा नू तम्‍है मॆतर ती मेन्नर नेकअन। एन्‍देरगेका मुक्‍कर कलीसिया नू कछनख्रना लज्जे ही कत्था हवे।

लूका 1:37
धर्मेस गा इन्द्रिइम हूँ नना ओंग्‍दस।”

यूहन्ना 1:1
ऒरे नू कत्‍था रहचा, अरा आ कत्‍था धर्मेस गने रहचा, अरा आ कत्‍था धर्मेस रहचस।

१ तीमुथियुस 2:11-15
[11] मुक्‍का गे कलेकसे गोट्टा आकुस ती सिख्रना र'ई।[12] ऎन आनदन का मुक्‍का अम्‍बो सिखाब'आ अरा मॆतस म‍इय्याँ आकुस अम्‍बो नना, लिकिन कलेकसे ती मिनी नेक‍अन।[13] एन्‍देरगेका आदमस मुन्‍द अरा हवा ख़ॊख़ा कमतारा।[14] अरा आदमस सैतान ती मल्‍ला ठकरका, मुक्‍का गा ठकरा ती पपही मंजा।[15] अन्नु हों मुक्‍कर पत्त‍'अना, चोन्‍हा अरा नेम्‍हा नू बड़ियर मन्नुम र'ओर होले, आर ख़द्द पाकना चड्डे नाड़र'ओर।

१ तीमुथियुस 5:3-16
[3] रड़ियाहीर नू नॆखा संगरा ननू नॆ हूँ मलकर आर गे संगरा नना।[4] लिकिन एका रड़ियाही ही ख़द्द-ख़र्रा महले नती नतकुर र'अनर होले, आर मुन्‍द तम्‍है ख़ोतन ख़ापोर ती महबा नना गे सिख्रनर नेक‍अन। एन्ने आर तम्‍है अयंग बंगर अरा अज्‍जी अज्‍जोर गे एन्देर नन्ना र'ई अदन नन्नर नेक‍अन। एन्‍देरगेका ईदिम धर्मेस गे दौ लग्‍गी।[5] एका रड़ियाही मानिम नू संगरा ही जॊगे र'ई अरा तान लेका र'ई, होले आद धर्मेस म‍इय्याँ असरा उइय्यी अरा उल्‍ला माख़ा ने'अना अरा गोहरारना नू बुथरकी र'ई।[6] लिकिन एका रड़ियाही ख़ॆख़ेल ता सुख-सौंरतन पत्तार‍'ई होले, आद उज्‍जनुम उज्‍जनुम किच्‍चकी र'ई।[7] कलीसिया गे इबड़ा कत्‍था गुट्ठिन हों पॆस'आ का आर बदी मल खत्र'ओर।[8] लिकिन नॆ तंग्‍है पाहियर ही अरा कोड़हे तंग्‍है एड़पातर गे संगरा मल नन्‍दस होले, आस पत्त'अना ती नटरकादस। अरा आस मल पत्त‍'ऊ आलर ती हों मलदौ र'अस।[9] एका रड़ियाही ही बछर साठ ती बग्‍गे र'ओ अरा ओन्‍टे लेका मॆतस ही मुक्‍का रहचकी र'ओ, होले दिम आद ही नामेन रड़ियाहीर ही सूची नू अरगके।[10] अरा आद दौ नलख गुट्ठी ती बॆस नामे ख़क्‍खकी र'ऊ आली मन्ना र'ई। एकाद ख़द्द-ख़र्रन पूसकी र'ओ, अरा पाहियर ही तेतर-सुसर नंजकी र'ओ, अरा नेम्‍हा आलर ही ख़ेड्डेन नूड़‍की र'ओ, अरा दुक्खे सार‍'ऊ आलर ही सहाड़ा नंजकी र'ओ, अरा उर्मी दौ नलख नू मने नंजकी र'ओ अन्ने आली मन्ना र'ई।[11] लिकिन ई सूची नू पेल्‍लो रड़ियाहीर ही नामे अमके अरग'आ। एन्‍देरगेका आर ही सौंसार ही सुख-सौंरत मसीसिन मनना ती कोड़हे मनी, ख़ने आर बेंज्र'आ बेद्दनर।[12] तहाँ आर तम्‍है मुन्‍द ता गच्छरकन ताड़ना ती पपही मन्नर।[13] इदही गने आर लंडी मना हेभ्रनर। अरा एड़पा एड़पा जलिय'आ कुद्दनर, अरा नन्नर ही नलख नू नूता बेद्दनर, अरा एका कत्‍थन मल कछनख्रना र'ई अदिन कछनख्रनर।[14] औंगे ऎन बेद्ददन का इबड़ा पेल्‍लो रड़ियाहिर बेंज्र'ओर अरा ख़द्द पाकोर, अरा तम्‍है एड़पा-पलीन सम्‍हड़'ओर। होले बैरिर नम्‍है बिड़दो नू एन्‍देर हूँ ब'आ पोल्‍लोर।[15] जोक्‍क पेल्‍लो रड़ियाहिर गा बहकारर ती सैतान ही ख़ॊख़ा इक्‍कियर।[16] एक‍अम पत्त‍'ऊ आली ही एड़पा नू रड़ियाहिर र'अनर होले, आदिम आरिन ऎरो ख़ॊजो। ई बोझा आबोन कलीसिया नू अम्‍बो नना। एन्देरगेका एका रड़ियाहीर मानिम नू संगरा जॊगे र'अनर आर गे कलीसिया संगरा नना ऊंगी।

