A A A A A

Sins: [Apostasy]


2 Tesaluoniyan 2:3
No mek nobadi fuul unu op non at aal. Kaaz da die de naa kom til wan taim kom wen uol iip a piipl a-go go gens Gad an no waahn av notn fi du wid im. An da die de naa kom til di Man we brok Gad Laa shuo op — di man we Gad boun fi tier dong an mash op iina el.

1 Timoti 4:1
Di Uoli Spirit tel wi plien plien se iina dem laas die ya, nof piipl a-go ton dem bak pan di chuut bout Jiizas an go biliiv iina wa di wikid laiyad spirit tel di faalz tiicha dem fi priich.

Libruu 3:12
Mi breda an sista, mek shuor se non a unu no av aat we so wikid dat unu no biliiv iina di Gad we alaiv — di siem wan we mek piipl liv.

Luuk 8:13
Di siid dem we jrap pan di grong we bier rakstuon de, a piipl we glad fi Gad wod, biliiv Gad wod fi likl bit, bot siem laik di plaant dem uufa ruut no go dong diip iina di grong, dem no mek Gad wod go diip iina dem aat. Dem biliiv fi likl bit, bot wen taim kom fi dem get tes, dem ton bak — siem laik ou di plaant jrai op an ded.

Libruu 6:4-6
[4] Notn kyaahn mek piipl we did a waak wid Gad an ton bak an tap biliiv iina im, we did nuo di chuut we kom fram Gad, we did nuo ou it fiil fi Gad gi dem sopm kaaz dem get tingz fram im, we get di Uoli Spirit tu laik ada piipl,[5] we did ties an nuo fi demself se Gad wod gud, an we fiil an nuo di powa we kom wen Gad staat ruul iina evri wie,[6] an den afta aal a dat ton dem bak pan Gad, notn kyaahn mek dem piipl de kom bak tu Gad agen. Kaaz a niel dem a niel Gad Bwai Pikni pan di kraas wan muo taim, an mek piipl a luk dong pan im an tek im fi fuul.

2 Piita 2:20-22
[20] Ef nobadi manij fi get we fram di wikidnis a da worl ya, kaa dem kom fi nuo wi Laad, Jiizas Krais, di wan we siev wi, an den dem siem wan go tai op bak demself iina wikidnis an mek it kangka dem, dem wosaraaf nou dan bifuo dem did fos biliiv an staat fala Jiizas.[21] Dem wuda betaraaf ef dem neva nuo di rait wie iina di fos plies, dan fi dem nuo it an den go ton dem bak pan wa Gad se wi fi du — di sed mesij we dem did get.[22] Dem pruuv se di pravorb dem rait fi chuu. Di pravorb dem se, “Wan daag ton bak tu wa it vamit op” an “Wan pig we wash aaf aredi gaan bak gaan wala-wala iina di mod.”

Libruu 10:26-29
[26] Kaaz ef wi mek op wi main se wi a-go gwaan sin galang afta wi don nuo wa chuu, no muo sakrifais no de fi tek we wi sin yu nuo.[27] Bot notn no lef fi wi du dan fi wiet an fried a Gad jojment we a kom, plos di wikid wikid faiya we im a-go tek bon op di piipl dem we fait gens im.[28] Ef sumadi did brok di Laa we Gad did gi Muoziz, an tuu ar chrii sumadi se dem si im ar shi a brok di Laa, dem wuda kil da sumadi de an dem naa sari fi dem niida.[29] So a umoch wos Gad fi ponish sumadi we chrampl op pan im Bwai Pikni, an we chriit Jiizas blod laik se it chiip, wen a it yuuz fi set op di nyuu plan we Gad mek? An a it yuuz fi tek we da siem sumadi de sin. Umoch wos im ar shi fi get ponish wen dem taak gens di Uoli Spirit we shuo wi wan kain-a lov we wi no iivn dizorv — iihn, umoch wos?

2 Timoti 4:3-4
[3] Kaaz wan taim a-go kom wen piipl naa go put op wid ar lisn tu wa Gad piipl a tiich. Insted-a dat, fi mek demself api, dem a-go luk fi di tiicha dem we wi tel dem wa dem waahn fi ier, kaaz dem lov ier nyuu sitn.[4] An dem a-go ton dem bak pan di chuut an staat lisn tu di tuori dem we a no chuu.

