A A A A A

Sins: [Cursing]


Koloshan 3:8
Bot nou, unu fi get rid a aal a dem sitn ya: no get beks an get so mad dat unu kyaahn iivn kanchuol unuself. No kip malis niida, an no chat bad bout piipl an tier dem dong. An no mek no doti wod kom outa unu mout niida.

Koloshan 4:6
Taak tu piipl nais, an mek dem waahn fi iina wa unu a se jos siek-a ou unu taak. Siizn op unu aagiment wid saalt, so dem waahn fi ier muo an muo bout wa unu a se. An unu fi nuo ou fi ansa evribadi tu.

Ifijan 4:29
Unu fi tap chat doti chat. Taak gud sitn aal di taim. Da wie de, di sitn dem we unu se wi bil op di piipl dem we niid fi get bil op. An enibadi we ier we unu se wi nuo ou Gad lov dem iivn duo dem no dizorv it.

Ifijan 5:4
No yuuz doti wod, an no bada wid aigl, kielis an fuul-fuul taak, kaaz Gad piipl no du dem sitn de. Wa unu fi du a gi Gad tangks.

Jiemz 1:26
Ef nobadi tingk se im a sorv Gad di rait wie, bot im kyaahn kanchuol im tong, im jos a fuul imself, an we im se im a du fi Gad no wot notn.

Jiemz 3:10
Di mout we wi a yuuz fi priez Gad a di siem mout wi a yuuz fi kos out piipl. Mi breda an sista, notn kyaahn go so.

Jiemz 3:5-12
[5] A siem so piipl tong tan. Iivn duo di tong a wan likl likl paat a dem badi, it kyan chat big buosi chat, an kaaz nof chobl fi ada piipl. Tingk buot ou wan likl gyash a faiya kyan bon dong wan uol faris.[6] Iivn duo di tong a paat a wi badi, it komiin laik wan torbl faiya. It ful op a wikid powa we kyan mes op yu uol laif an put yu iina so moch chobl dat it komiin laik aal el brok luus pan yu, kaaz di tong komiin laik it set pan faiya we kom chriet fram el.[7] Piipl kyan chrien aal kain-a animal: wail animal, bod, animal we kraal pan di grong an animal we liv iina di sii — piipl chrien dem animal de aal di taim.[8] Bot nobadi kyaahn kanchuol di tong. It bizi-badi, wikid an ful-a paizn fi kil aaf piipl. Nobadi kyaahn kanchuol it at aal at aal.[9] Di siem tong we wi yuuz fi priez Faada Gad, a di siem tong wi a yuuz fi kos aaf piipl we Gad mek fi tan laik imself.[10] Di mout we wi a yuuz fi priez Gad a di siem mout wi a yuuz fi kos out piipl. Mi breda an sista, notn kyaahn go so.[11] Ou fresh waata an saalt waata fi kom outa di siem spring, iihn?[12] Breda an sista, fig chrii kyan bier aliv fruut? Griep vain kyan bier fig? Saalt spring kyaahn sen out fresh waata mi breda an sista!

Luuk 6:28
Enibadi we kos unu, bles dem, an prie fi di wan dem we no diil wid unu gud.

Matyu 5:22
Bot ier wa mi a se, jos beks wid unu breda ar unu sista, an unu afi go a kuot, an di joj a-go se unu gilti an rait unu aaf! An enibadi we shiem dem breda ar sista an tel dem ou dem woklis an dem sitn de, unu a-go afi go a di tap-a-tap joj dem, an enibadi we kaal dem breda ar sista wan woklis gud fi notn fuul — el faiya a-go riich dem.

1 Piita 3:10
Laik we rait dong iina Gad wod, “Enibadi we waahn fi liv fi lang an liv api tu, dem mosn se notn bad bout nobadi, an dem fi tap tel lai.

Matyu 15:11
Wen sumadi doti, a no siek-a wa dem put iina dem mout; a wa kom outa dem mout mek dem doti.”

Ruoman 12:14
Di piipl we a kaaz unu fi sofa, unu mos prie an aks Gad fi bles dem; aalwiez aks Gad fi bles piipl, no prie an aks im fi du notn bad tu dem.

Matyu 15:10-11
[10] Den Jiizas kaal di piipl dem wich paat im de an se, “Ier wa mi a se an andastan dis:[11] Wen sumadi doti, a no siek-a wa dem put iina dem mout; a wa kom outa dem mout mek dem doti.”

Jiemz 3:8-10
[8] Bot nobadi kyaahn kanchuol di tong. It bizi-badi, wikid an ful-a paizn fi kil aaf piipl. Nobadi kyaahn kanchuol it at aal at aal.[9] Di siem tong we wi yuuz fi priez Faada Gad, a di siem tong wi a yuuz fi kos aaf piipl we Gad mek fi tan laik imself.[10] Di mout we wi a yuuz fi priez Gad a di siem mout wi a yuuz fi kos out piipl. Mi breda an sista, notn kyaahn go so.

Matyu 15:18-20
[18] Bot di sitn dem we kom outa unu mout, a outa unu aat dem kom fram. An a dem sitn de wi mek piipl doti an no kliin iina Gad yai.[19] Kaaz a outa di aat aal kain-a wikidnis we piipl tingk op kom fram. Wen sumadi go kil, go sliip wid sumadi we dem no marid tu ar gwaan wid aal kain-a ada seks sin, wen piipl tiif, tel lai, ar tek dem mout tier dong ada piipl — a di aat dem sitn de kom fram.[20] A dem sitn de mek piipl doti. Wen unu nyam an no wash unu an, an no dat kaaz piipl fi no kliin iina Gad yai.”

Jamaican Bible
© 2012 by The Bible Society of the West Indies