१ कुरिन्थियों 11:2-16
[2] ऎन निमन सवंर'अदन का नीम एंगन उर्मी कत्‍था नू सुरता नन्‍दर अरा ऎन एन्‍द्रा निमा गे सिखाबाचकन, अबड़न नीम नन्‍दर।[3] लिकिन नीम इदन अख़'आ ऎन बेद्ददन का, मसीस उर्मी आलर ही कुक्‍कु हिकदस, अरा मॆतस मुक्‍का ही कुक्‍कु हिकदस, अरा धर्मेस मसीसी कुक्‍कु हिकदस।[4] औंगे एका ओर्तस तंग्‍है कुक्‍कन कुलकुटुरदस ती गोहरारदस महले धर्मेसी कत्‍थन मुन्‍द तेंगदस, आस तंग्‍है कुक्‍कु मसीसिन हींड़दस।[5] अरा एका मुक्‍का तंग्‍है कुक्‍कन बिगर कुलकुटुरका गोहरार'ई महले धर्मेसी कत्‍थन मुन्‍द तिंगी, आद तंग्‍है कुक्‍कु मॆतासिन हींड़'ई। ईद तंग्‍है कुक्‍कन मुंडुरका लेक्‍खा र'ई।[6] एन्ने ओन्‍टा मुक्‍का तंग्‍है कुक्‍कन मल कुलकुटुर'ई होले, आद तंग्‍है कुक्‍कु ता चुट्टिन खंडना र'ई। लिकिन चुट्टी खंडरना महले मुंडुरना मुक्‍का गे लज्‍जे लग्‍गी होले, आद तंग्‍है कुक्‍कन कुलकुटुरना र'ई।[7] मॆतस गे कुलकुटुरना चाड़ मलकी, एन्‍देरगेका आस धर्मेसी रूपे अरा महबा हिकदस। लिकिन मुक्‍का मॆतासी महबा र'ई। [8] एन्‍देरगेका मॆतस मुक्‍का ती मल्‍ला गढ़्रका, लिकिन मुक्‍का मॆतस ती गढ़्रकी र'ई।[9] अरा मॆतस मुक्‍का गे मल्‍ला गढ़्रका, लिकिन मुक्‍का मॆतस गे गढ़्रकी र'ई। [10] ई चड्डे, अरा मेर्ख़ा पैकर अदही मइय्याँ ऎरना ही चड्डे, मुक्‍का गे तंग्है मॆतासी अदिया ही किय्या र'अना ही ओन्टा चिन्‍हा आबोन तंग्‍है कुक्‍कु नू उइय्ना र'ई।[11] अन्नु हूँ उर्बस नू मुक्‍का बिगर मॆतस मलकस, अरा बिगर मॆतस ती मुक्‍का मलकी।[12] एन्‍देरगेका एकासे मॆतस ती मुक्‍का गढ़्रकी र'ई, अन्नेम मॆतासी कुन्‍द्रना मुक्‍का ती र'ई। लिकिन उर्मी ही बरना धर्मेस ती मनी।[13] मुक्‍का बिगर कुलकुटर'अम धर्मेसिन गोहरारना बॆस ईथ्र'ई का? नीम अपन तिम सोच'आ।[14] आल सुबहा दिम निमन सिखाब'ई का मॆतस दिगहा चुट्टी उइय्दस होले, आद आस गे लज्‍जे मॊख़्रना कत्‍था हवे।[15] लिकिन मुक्‍का दिगहा चुट्टी उइय्यी होले, आद अदगे महबा हवे, एन्‍देरगेका चुट्टी अदगे कुलकुटर'आ गेम चीरकी र'ई।[16] लिकिन नेकइम ई पत्त नू आनानख्र'आ बेद्ददस होले, इदन अख़'आ हो'आ का एमा गे महले धर्मेसी कलीसिया गुट्ठी गे अउर नन्ना नेगचार मल्‍ला।

Kurukh Bible 2014 Kurux
No Data