Jan 15:6
Ef sumadi no tan pan mi, dem komiin laka di lim dem we get fling we an den jrai op. Piipl pik op dem lim de, fling dem iina faiya an bon dem op.

1 Timoti 4:1-2
[1] Di Uoli Spirit tel wi plien plien se iina dem laas die ya, nof piipl a-go ton dem bak pan di chuut bout Jiizas an go biliiv iina wa di wikid laiyad spirit tel di faalz tiicha dem fi priich.[2] Dem tiicha ya a ipokrit, dem no nuo rait fram rang kaaz dem naa no kanchens.

2 Piita 2:1
Yu did av faalz prafit we yuus tu kom tu di piipl dem iina di paas, a siem so nou faalz tiicha wi kom tu unu. Widout unu iivn si wa a gwaan, dem wi siniik iin di faalz sitn we dem tiich fi mek unu chrie. An dem aal a se Jiizas Krais, di Laad an Maasta, a no fi dem Laad, wen a im siem wan did pie fi mek dem go frii, so dat sin no av no powa uova dem. Bot bifuo dem kyan iivn bat dem yai, a el an powda ous dem a bring dong pan demself.

Matyu 24:10-12
[10] Uol iip a piipl a-go gi op an tap fala mi. Dem a-go sel out dem wan aneda an iet dem wan aneda.[11] Nof nof faalz prafit a-go kom bout an chrik chrik op uol iip a piipl,[12] an kaa wikidnis a-go pred laik wail faiya, muos piipl aat a-go ton kuol an dem naa bada lov piipl laik wan taim.

2 Piita 3:17
So fren, laik ou unu nuo dis aredi, wach out an no bada mek di rang we di wikid piipl dem we no bizniz wid Gad a du, kaaz unu fi chrie. Unu biliiv iina Gad chrang chrang nou, so no bada jrap aafa faam.

Jan 6:66
Fram da taim de, nof a im falara dem ton bak an tap fala im. So im se tu im twelv falara dem se,

2 Piita 2:17
Dem piipl ya komiin laik wan foutn widout no waata, dem a laik kloud we staam bluo we; di daakis paat a el a wiet fi dem.

1 Timoti 4:1-3
[1] Di Uoli Spirit tel wi plien plien se iina dem laas die ya, nof piipl a-go ton dem bak pan di chuut bout Jiizas an go biliiv iina wa di wikid laiyad spirit tel di faalz tiicha dem fi priich.[2] Dem tiicha ya a ipokrit, dem no nuo rait fram rang kaaz dem naa no kanchens.[3] Dem tiich se piipl no fi get marid an dem no fi nyam sortn an sortn fuud. Bot di piipl we biliiv iina di chuu Gad nuo se Gad mek aal fuud fi nyam, aal yu afi du a gi tangks fos.

1 Korintiyan 10:12
So ef yu tingk se yu a tan op chrang, yu beta wach yuself so dat yu no jrap dong.

Matyu 24:9-10
[9] “Wen dat apm, dem a-go tek unu, an gi unu uova tu di piipl dem we a-go ponish unu an kil unu. An kaa unu a fala mi, piipl fram aal bout a-go iet unu.[10] Uol iip a piipl a-go gi op an tap fala mi. Dem a-go sel out dem wan aneda an iet dem wan aneda.

Matyu 26:14-16
[14] Den wan a Jiizas twelv falara dem, di wan we niem Juudas Iskyariyat, lef go wich paat di ed priis dem de.[15] Ier im tu dem no, “Wa unu wi gi mi, ef mi elp unu ares Jiizas?” So dem kount out toti silva kain an se a dat im wi get.[16] Fram da taim de Juudas staat luk fi wan chaans fi sel out Jiizas.

1 Timoti 1:19-20
[19] an gwaan biliiv iina Jiizas Krais no mata wa an du we yu nuo iina yu aat rait. Kaaz som piipl ton dem bak pan wa dem nuo iina dem aat rait, an mash op dem fiet iina Gad.[20] Tuu piipl we dis apm tu a Aimeniyos an Aligzanda. Mi ton dem uova tu Sietan so dat dem wi lorn no fi kos Gad.

