| १ कुरिन्थियों 13:7 |
| चोन्हा उर्मी कत्थन सह'ई, अरा उर्मी कत्थन पत्त'ई, अरा उर्मी कत्था नू असरा उइय्यी, अरा उर्मी कत्था नू सहनुम चिहुट ननी। |
|
| १ पतरस 5:7 |
| निम्है उर्मी घोख गुट्ठिन आस गे चिलघ'आ, एन्देगेका आस गे निम्है सोच र'ई। |
|
| २ कुरिन्थियों 5:7 |
| एन्देरगेका नाम ईरका कत्था ती मला पत्त'अना ती ऎकदत। |
|
| २ कुरिन्थियों 12:9 |
| लिकिन उर्बस बाचस, “एंग्है मया निंगा गे नीन्द्रकी र'ई, ईगेका निंग्है पयहा नू एंग्है सवंग दौलेम नलख ननी।” औंगे अक्कु ऎन एंग्है पयहा गुट्ठी ही पत्त नू कोड़हे रिझ ती फुलई मनोन। ख़ने मसीसी सवंग एंग्हा नू नलख नना ऊंगी। |
|
| इब्रानियों 13:5 |
| ढिबा मइय्याँ अमके चिबाख़ार'आ, निंग्है गुसन ऎ बग्गे र'ई अत्रुम खतिर ननके। एन्देरगेका धर्मेस एन्ने बाचकादस, “ऎन निंगन इकला हूँ मल अम्बोन। ऎन निंगन इकला हूँ मल मॊधर'ओन।” |
|
| यूहन्ना 3:16 |
| धर्मेस गा ख़ॆख़लन एन्ने कोड़हे चोन्हा नंजस का आस तंग्है ओर्त लेका ख़द्दासिन चिच्चस। औंगे एकार आस नू पत्त'अनर आर मल नठार'ओर, लिकिन जनमजुग ही उज्जनन ख़क्खोर। |
|
| यूहन्ना 12:40 |
| “धर्मेस आर ही ख़न्नन कना, अरा आर ही जियन बेड़हा नंजका र'अस। एन्ने अम्बो मना का आर ख़न्न ती ऎरोर, अरा जिया ती बुझुर'ओर, अरा आर एंग्है गुसन किर्रोर बर'ओर, अरा ऎन आरिन कोड़े ननोन।” |
|
| यूहन्ना 14:1 |
| येसुस तंग्है चेलारिन बाचस, “निम्है जिया उकुल बुकुल अम्बो मना। धर्मेस मइय्याँ पत्त'आ, एंग्है मइय्याँ हूँ पत्त'आ। |
|
| यूहन्ना 14:27 |
| ऎन निमा गे कोड़े चि'अरकी कादन, एंग्है कोड़ेन चि'अदन। ख़ॆख़ेल चि'अना कोड़े लेक्खा ऎन मल चि'अदन। औंगे नीम अमके उकुल बुकुल मना, अरा नीम अमके एल्चा। |
|
| यूहन्ना 16:33 |
| ऎन इबड़ा कत्थन निमन तिंकादन का नीम एंग्हा नू कोड़े ख़क्खा ओंग्दर। ई ख़ॆख़ेल नू निमा खिलपत मनो, लिकिन डिढ मना, ऎन ख़ॆख़लन जितिचका र'अदन।” |
|
| लूका 24:38 |
| लिकिन येसुस बाचस, “एन्देरगे एल्चदर? अरा एन्देरगे भरटालदर? |
|
| मरकुस 11:23 |
| ऎन निमन ओन्टा मुदे कत्था ब'अदन, एकअम ओर्तोस ई परतन ‘नीन चडर'अय कलय अरा समुदर नू खत्तर'अय कलय’ ब'अरकी तंग्है जिया नू धुकुर पुकुर मल ननरकी ऎन एन्देर ब'अदन आद मनो अन्ने पत्त'ओस होले, धर्मेस आस गे अदन ननोस। |
|
| मत्ती 5:8 |
| नॆख'आ जिया सफा र'ई, आरिन धर्मेस आसीस ननोस, आर धर्मेसिन ऎरोर। |
|
| मत्ती 11:28 |
| अना उर्मी अर्ज'ऊ अरा ओत्था ती कज्रका आलारो! एंग्है गुसन बरा, ऎन निमा ख़न्न ऎख़्रत'ओन। |
|
| प्रकाशित वाक्य 21:4 |
| अरा आस आर ही ख़न्न ती उर्मी ख़ंजलख़ोन चींचोस। अरा अक्कु ती खे'अना मल मनो, अरा ख़ोदख़ोरना मलता ओलख़ना मलता नुंजना मल र'ओ, एन्देरगेका पच्चा कत्था गुट्ठी गुछरा केरा।” |
|
| रोमियों 8:28 |
| नाम अख़दत का एकार धर्मेसी चिताबुता ती मॆख़रका र'अनर अरा आसिन चोन्हा नन्नर, आर गे धर्मेस आर ही दौ गे दिम उर्मीन नन्दस। |
|
| रोमियों 12:2 |
| ई ख़ॆख़ेल ता आलर ही लेक्खा अमा मना, लिकिन धर्मेस ती निम्है जिया सुबहन बदल'आ। होले नीम अख़'ओर का निमा एन्देर नन्ना र'ई एकन्ने धर्मेस बेद्ददस, अरा एन्देर दौ र'ई अरा एन्द्रा धर्मेसिन रिझतार'ई अरा एन्द्रा कोड़हे बॆस र'ई। |
|
| १ कुरिन्थियों 6:19-20 |
| [19] नीम इदन बलदर का निम्है मॆद नेम्हा बॊलतासी मन्दिर हवे? अरा धर्मेस ती नीम ख़क्ख्रका नेम्हा बॊलतस निम्है नू ओक्रदस। नीम निम्है मलदर। [20] एन्देरगेका नीम कोड़हे दाम चि'अरकी ख़ॆन्द्रकादर। औंगे नीम निम्है मॆद ती धर्मेसी महबा नना। |
|
| फिलिप्पियों 4:6-7 |
| [6] एन्देर कत्था गे हूँ अमा घोख'आ। लिकिन उर्मी कत्था नू निम्है ने'अना, गोहरारना अरा जलिय'अना ती धन्यवाद गने धर्मेसी मुन्दहारे अंड़सी नेक'आ।[7] होले उर्मी बुझुरना ती गेच्छा र'अना धर्मेसी सान्ति, निम्है जिया गुट्ठिन अरा निम्है सोचना गुट्ठिन नीम मसी येसुसी र'अना ती ख़ापो। |
|
| मत्ती 11:28-30 |
| [28] अना उर्मी अर्ज'ऊ अरा ओत्था ती कज्रका आलारो! एंग्है गुसन बरा, ऎन निमा ख़न्न ऎख़्रत'ओन।[29] एंग्है पगसिन नीम चेड़'आ अरा एंग्है ती सिख्र'आ, एन्देरगेका ऎन नर्मियाँ अरा जिया ती लुदऊ र'अदन, औंगे नीम निम्है जिया नू ख़न्न ऎख़्र'ओर। [30] एन्देरगेका एंग्है पगसी सेब्बा अरा एंग्है चिर्खी नेब्बा र'ई।” |
|
| Kurukh Bible 2014 Kurux |
| No Data |