1 Jan 2:19
Dem piipl de lef fram mongks unu, bot dem a neva did riili paat a unu at aal. Ef dem a did paat a unu dem wuda tan wid unu. Bot wen dem lef, dat shuo se dem a neva paat a unu choch at aal at aal.

Libruu 10:25-31
[25] Mek wi gwaan miit tugeda an kip choch — no tap, laik we som piipl a du. Insted-a dat mek wi kom tugeda an taak so wi wan aneda aat kyan get chrangga; wos laka ou di Laad suun kom bak, mek wi du dem sitn de muo an muo nou.[26] Kaaz ef wi mek op wi main se wi a-go gwaan sin galang afta wi don nuo wa chuu, no muo sakrifais no de fi tek we wi sin yu nuo.[27] Bot notn no lef fi wi du dan fi wiet an fried a Gad jojment we a kom, plos di wikid wikid faiya we im a-go tek bon op di piipl dem we fait gens im.[28] Ef sumadi did brok di Laa we Gad did gi Muoziz, an tuu ar chrii sumadi se dem si im ar shi a brok di Laa, dem wuda kil da sumadi de an dem naa sari fi dem niida.[29] So a umoch wos Gad fi ponish sumadi we chrampl op pan im Bwai Pikni, an we chriit Jiizas blod laik se it chiip, wen a it yuuz fi set op di nyuu plan we Gad mek? An a it yuuz fi tek we da siem sumadi de sin. Umoch wos im ar shi fi get ponish wen dem taak gens di Uoli Spirit we shuo wi wan kain-a lov we wi no iivn dizorv — iihn, umoch wos?[30] Kaaz wi nuo a uu se, “A mi a di wan we a-go ponish piipl fi di wikidnis we dem du, an mi a-go pie dem bak fi aal a di bad sitn dem we dem du.” An wan neks taim im se, “Di Laad wi joj im piipl dem.”[31] A no wan nais sitn fi jrap iina di an fi di Gad we a liv, an im ponish yu yu nuo — enibadi we dat apm tu fi kech dem fried!

Matyu 13:20-21
[20] Di siid we jrap wich paat bier rakstuon de, a di sumadi we ier di wod an glad fi it siem taim.[21] Bot siem laik di plaant uufa ruut no go dong diip iina di grong, im no mek Gad wod go diip iina im aat, so im no laas no taim. Bot wen tof taim lik im siek-a Gad wod, im gi op an ton bak siem taim — siem laik ou di plaant jrai op an ded.

1 Korintiyan 9:27
Nuo mi no mek mi badi kanchuol mi, mi kanchuol mi badi an mek it du wa mi waahn it fi du. Da wie de afta mi don priich di Gud Nyuuz Gad kyaahn se mi no dizorv fi mi praiz.

Libruu 6:4-8
[4] Notn kyaahn mek piipl we did a waak wid Gad an ton bak an tap biliiv iina im, we did nuo di chuut we kom fram Gad, we did nuo ou it fiil fi Gad gi dem sopm kaaz dem get tingz fram im, we get di Uoli Spirit tu laik ada piipl,[5] we did ties an nuo fi demself se Gad wod gud, an we fiil an nuo di powa we kom wen Gad staat ruul iina evri wie,[6] an den afta aal a dat ton dem bak pan Gad, notn kyaahn mek dem piipl de kom bak tu Gad agen. Kaaz a niel dem a niel Gad Bwai Pikni pan di kraas wan muo taim, an mek piipl a luk dong pan im an tek im fi fuul.[7] Kaaz di grong we suok op di rien we faal pan it nof nof, an we mek plaant gruo an bier fuud we di faama kyan nyam — Gad bles da grong de.[8] Bot di grong we onggl mek makabush an we eva wiid op wiid op, da grong de naa no yuus, an Gad suun mek it kyaahn bier notn; faiya a-go en op bon it dong.

Aks 21:21
Wel, dem ier se yu a tiich aal a di Juu dem we liv mongks di piipl we a no Juu se dem fi ton we fram we Muoziz tiich, no sorkomsaiz dem pikni, ar liv laik ou Juu fi liv.

Gyalieshan 5:4
Yu si di wan dem we gaan bak gaan fala di Laa an tingk se dat a-go mek tingz rait bitwiin dem an Gad — dem kot aaf demself fram Krais Jiizas. Unu a mek it so dat Gad naa go kyan gud an kain tu unu.

1 Korintiyan 6:9
Unu no nuo se di wikid naa go av no paat iina Gad kindom? No bada fuul unuself! Di piipl dem we tek paat iina aal kain-a seks sin an we worship faalz gad naa go tek paat iina Gad kindom. Piipl we sliip wid piipl dem no marid tu, piipl we sel dem badi fi moni, man we sliip wid man an uman we sliip wid uman, dem naa go si Gad kindom at aal.

Libruu 10:26
Kaaz ef wi mek op wi main se wi a-go gwaan sin galang afta wi don nuo wa chuu, no muo sakrifais no de fi tek we wi sin yu nuo.

Matyu 13:41
Di Man we Gad Pik a-go sen out im ienjel dem, an dem a-go tek outa im kindom evriting we mek piipl du rang an aal a di rang-duwa dem.

2 Timoti 4:3
Kaaz wan taim a-go kom wen piipl naa go put op wid ar lisn tu wa Gad piipl a tiich. Insted-a dat, fi mek demself api, dem a-go luk fi di tiicha dem we wi tel dem wa dem waahn fi ier, kaaz dem lov ier nyuu sitn.

2 Tesaluoniyan 2:3-4
[3] No mek nobadi fuul unu op non at aal. Kaaz da die de naa kom til wan taim kom wen uol iip a piipl a-go go gens Gad an no waahn av notn fi du wid im. An da die de naa kom til di Man we brok Gad Laa shuo op — di man we Gad boun fi tier dong an mash op iina el.[4] Im a-go fait gens eniting an enibadi we piipl kaal gad, an eniting we dem worship. An im a-go put imself aiya dan dem. Im a-go aal tek siit iina Gad ous an kliem se im a Gad.

Jan 1:14
Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.

1 Timoti 4:10
Wi put wi chos iina di Gad we kyaahn ded an we siev evribadi, speshali di wan dem we biliiv iina im. Gad pramis fi mek wi liv fi eva ef wi chos iina im an a so mek wi afi chogl an wok aad.

1 Piita 3:17
Ef unu du sitn gud an sofa — ef a so Gad se it fi go — unu betaraaf dan ef unu du sitn we rang an go sofa.

1 Tesaluoniyan 2:3
di mesij we wi bring kom gi unu neva kom fram no lai. Wi neehn tel unu fi di rang riizn, an wi neehn a chrai fi chrik unu niida.

1 Timoti 4:2
Dem tiicha ya a ipokrit, dem no nuo rait fram rang kaaz dem naa no kanchens.

Maak 10:11
So im tel dem se, “Ef nobadi brok op wid dem waif an go marid sumadi els, im du rang gens im waif. Im komiin jos laik sumadi we a gi im waif bon.

Luuk 22:3-6
[3] Den Sietan go iina Juudas, we dem kaal Iskyariyat, im a did wan a Jiizas Twelv apasl dem.[4] So, Juudas go a di ed priis an di tap man dem we gyaad Gad ous fi taak bout ou im kuda sel out Jiizas an gi im uova tu dem.[5] Dem glad so til an pramis fi pie im.[6] Juudas mek baagin wid dem, an im wiet fi di chaans, wen di kroud no de de fi gi Jiizas uova tu dem.

Matyu 12:31-32
[31] A dat mek mi tel unu se piipl a-go get paadn fram evri wikid an torbl sitn we dem du an evri wikid sitn we dem se bout Gad, bot enibadi we se wikid sitn bout Gad Spirit dem naa get paadn.[32] Enibadi we chat bad gens di Man we Gad Pik, Gad wi paadn dem. Bot enibadi we chat bad gens di Uoli Spirit, dem naa go get paadn. Dem naa get paadn iina da laif ya ar di laif we a-go kom.

Jamaican Bible
© 2012 by The Bible Society of the West Indies